Fréttablaðið - 15.11.2007, Page 12

Björgvin Sigurðsson
viðskiptaráðherra segir að veittir
verði tímabundnir styrkir til vöru-
flutninga í fleiri landshluta en til
Vestfjarða sem þegar er kveðið á
um í fjárlagafrumvarpi næsta árs.
Þetta kom fram í svari Björgvins
við fyrirspurn Birkis Jón Jóns-
sonar, þingmanns Framsóknar-
flokks, á Alþingi í gær.
Birkir Jón sagði flutningskostn-
að á norðausturhorn landsins vera
hærri en til Vestfjarða. Gleðilegt
væri að ríkisstjórnin ætlaði að
leggja 150 milljónir króna til að
lækka flutningskostnað Vestfirð-
inga. „En við hljótum að velta því
fyrir okkur í ljósi jafnræði íbúa hér
á landi hvort það sama eigi ekki að
gilda um önnur svæði sem glíma
við sambærileg vandamál og Vest-
firðingar,“ sagði Birkir.
Björgvin sagði starfshóp sam-
gönguráðuneytis, viðskipta-
ráðuneytis og iðnaðarráðuneytis
eiga að útfæra frekar flutnings-
jöfnuð. „Þetta er viðurkenning á
þeim vanda sem flutningsjöfnun
og flutningskostnaður á lands-
byggðina svo sannarlega er,“
sagði ráðherrann, sem kvað
bættar samgöngur þó bestu lausn
vandans.
Þá vildi Birkir vita hvort afnám
flutningsjöfnunarsjóðs olíuvara
myndi hafa áhrif á verð á dísil-
olíu og bensíni á Þórshöfn á Lang-
anesi. Viðskiptaráðherra sagði að
hætt væri við afnám sjóðsins við
núverandi aðstæður.
Flutningsstyrkir víða um land
Rúmlega tvítugur
maður hefur verið ákærður fyrir
Héraðsdómi Reykjaness fyrir að
misþyrma tólf ára dreng.
Maðurinn elti drenginn við
Sandgerðisskóla. Þegar hann
náði drengnum réðst hann á
hann með höggum í höfuðið.
Drengurinn hlaut talsverða
áverka í andliti og á handlegg
sem hann bar fyrir sig til að
verjast höggunum. Hann var
bólginn, marinn og með eymsli
eftir högg mannsins. Atburður-
inn átti sér stað í nóvember á
síðasta ári. Þess er krafist að
maðurinn verði dæmdur til
refsingar.
Elti og lúbarði
tólf ára dreng
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Einar Kristjánsson,
framreiðslumaður
sölumaður hjá RV
Á til
boði
í nóv
emb
er 20
07
Serv
íettu
r, dú
kar, d
iskam
ottu
r,
yfird
úkar
og k
erti
Til hátíðabrigða
Í verslun RV að Réttarhálsi eru
nú á tilboði ýmsar gerðir af
servíettum, dúkum, diskamottum,
yfirdúkum og kertum.
Takmarkað magn er í boði af sumum jólavarningi.
Fyrstur kemur fyrstur fær.
Júpiter ÞH fékk
nýlega 1.500 tonna síldarkast í
Grundarfirði sem er eitt prósent af
150 þúsund tonna aflamarki í
íslenskri sumargotsíld. Mokveiði
er hjá skipunum
og megnið af 44
þúsund tonna
síldarafla þessa
fiskveiðiárs
hefur verið veitt
í firðinum.
Aðeins er tekið á
móti síld til
vinnslu á Austur-
landi og í Vest-
mannaeyjum,
sem þýðir miklar siglingar fyrir
skipin. Sumargotsíldin veiddist
aðallega fyrir sunnan land á síð-
ustu vertíð og eru það nýmæli að
svo mikil veiði sé við Vesturland.
Ólafur Einarsson, skipstjóri á
Júpiter ÞH, segir að mokveiði hafi
verið á miðunum við Grundarfjörð
í síðustu veiðiferð, enda hafi þeir
fyllt lestar skipsins í einu kasti.
„Þetta voru örugglega eitthvað um
1.500 tonn en við tókum 800. Það
sem af gekk fór um borð í Hugin og
Bjarni Ólafsson.“ Ólafur segir að
vel gangi hjá skipunum ef þeir
sleppa við að rífa nótina. „Þar sem
veiðin er núna er tíu til tólf faðma
dýpi en við erum með nót sem er
um 100 faðmar. Það eru því margir
sem lenda í að rífa veiðarfærin.“
Það er ekki vinsælt hjá skipstjór-
um síldarskipanna að fá risaköst
eins og það sem Júpiter fékk. „Það
kemur fyrir að menn fá svona stór
köst en það er oftar en ekki að nótin
rifnar og slitnar. Þetta er oft ekkert
nema bras og það var meira í nót-
inni hjá okkur en við náðum að
dæla.“
Júpiter var að landa í Vestmanna-
eyjahöfn þegar Fréttablaðið náði
tali af Ólafi. Aðeins er tekið á móti
síld til vinnslu í Vestmanneyjum og
nokkrum Austfjarðahöfnum.
Stímið hjá skipunum frá Grundar-
firði og austur er um og yfir þrjátíu
klukkustundir en Haraldur Jörgen-
sen hjá Síldarvinnslunni í Neskaup-
stað segir að nýir síldarbátar með
kælilestar tryggi gott hráefni.
Síld hefur ekki veiðst lengi fyrir
Vesturlandi í eins miklu magni og á
yfirstandandi vertíð. Í fyrra veidd-
ist síldin aðallega á svæðinu frá
Hrollaugseyjum vestur að Reykja-
nesi eða 81 þúsund tonn. Í berg-
málsmælingum Hafrannsókna-
stofnunarinnar í janúar varð
einungis vart við síld við sunnar-
vert Snæfellsnes og í Grundarfirði,
en hvorki fannst þá síld fyrir austan
né á aðalsvæði vertíðarinnar í fyrra
fyrir sunnan land. Þá mældust um
618 þúsund tonn í Grundarfirði af
785 þúsund tonnum sem mældust af
fullorðinni síld. Helst er talið að
síldin haldi sig í kaldari sjó við
Vesturland en er á hefðbundnari
veiðisvæði.
Síldarskipin
fá risaköst í
Grundarfirði
Mikil síldveiði hefur verið í Grundarfirði frá því
í byrjun október. Júpiter ÞH fékk kast nýlega sem
jafngildir einu prósenti af útgefnum kvóta. Síldveiði
hefur ekki lengi verið svo mikil vestra.