Fréttablaðið - 15.11.2007, Page 42

15. NÓVEMBER 2007 FIMMTUDAGUR
Til stendur að setja nýtt
hjólabrettasvæði upp sunn-
an við íþróttahúsið Smárann
og Fífuna. Svæðið er unnið
út frá tillögu garðyrkjustjóra
Kópavogs sem bæjarráð hefur
samþykkt.
„Þetta er í raun malbikaður platti,
svipaður þeim í Seljahverfi við
Breiðholtsbrautina. Frekar slétt,
malbikað svæði þar sem gott er að
renna á brettum og öðru og ekkert
sem truflar. Mikil áhersla verður
lögð á góða lýsingu. Síðan eru hug-
myndir uppi um að þarna verði
haldin einhvers konar brettamót
næsta vor.“
Þetta segir Friðrik Baldursson,
garðyrkjustjóri Kópavogsbæj-
ar, um nýtt hjólabrettasvæði sem
bærinn ætlar að láta reisa sunnan
við íþróttahúsið Smárann og Fíf-
una upp úr áramótum ef veður
leyfir. Sem stendur er verið að
undirbúa svæðið fyrir komu tækj-
anna, sem notuð verða til bretta-
iðkunar, en verið er að setja þau
saman erlendis.
Kópavogsbær bætist þar með
í ört stækkandi hóp bæjarfélaga,
sem hafa tekið fullbúin hjóla-
brettasvæði í notkun. Nægir
þar að nefna Akureyri og Sel-
tjarnarnes. En spurning vakn-
ar af hverju Kópavogsbær hafi
fyrst núna ákveðið að samþykkja
hjólabrettasvæði þar sem íþrótt-
in hefur verið stunduð hérlendis
árum saman.
„Það er nú ekki fyrr en á síðustu
árum sem alvöruvellir hafa verið
búnir til,“ svarar Friðrik. „Hér
var settur upp rampur í kringum
árið 1990. Hann entist hins vegar
ekki neitt og var á endanum fjar-
lægður ónýtur. Svo voru frum-
stæð tæki til brettaiðkunar, rör
og rampur og þess háttar, niðri
við bílastæðið hjá Kópavogsvelli.
Það var tekið út af Landsmótinu
og ekkert sett í staðinn. Hér var
því ekkert brettasvæði.“
Að sögn Friðriks varð þessi
skortur til þess að nokkrir dreng-
ir tóku sig saman og fóru á fund
bæjarstjóra og óskuðu eftir
brettasvæði.
„Bæjarstjórinn bað mig að
skoða málið og ég kom síðan með
tillögu að staðsetningu, sunnan
við Fífuna og Smárann og við hlið-
ina á gervigrasvelli, en við höfum
sett slíka velli upp fyrir alla skóla
bæjarins. Tillagan að svæðinu
var síðan samþykkt af bæjarráði
Kópavogs.“
Hjólabrettasvæðið mun ekki
aðeins koma að góðum notum
fyrir hjólabrettaiðkendur, heldur
mun það nýtast vel fyrir reiðhjól,
línu- og hjólaskauta. Það verður
opið allri fjölskyldunni en Frið-
rik á þó frekar von á að yngri kyn-
slóðirnar nýti sér aðstöðuna held-
ur en þær eldri.
„Hefurðu séð marga yfir fimm-
tugt á bretti?“ spyr hann og hlær.
„Ekki ég og auk þess held ég að
það gæti beinlínis verið hættu-
legt. Sérstaklega fyrir fólk sem er
komið með beinþynningu og þess
háttar.“
Blaðamanni liggur þá forvitni á
að vita hvort Kópavogsbúar megi
ekki vænta þess að sjá garðyrkju-
stjórann sinn taka smá snúning á
svæðinu?
„Nei, ekki sjens,“ svarar Frið-
rik að bragði. „Ég er svo klauf-
skur og nokkuð viss um að ég
myndi brjóta mig við það eitt að
stíga á bretti,“ segir hann hlæj-
andi og bætir við að hann eftirláti
frekar syni sínum slíkar kúnstir.
Sá sýni nokkuð góða takta á hjóla-
brettinu. - rve
Fullkomið hjólabrettasvæði
Friðrik Baldursson, garðyrkjustjóri Kópavogsbæjar, sunnan við íþróttahúsið Smárann og Fífuna þar sem til stendur að reisa
hjólabrettasvæði. Að hans sögn mun það verða opið öllum sem vilja og einnig nýtast vel fyrir reiðhjól, línu- og hjólaskauta.
FRÉTTABLAÐIÐ/ANTON
Í leikskólanum Kór í Kópavogi
er lögð áhersla á heilsueflingu
eins og í fleiri leikskólum í
bænum.
Friðarlundur, Gleðilundur, Gæða-
lundur, Kærleikslundur, Tryggðar-
lundur og Vinarlundur eru nöfn á
deildum heilsuleikskólans Kórs við
Baugakór 25 í Kópavogi. Áhersl-
an þar er á heilsueflingu eins og í
fleiri leikskólum bæjarins og kjör-
orðið er hið gamalkunna og sígilda
slagorð „heilbrigð sál í hraustum
líkama“.
Heilsuskólinn Kór varð eins árs
í júní í sumar en börnin sem þar
dvelja eru frá 18 mánaða aldri til 6
ára. Um það bil 20 börn eru á hverri
deild og þeim er skipt eftir aldri.
Kór er einkarekinn leikskóli af
verktakanum RV-ráðgjöf. Þar gilda
í meginþáttum sömu reglur og í
öðrum leikskólum Kópavogs og
fylgt er sömu gjaldskrá. Boðið er
upp á sveigjanlegan vistunartíma
og getur hann verið frá fjórum upp
í níu tíma.
Einnig er hægt að kaupa svokall-
aða opnun og lokun sem er 30 mín-
útur fyrir og fram yfir umsamdan
vistunartíma.
- gun
Heilsuefling í leikskólanum Kór
Þessi unga stúlka ber örugglega holla fæðu fyrir sína gesti eins og venjan er í heilsu-
leikskólanum Kór.
PL 01 Svart PL 45 Silfur-
metallic
PL 20 Dökk Grá PL 22 Dökk Rauð PL 56 Dökk brún PL 42 Rauðbrún PL 80 Hvítt PL 55 Kopar -
metallic
Aluzink Kopar
BLIKKÁS –
Smiðjuvegi 74 – 200 Kópavogi – Sími 515 8700
www.funi.is – www.blikkas.is
Fr
u
m
ÞAKRENNUKERFI
á öll hús – allsstaðar
Litir í miklu úrvali
Það er engin ástæða til að horfa á heiminn
í svarthvítu. SIBA–ÞAKRENNUKERFI í fjölda lita
VÖRUBÍLAVARAHLUTIR
SCANIA, VOLVO OG MAN
G.T. ÓSKARSSON
VESTURVÖR 23, 200 KÓPAVOGUR
SÍMI 554 6000
www.islandia.is/scania