Fréttablaðið - 15.11.2007, Síða 46

15. NÓVEMBER 2007 FIMMTUDAGUR8 fréttablaðið kópavogur
Dimmalimm, eða Kisa eins
og hún kallast í daglegu tali,
er um margt óvenjuleg læða.
Ólíkt flestum köttum vill hún
ekki fara út fyrir hússins dyr
og geltir þar að auki eins og
hundur.
Kisa er tveggja ára útiköttur sem
hefur alla tíð verið frjáls sinna
ferða. Síðasta sumar hætti læðan
að vilja fara út og gerir það ekki
nema í fylgd móður eiganda síns,
en sú heitir Álfheiður Sigfús-
dóttir. Skiptir engum togum þótt
gluggar hússins séu opnir upp á
gátt. Út fer kötturinn ekki án Álf-
heiðar og aldrei svo heimilið sé úr
augsýn.
„Það þýðir ekkert að fara með
hana út og skilja hana eftir. Þá
fer hún bara í fýlu. Hún fer hins
vegar með mér út í garð kalli ég
á hana,“ segir Álfheiður sem skil-
ur ekkert í þessari hegðun kattar-
ins frekar en aðrir meðlimir fjöl-
skyldunnar, sem býr í vesturbæ
Kópavogs.
„Ég fór út í garð í sumar og
bankaði í gluggann svo hún kæmi
út,“ nefnir Álfheiður sem dæmi.
„Hún gerði það og var eitthvað að
sniglast í kringum mig. Svo þurfti
ég að sækja eitthvað inn og fór
hringinn í kringum húsið til þess.
Þegar ég kom inn blasti köttur-
inn við mér. Þá hafði hún flýtt sér
aftur inn. Ég fór svo út aftur og
bankaði í glerið. Þá kom hún út í
garð.“
Álfheiður segist aldrei hafa
heyrt að kettir vilji ekki fara
út. Stundum veltir hún fyrir sér
hvort ástæðuna megi rekja til
þess að hundur bjó þar sem læðan
kom í heiminn, en hún virðist hafa
lært af honum ýmsa takta. „Það
var hundur þar sem Kisa fæddist.
Stundum sækir hún dót eða rusl og
labbar út um allt með það í kjaft-
inum eða fylgir mér hvert fótmál.
Alveg eins og hundur.“
Blaðamaður spyr þá hvort ekki
hefði verið nær að skíra köttinn
upp á nýtt, Hvutta í stað Kisu.
„Eða kannski bara Snata,“ svarar
Álfheiður hlæjandi en segist ekki
eiga von á því.
Svo virðist sem útiveran sé
þó ekki hið eina sem fellur Kisu
illa í geð. Aðrir fjórfætlingar
fá ekki beint konunglegar mót-
tökur þegar þeir reka trýnið inn á
heimilið og eins gerir Kisa mikinn
mannamun. „Hún heilsar ekkert
hverjum sem er,“ segir Álfheiður.
„Til dæmis ef krakkarnir fá vin-
ina í heimsókn og þá sérstaklega
strákurinn. Þá forðar kötturinn
sér. Hún er lítið fyrir karlmenn
finnst manni. Heilsar frekar upp
á konur og er mjög hrifin af einni
vinkonu minni.“
Blaðamanni spyr þá hvort fjöl-
skyldunni skyldi aldrei hafa dottið
í hug að leita til atferlisfræðings
til að ráða bót á þessum vanda.
„Nei, ég kann ágætlega við Kisu
eins og hún er,“ svarar Álfheið-
ur. „Hún er bara pínulítið sérstök.
Hálfgeltir þegar hún sér hrafna
og aðra fugla, eins og hundur
myndi gera. Annars er hún mjög
góð. Situr mikið hjá mér og sefur
til skiptis hjá okkur mæðgunum,
mér og dóttur minni, Karen Önnu
Erlingsdóttur, sem er eigand-
inn. Kisa er bara félagsdýr út frá
sínum forsendum.“ - rve
Köttur sem heldur að hann sé hundur
Karen Anna Erlingsdóttir með læðuna Kisu sem er enginn venjulegur heimilisköttur. FRÉTTABLAÐIÐ/VILHELM
Kópavogsbær er aðili að nýju og
spennandi verkefni sem miðar
að eflingu jafnréttis- og kynja-
sjónarmiða í starfi leik- og
grunnskóla.
Að verkefninu standa einnig
félagsmálaráðuneytið, Jafnrétt-
isstofa, sem hefur umsjón með
því, Jafnréttisráð, Reykjavíkur-
borg, Hafnarfjarðarkaupstaður
og Akureyrarkaupstaður.
Meginmarkmið verkefnis-
ins er að efla jafnréttisfræðslu,
samþætta kynjasjónarmið í
kennslu og auka upplýsinga-
flæði um jafnréttismál.
En með markvissri fræðslu og
umræðu frá upphafi skólagöngu
er hægt að gefa ungu fólki tæki-
færi til að taka ákvarðanir um
framtíð sína á eigin forsendum,
óháð staðalmyndum kynjanna
og hefðbundnu starfsvali.
Sett verður upp vefsíða þar
sem upplýsingar um jafnréttis-
fræðslu verða aðgengilegar, auk
upplýsinga um verkefni sem
nota má í skólastarfi.
Einnig verða leik- og grunn-
skólum falin tilraunaverkefni á
sviði jafnréttismála og vefsíðan
notuð til kynningar á þeim.
Nánar á heimasíðu Kópavogs-
bæjar, www.kopavogur.is - þlg
Jafnréttiskennsla í
leik- og grunnskólum
Í Kópavogi er nú unnið að eflingu jafnréttisfræðslu og samþættingu kynjasjónar-
miða í leik- og grunnskólum.
Smiðjuvegur 74 – 200 Kópavogur – 5 400 600
Reykjalundur – 270 Mosfellsbær – 530 1700
Lónsbakki 2 – 601 Akureyri – 460 1760