Fréttablaðið - 15.11.2007, Blaðsíða 36

Auður Björg Jónsdóttir og
Þórður Torfason stunda her-
þjálfun í Heilsuakademíunni
í Egilshöll. Þau hlutu titilinn
hermaður ársins hvort í sínum
flokki í keppni sem haldin var
á dögunum.
„Það er gott að fá útrás fyrir
hreyfiþörfina hér og byggja sig
upp,“ segir Þórður þegar hann og
Auður eru tekin tali eftir keppn-
ina. Hann kveðst vinna kyrrsetu-
vinnu sem kerfisstjóri hjá Össuri
og stunda herþjálfunina með tólf
manna hópi úr því fyrirtæki tvisv-
ar í viku í hádeginu. „Það var
heilsuvika hjá Össuri fyrir ári og
þar kynnti Heilsuakademían starf-
semi sína. Við fórum í prufutíma
og leist svo vel á að við höfum
verið hér síðan. Það verður fíkn að
taka hraustlega á því alltaf líður
manni vel þegar maður er búinn
að vera á góðri æfingu,“ segir
Þórður sem áður kveðst hafa farið
í tækjasali og prófað spinning auk
þess að hafa spilað körfubolta frá
því hann var pjakkur.
Auður Björg er lögmaður og
kennir eitt lögfræðifag í Háskóla
Íslands. Hún mætir sjö á morgn-
ana í herþjálfunina í Heilsuaka-
demíunni sem hún byrjaði að
stunda í janúar síðastliðnum.
Kveðst hafa labbað framhjá
Heilsuakademíunni á hverjum
morgni á leið sinni í Orkuverið,
séð fólkið að æfa sig í herþjálfun-
arbrautinni og fundist hún spenn-
andi. „Ég held ég hafi æft á hverri
einustu líkamsræktarstöð á höfuð-
borgarsvæðinu en hef hvergi fest
svona lengi. Þetta er frábær stað-
ur að æfa á, því fyrir utan góðar
æfingar þá er hann svo heimilis-
legur. Algerlega besta stöðin,“
segir hún og lýkur miklu lofsorði á
þjálfarana sem finni alltaf nýjar
æfingar og þrautir svo útkoman
verði ótrúlega fjölbreytt. „Nú er
ég búin að vera næstum í ár og
aldrei hafa tveir tímar verið eins,“
segir hún. Þórður er sama sinnis.
„Það er einn þjálfari með hópinn
hverju sinni og hann skipuleggur
æfingarnar fyrirfram. Þær eru
mjög alhliða og það er tekið á bók-
staflega öllum vöðvum líkamans,“
segir hann. „Ég er enn að fá harð-
sperrur því endalaust virðist vera
hægt að pína mann meira og láta
mann finna fyrir vöðvum sem
maður vissi ekki af áður.“
Engir tveir tímar eins
Holdugar konur eru greindari
og betri til undaneldis en tálg-
aðar kynsystur þeirra.
Þetta kemur fram í niðurstöðum
bandarískrar rannsóknar sem tók
til 16 þúsund kvenna. Því þrýstn-
ari sem konurnar voru, því betur
gekk þeim í vitsmunalegum próf-
um og börnum þeirra líka.
Niðurstöður rannsóknarinnar
eru birtar í Evolution & Human
Behavior, en þar segir að eftir því
sem mjaðmir kvenna eru hold-
meiri því greindari séu þær. Er
talið að fita á mjöðmum innihaldi
Omega-3 fitusýrur, sem bæta and-
lega getu kvenna, sem og barna
þeirra strax á meðgöngu.
Niðurstöðurnar styður gáfulegt
atgervi einnar frægustu konu
Bretlands, sem gagnrýnd er fyrir
þrýstinn líkama, en það er sjón-
varpskokkurinn Nigella Lawson
sem útskrifaðist með hæstu
einkunn frá háskólanum í Oxford.
En þótt karlar ættu að kjósa
breiðar mjaðmir, er sú ekki raunin
samanborið við það sem hæst
trónir á óskalista þeirra.
Holdugar
greindari
Harðfiskur er hollur*
*Samkvæmt nýrri skýrslu Matís er
harðfiskur enn hollari en áður var
talið, prótínríkur og inniheldur
vítamín og bætiefni sem eru
nauðsynleg fyrir líkamann.
Fæst í Bónus og Inspired (Flugstöðinni)
Leyndarmálið
um langlífi Íslendinga komið fram!
Tilbúinn réttur sem nærir líkama og sál.
Smjörbaunir og grænmeti í flauelsmjúkri
hnetu, kókos og engifersósu.
Gado Gado