Fréttablaðið - 02.11.2007, Qupperneq 80

„Taktkjafturinn“ Beatur tekur þátt í heimsmeistarakeppn-
inni í „beatboxi“ sem verður haldin í Þýskalandi næsta
sumar.
Beatur, sem heitir réttu nafni Bjartur Guðjónsson, er
núverandi Íslandsmeistari í „beatboxi“ og tekur þar af
leiðandi þátt í keppninni fyrir Íslands hönd.
Hann er jafnframt að undirbúa fyrstu íslensku „beat-
box“-plötuna þar sem röddin verður hans eina hljóðfæri.
„Það má segja að ég hafi byrjað í níunda bekk að fikta við
þetta. Mér fannst þetta spennandi. Ég heyrði einhvern gera
þetta og prófaði að apa eftir honum,“ segir Beatur.
Í febrúar á næsta ári fer hann á ráðstefnu í Berlín ásamt
félögum sínum úr hópnum Haltu takt-kjafti, þeim Bangza
og Sigga Bahama, til að kynna heimsmeistarakeppnina.
„Það kemur fullt af liði hvaðanæva að úr heiminum, bæði
fréttamenn og hugsanlegir „sponsorar“. Þeir eru að halda
þessa ráðstefnu til að geta haldið stærstu heimsmeistara-
keppnina hingað til,“ segir hann. Meðal annars taka þátt í
keppninni fulltrúar frá Afríku og Arabalöndunum.
Siggi Bahama, sem heitir réttu nafni Sigurður Magnús-
son, hefur jafnframt verið beðinn um að halda forkeppnir
fyrir komandi heimsmeistarakeppnir í „beatboxi“ hér á
landi og verður sú fyrsta væntanlega haldin fyrir þarnæstu
keppni.
Keppir á HM „taktkjafta“
Simon LeBon, söngvari Duran
Duran, trúir því ekki að vinur hans
Michael Hutchence úr hljómsveit-
inni INXS hafi framið sjálfsvíg
fyrir tíu árum. „Hann elskaði lífið,
konur og eiturlyf. Hann lifði lífinu
til fulls. Það er ekki möguleiki að
hann hafi viljað binda enda á þetta
allt saman,“ sagði LeBon, sem bjó
eitt sinn með Hutchence.
Lík Hutchence fannst á hótel-
herbergi í Sydney í Ástralíu þar
sem hann hafði verið á tónleika-
ferð. Talið er að hann hafi hengt
sig með belti enda benti krufningar-
skýrslan til þess.
Framdi ekki sjálfsvíg
Leiksýning Latabæjar hefur farið
ótrúlega vel af stað og er nú þegar
uppselt á flestar sýningarnar sem
á að halda víðs vegar um Bret-
land en áætlað er að sýningar-
ferðalagið standi yfir í 33 vikur.
Yfir 50 þúsund manns hafa nú
þegar séð Latabæ á sviði í Apollo-
leikhúsinu og er þessi aðsókn
framar öllum vonum hjá fram-
leiðendum sýningarinnar úti í
Bretlandi.
Viðbrögð gagnrýnenda hafa
einnig verið mjög góð og flestir
hafa gefið henni fjórar stjörnur
af fimm, þar á meðal gagnrýn-
andi The Herald sem fór lofsam-
legum orðum um sýninguna.
Gagnrýndandi whatonstage.co.uk
var þó ekki par hrifinn og gaf
henni eina stjörnu. Áhorfendur
voru þó ekki á sama máli á sömu
vefsíðu og gáfu sýningunni fjórar
stjörnur. Á vefsíðu Latabæjar-
sýningarinnar má jafnframt sjá
viðbrögð þeirra sem hafa komið í
Apollo-leikhúsið og séð sýning-
una og ætla margir af þeim að
reyna að sjá sýninguna aftur.
Latibær slær öll met
Ritstjóri afþreyingar-
deildar dagblaðsins The
Sun sér sig tilneyddan til
að svara Heather Mills í
stórri grein sem birtist á
heimasíðu blaðsins. Mills
fór mikinn í nýlegu viðtali
og sakaði bresk blöð um að
skrumskæla ímynd sína.
Ritstjórinn á afþreyingardeild
The Sun, Victoria Newton, sakar
Heather Mills um að hafa sjálf
dregið dóttur sína Beatrice inn í
kastljós fjölmiðla. Það sé nokkuð
sem hún og hennar blað hafi
passað sig vel á að gera ekki í
umfjöllun um skilnað Heather
og bítilsins Paul McCartney.
„Þetta er dóttirin sem hún
sakar sir Paul um að hafa mis-
tekist að gæta þó að McCartney
borgi í raun öryggisvörðum til
að gæta þeirra mæðgna,“ skrifar
Victoria, sem liggur ekki á skoð-
unum sínum í greininni þegar
kemur að bítlafrúnni fyrrver-
andi.
Hún segir jafnframt að umrætt
viðtal hafi verið ákall um samúð
almennings og veltir því fyrir
sér hvað Beatrice muni segja um
mömmu sína þegar hún verður
eldri og sér þetta. Og síðan
vindur hún sér að dökkri fortíð
Mills sem hefur verið töluvert
til umfjöllunar. „Ég hef sagt að
hún sé gullgrafari og ég stend
við það. Ef Heather væri ekki á
eftir stórri summu af auðæfum
Pauls hefði skilnaðurinn fyrir
löngu verið frágenginn,“ skrifar
Victoria og heldur áfram að
sveifla sverðinu sínu.
„Ég hef einnig skrifað að hún
hafi verið klámmyndafyrirsæta
þrátt fyrir að hún vilji meina að
hún hafi verið fyrirsæta af bestu
gerð. Við erum með myndir sem
sanna þessa fortíð hennar. Og
staðreyndin er sú að hún var
einnig vændiskona þrátt fyrir að
vilja ekki viðurkenna það,“
heldur Victoria áfram og lýkur
pistli sínum á því að segja
Heather vera ímyndunarveikan
lygara. „Hún hefur logið því að
hún sé margverðlaunaður blaða-
maður, ber sig saman við Díönu
prinsessu og segist eiga að vera
jafn fræg og sir Paul. Hún hefur
sakað Paul um að reka eitthvert
áróðursbatterí gagnvart sér
þegar það blasir við hverjum
sem er að þeir hafa ekki sagt
orð. Þessi kona þarf hjálp og það
strax.“
- Ekkert hlé á góðum myndum
Engin truflun3Minna af auglýsingum2Ekkert hlé1
THIS IS
ENGLAND
MYND EFTIR SHANE MEADOWS