Fréttablaðið - 26.10.2007, Síða 46

fréttablaðið heilsa og hreyfing 26. OKTÓBER 2007 FÖSTUDAGUR8
Jesús eignaðist aldrei reiðhjól
en hann var ólatur við göngu
og hefði vafalaust tekið á því
í spinning undir taktfastri
gospeltónlist þar sem vinsæl-
asta lagið er Awesome God.
„Ég var búinn að minnast á þetta
við Hrönn Svansdóttur, lofgjörð-
arleiðtoga í Fíladelfíu, sem fékk
hálfgert líkamsræktaræði og
breyttist úr venjulegri mömmu
í fitness-ofurgellu, en við vild-
um hafa góð áhrif á fólk í kring-
um okkur og duttum niður á spinn-
ing-tíma með gospeltónlist,“ segir
Guðbjörn Herbert Gunnarsson,
einkaþjálfari í Laugum, sem kenn-
ir gospel-spinning á laugardags-
morgnum klukkan 8.20.
„Þessi tími er fyrir alla og mik-
ill misskilningur að hann sé bara
fyrir meðlimi trúfélaga á borð
við Hvítasunnusöfnuðinn í Fíla-
delfíu. Fólk úr öllum trúarbrögð-
um sækir þessa tíma vegna þess
að það upplifir mikinn styrk frá
fólkinu, auk þess sem margir þrá
eyrnafrið fyrir Rammstein og
brjáluðu graðhestarokki sem ein-
kennt hefur spinning til þessa,“
segir Guðbjörn, en vinsælasta
lagið í tímunum er stuðlagið Awe-
some God.
„Í því er brjálaður andi og klapp,
fólk tekur undir og það kemur
svona nett gæsahúð á þetta. Það
kom mér á óvart hve mikið er til
af stuðlögum í gospelinu en í þrek-
hringnum áður en farið er í spinn-
ing er ég með 50 bestu gospellög-
in í undirspili og oft tekið hressi-
lega undir meðan hamast er,“
segir Guðbjörn en til undantekn-
inga heyrir að einhverjum mis-
bjóði Jesúgleðin.
„Fólk er kannski dálítið feim-
ið í fyrstu, enda fordómar gagn-
vart sannkristnu fólki miklir á Ís-
landi. Einn og einn hefur gengið út
um leið og hann hefur heyrt nafn
frelsarans í lagi, en flestir fíla
þessa tíma í botn. Andrúmsloft-
ið er þrungið léttleika og gleði og
fólk upplifir andlegan frið á eftir.
Það kveður því endurnært á lík-
ama og sál,“ segir Guðbjörn sem
endar oft tímana með samveru í
heita pottinum.
„Íbúar hins vestræna heims
eru mjög leitandi því þeir finna
að Mammon og allt það sem fólk-
ið hefur keypt sér til friðþæg-
ingar skilar engu. Því er mjög
gaman að taka þátt í þessari vakn-
ingu og fólk mjög þakklátt. Við
tökum lítil skref í einu því for-
dómar utan frá eru jafnan miklir,
en hroki er alltaf óttamynd og mín
reynsla að þeir sem sýna mestan
hroka eru hræddastir og næstir í
röðinni að koma inn,“ segir Guð-
björn brosmildur, og til stendur að
fjölga tímunum í gospel-spinning
upp í þrjá á viku í vetur.
„Þetta er svo vinsælt og vax-
andi. Við tökum kærleikann á
þetta allt saman, enda kom Jesús
til fólksins til að elska en ekki
dæma.“ thordis@frettabladid.is
Spinning, halelúja!
Guðbjörn Herbert Gunnarsson, einkaþjálfari í Laugum, sem kennir gospel-spinning
eldsnemma á laugardagsmorgnum þegar skynsamlegast er að taka á því ef menn
vilja losna við fituna. FRÉTTABLAÐIÐ/PJETUR
Bolungarvík hefur verið heilsubær í sjö ár og heldur því áfram.
„Þetta er víðtækt langtímaverkefni sem hefur skilað árangri.
Íbúarnir eru meðvitaðir um getu sína og hæfileika til að velja það
sem þeim hentar best í heilsurækt,“ segir Sigrún Gerða Gísla-
dóttir, hjúkrunarfor-
stjóri í Bolungarvík
sem er hugmyndasmið-
ur heilsubæjarins.
Samkvæmt frétt
á vef bæjarfélags-
ins mættu 400 manns
í sund í Bolungarvík
yfir eina helgi í þessum
mánuði. Þegar fréttin
er borin undir Sigrúnu
Gerðu segir hún. „Sund
og vatnsleikfimi eiga
sér langa hefð í Bolungarvík. Það er samstaða fólks sem skipt-
ir miklu máli því allt byggist á þeim krafti sem er í samfélaginu
sjálfu. Á því byggist heilsueflingin.“
Í sumar var byggð brú yfir læk sem tengir saman vinsælar
gönguleiðir í bænum. Sannkölluð heilsubrú. Sigrún Gerða legg-
ur líka víðari merkingu í það orð. „Heilsubrúin er líka viðhorf
og hugmyndafræði. Að við séum lögð út á brúna sem tengir
okkur við betra og hollara líf. Það verður ástríða og eitthvað til
að stefna að því alls staðar er hægt að byggja brýr ef viljinn er
fyrir hendi.“
Heilsubrú í mörgum
myndum
Brú getur bæði verið samgöngubót og tengt
okkur við betra og hollara líf.
PAPRIKAN RAUÐ OG GÓÐ Í rauðri papriku er
þrefalt það magn af C-vítamíni sem finnst í sítrusávöxtum.
Hún er þar að auki uppfull af beta-karótíni, trefj-
um og B6-vítamíni. Hún er bráðholl og gott
að borða hana eina og sér, á brauði með
kotasælu, eða í salati. Þrælgott er að
grilla hana, setja hana í pottrétti eða
fylla með hrísgrjónum og öðru góð-
gæti. Þar að auki er hún falleg á litinn
og sæt á bragðið. Hægt er að geyma
papriku í plastpoka í allt að eina viku.
ÁVALLT VIÐBÚIN
Þeir sem stunda útivist af
krafti og ganga um fjöll og
firnindi vita hversu mikilvægt
það er að vera vel klæddur
og útbúinn. Miklu máli skipt-
ir að skipuleggja ferðina vel
og sjá til þess að pakka skyn-
samlega því ekki er heldur
gott að hafa of þungar byrðar.
Finna má góðan útivistarfatn-
að og hlýjan í verslunum eins
og 66°Norður, Útilíf, Everest,
Ellingsen, Útivist og sport og
víðar. Einnig má fá góða ullar-
sokka og annan ullarfatnað í
verslunum eins og Prjónasam-
bandinu, Víkurprjóni, Ramma-
gerðinni og jafnvel á bensín-
stöðvum. Það ætti því ekki að
vera flókið að fata sig vel upp
fyrir fjallaferðirnar og gott
er að hafa í huga
að fatnaðurinn
sé léttur og hlýr í
senn.
TÆRNAR Í FYRIRRÚMI Fæturn-
ir og tærnar okkar þurfa mikla ást og um-
hyggju svo ekki komi upp vandamál eins
og líkþorn, inngrónar neglur og svepp-
ur. Regluleg fótaböð eru alveg nauðsynleg
og tilvalið að skella sér í eitt slíkt vikulega á
meðan setið er yfir sjónvarpinu. Til eru góð
sölt sem hægt er að setja út í vatnið sem
mýkja fæturna og gera fótabaðið að hrein-
um unaði.