Fréttablaðið - 15.11.2007, Qupperneq 48

15. NÓVEMBER 2007 FIMMTUDAGUR10 fréttablaðið kópavogur
Skotfélag Kópavogs vinnur
nú að endurbótum á aðstöðu
félagsins með uppsetningu á
rafrænum gildrum, sem eru
þær fyrstu sinnar tegundar á
Íslandi.
„Við erum að setja upp nýtt skot-
kerfi í húsið í næstu viku. Það
er nánast tilbúið, verið að leggja
lokahönd á það. Þar með hættum
við að skjóta á pappír og munum
framvegis gera það í rafrænar
gildrur. Fyrir þá sem ekki vita er
gildra það sem tekur við byssu-
kúlunum. Flest erlend skotfélög
notast við slíkar gildrur og loks-
ins eru þær komnar til Íslands.“
Þetta segir Steindór Hrannar
Grímarsson, formaður Skotfélags
Kópavogs, sem hefur ásamt félög-
um sínum í félaginu staðið í stór-
ræðum að undanförnu við endur-
bætur á aðstöðu þess í HK-heim-
ilinu á Digranesvegi, sem er á
Skálaheiði í Kópavogi. Félagið
hefur verið þar frá stofnun árið
1989 og deilir aðstöðunni með lög-
reglunni og Landhelgisgæslunni.
Að sögn Steindórs eru meðlimir
Skotfélagsins 150, en menn þurfa
að hafa náð fimmtán ára aldri og
greiða árleg félagsgjöld til að geta
orðið meðlimir. Meginþorri fé-
lagsmanna er karlmenn en Stein-
dór telur litla kynningu á starf-
seminni vera eina orsök lágs hlut-
falls kvenna. Svo er hann ekki frá
því að karlar séu í eðli sínu áhuga-
samari um skotfimi en konur.
Blaðamaður spyr hvort það
stafi þá kannski af öllum byssu-
leikjunum sem karlar stunda sem
drengir. „Alls ekki,“ svarar Stein-
dór. „Maður gæti allt eins spurt af
hverju spjótkastari kýs að kasta
spjóti í stað þess að tefla. Fólk
hefur ólík áhugamál. Svo fá menn
ekki spennufall á æfingum. Skot-
fimi byggist öll á nákvæmni, þótt
hún fari eftir skotgreinum. Ástæð-
an er sú að auðveldara er að hitta
með sumum byssum en öðrum.“
Skotgreinarnar eru þó nokkr-
ar og sömu alþjóðlegu reglurnar
liggja til grundvallar þeim öllum.
Meðlimir geta æft sig á skamm-
byssur, loftriffla og fríbyssur svo
fátt eitt sé nefnt. Unglingar 15 ára
og eldri geta æft og keppt í loft-
riffil- og loftskammbyssu-grein-
um ásamt 22 hlaupvídda riffil-
greinum undir eftirliti þjálfara.
Er mælt með að foreldrar fylgist
með fyrst um sinn. Í öðrum grein-
um er miðað við 20 ára aldur.
Leyfi þarf fyrir skammbyssur
og að hafa verið skráður meðlim-
ur í viðurkenndu skotfélagi í að
minnsta kosti tvö ár til að öðlast
það.
Nokkrir meðlimir hafa farið út
að keppa í gegnum Skotsamband
Íslands og Ungmennasambandið,
en það er óalgengt að sögn Stein-
dórs. Að minnsta kosti samabor-
ið við aðrar íþróttagreinar, segir
hann, og er augljóst að honum
finnst að það mætti gera skotfimi
hærra undir höfði hérlendis.
En af hverju skyldi Steindór
hafa heillast af þessari íþrótt?
„Minn áhugi vaknaði nú bara
eftir að ég fór að slá mér upp
með stelpu sem var Íslandsmeist-
ari í enskum riffli,“ segir hann og
hlær. „Eftir það varð ekki aftur
snúið. Síðan þá hef ég æft allar
þessar ólíku skotgreinar og hef
ekki orðið fyrir íþróttameiðslum.
Það hefur enginn slasað sig í skot-
fimi frá upphafi svo vitað sé. Það
er meira að segja skráð íþrótta-
slys í tafli, þannig að ég held að
þetta sé nú eina slysalausa íþrótta-
greinin,“ bætir hann við hlæjandi
og býður alla velkomna á skotæf-
ingar virka daga frá klukkan 20
til 22.
Nánari upplýsingar eru á
heimasíðu Skotfélagsins í Kópa-
vogi, www.skot.is. - rve
Rafrænar gildrur nýjasta viðbótin
Steindór Hrannar Grímarsson er formaður Skotfimifélags Kópavogs og hefur æft skotfimi um árabil. Hann vinnur nú að því að
bæta aðstöðu félagsins í Kópavogi. FRÉTTABLAÐIÐ/ANTON BRINK
Laugardagurinn 17. nóvember
DALTON
á PLAYERS Kópavogi laugardagskvöldið
17. nóvember,ein besta stuðhljómsveit
landisns heldur uppi geðveiku stuði
fram á nótt.
Föstudagurinn 16. nóvember
VON
Von á PLAYERS Kópavogi föstudagskvöldið
16. nóvember, brjálað stuð fram á nótt.
Láttu sjá þig, útrætt mál.
Jónsi úr hljómsveitinni Í svörtum fötum ásamt
Árna óla á PLAYERS fimmtudagskvöldið
15. nóvember, einsatkur viðburður sem
gerist aðeins á PLAYERS. Ekki missa af því.
Fimmtudagurinn 15. nóvember