Fréttablaðið - 02.11.2007, Page 33

Tískan fer oft í hringi og vekur
það kátínu hjá eldri kynslóð-
inni þegar gömlu hallærislegu
fötin og fylgihlutirnir líta aftur
dagsins ljós.
Eins manns rusl getur verið
annars manns fjársjóður og nú
ætti fólk að hugsa sig tvisvar um
áður en það fleygir stóru, litríku
gleraugunum sem sáust víða í
kringum fæðingartíma Stöðvar 2.
Gunnhildur Þórðardóttir mennta-
skólanemi er ein þeirra sem fallið
hafa kylliflatir fyrir töfrum súpu-
skálagleraugnanna sem þekja
hálft andlitið og setja svo sannar-
lega sinn svip á eigandann.
„Ég fékk mín gleraugu í Popp á
Laugaveginum en þar er mikið
úrval. Þar eru margar tegundir
frá fjölbreyttum merkjum. Þó að
þetta séu gömul gleraugu þá eru
þau samt ónotuð þar sem þetta er
gamall lager,“ útskýrir Gunnhildur
sem er mjög ánægð með gleraugun
sín. Hún lét setja gler með styrk-
leika í umgjörðina í gleraugnabúð
og var það lítið mál. En hvað er
svona heillandi við þessi gler-
augu?
„Þau eru sérstök og það eiga
ekki allir eins gleraugu. Mér finnst
þau líka bara flott og gaman að
vera með þau,“ segir Gunnhildur
og bætir við hlæjandi að fyrst hafi
mamma sín fengið dálítið sjokk
þegar hún sá gleraugun en hafi
svo vanist þeim.
„Hún átti nú svona gleraugu
sem ég ætlaði fyrst að vera með
og ég fór með þau til gleraugna-
smiðs. En af því að þau voru gömul
og notuð þá var ekki hægt að setja
nýtt gler í því þá var hætt við því
að þau myndu brotna,“ segir
Gunnhildur sem á nú gráröndótt
gleraugu með gyllingu að ofan.
„Gleraugun hafa vakið mismikla
lukku en það er aðallega fjölskyld-
an sem talar um þau. Þeim finnst
þetta dálítið fáránlegt en ég hef
samt fengið mikið hrós frá jafn-
öldrum mínum,“ segir Gunnhildur
kímin. Vinkona hennar á sams
konar gleraugu og fékk hún þau í
Kolaportinu þannig að hægt er að
nálgast þau víða. Frá því að Gunn-
hildur keypti sín gleraugu í ágúst
hefur hún orðið vör við auknar
vinsældir gleraugnanna.
„Ég hef séð heilmikið af fólki
með svona en það er aðallega fólk
á mínum aldri,“ segir Gunnhildur
og heldur áfram að brosa framan í
heiminn með geggjuð gleraugu á
nefinu.
Geggjuð gleraugu
Ný s
endi
ng