Fréttablaðið - 07.12.2007, Qupperneq 96

60 7. desember 2007 FÖSTUDAGUR
HANDBOLTI Þórir Ólafsson mun
ekkert leika með félagi sínu, TuS
N-Lübbecke, fyrr en eftir EM.
Hann varð fyrir alvarlegum axlar-
meiðslum á miðvikudag og leggst
undir hnífinn í dag vegna þeirra.
Læknar segja að hann geti byrjað
að æfa í fyrsta lagi eftir átta
vikur.
„Ég braut viðbeinið í fernt og
öxlin er því í slæmu standi. Ég
lenti mjög illa á öxlinni og þetta
var frekar sárt,“ sagði Þórir við
Fréttablaðið í gær en það var lán í
óláni að hann skyldi meiðast á
hægri öxlinni enda er Þórir örv-
hentur.
„Þetta er hrikalega svekkjandi.
Ég get ekki neitað því. Ég missi
reyndar ekki af nema sex leikjum
þar sem það kemur EM-hlé en
þrátt fyrir það dettur maður út og
þarf því að vinna sig inn í liðið
aftur,“ sagði Þórir sem hefur
spilað þónokkuð í vetur og þar á
meðal á miðjunni sem er nýtt hlut-
verk fyrir Þóri sem hefur hingað
til haldið sig í horninu.
„Það hefur gengið ótrúlega vel
miðað við að ég hef aldrei spilað
miðju áður. Þjálfarinn vildi fá
boltann til að ganga hraðar í sókn-
inni hjá okkur. Ég skoraði kannski
ekki mikið fyrir utan en meira úr
gegnumbrotum. Ég skoraði samt
nokkur fyrir utan en var kannski
ekki beint að lyfta mér mikið upp í
loftið,“ sagði Þórir sem hefur haft
talsvert gaman af því að spila á
miðjunni þó svo að hann geri ekki
ráð fyrir að gera það að framtíðar-
stöðu sinni í handboltanum.
Meiðslin gera það að verkum að
Þórir kemur ekki til greina í EM-
hóp Alfreðs Gíslasonar en það
truflar hornamanninn lítið enda
átti hann tæplega von á því að
vera valinn.
„Ég gerði mér ekki miklar vonir
um að vera valinn miðað við
hvernig hann hefur valið hingað
til. Hann hefur ákveðið að nota
aðra leikmenn og ég hef því verið
að einblína á að spila fyrir mitt
félag eins vel og ég get,“ sagði
Þórir sem er að klára samning
sinn við félagið í sumar. Hann
segist enga ákvörðun hafa tekið
um framhaldið en vill þó spila
áfram í Þýskalandi.
„Við erum í mikilli fallbaráttu
og það breytir miklu hvort við
föllum eða ekki. Ég fer ekkert í að
skoða þessi mál fyrr en í mars í
fyrsta lagi. Ég hef þó ekkert verið
að hugsa um heimferð og vil endi-
lega halda áfram að spila í Þýska-
landi,“ sagði Þórir Ólafsson.
henry@frettabladid.is
Frá næstu átta vikurnar
Handknattleikskappinn Þórir Ólafsson meiddist illa á hægri öxl á æfingu síð-
asta miðvikudag. Hann fer í aðgerð vegna meiðslanna í dag en það er ljóst að
hann æfir ekki handbolta næstu átta vikurnar hið minnsta.
HRIKALEGA SVEKKJANDI Þórir Ólafsson verður skorinn upp vegna axlarmeiðsla í dag
og hann æfir ekki næstu átta vikurnar. MYND/TUS N-LÜBBECKE
FÓTBOLTI Danski þjóðarleikvang-
ur inn í Kaupmannahöfn, þar sem
íslenska landsliðið tapaði 0-3 á
dögunum, mun taka breytingum á
næstunni því hin 51 árs gamla
norðurstúka vallarins verður nú
rifin.
Það eru þó engin tengsl milli
þess og að flestallir íslensku
stuðningsmennirnir hafi einmitt
verið í þeirri stúku á landsleikn-
um á dögunum. Tveir leikmenn
FC København, Jesper Grønkjær
og Michael Gravgaard, voru í
aðalhlutverki þegar byrjað var að
rífa gömlu stúkuna á Parken í
gær en í framtíðinni verður hægt
að skipta vellinum í tvennt þegar
honum er lokað.
Í nýju stúkunni verða ný
búningsherbergi, 8.700 fermetrar
af skrifstofuhúsnæði og fleiri
betri sæti en áður. Framkvæmd-
irnar munu taka um 19 mánuði og
á meðan munu aðeins 34 þúsund
manns sjá heimaleiki Dana í
undankeppni HM 2010.
Eftir byggingu nýju stúkunnar
munu síðan aðeins 38 þúsund
áhorfendur komast á Parken en
hann tók 42.305 fyrir fram-
kvæmdirnar. - óój
Danski þjóðarleikvangurinn:
Byrjað að rífa
Parken
FJÖR Íslensku stuðningsmennirnir
skemmtu sér vel á Parken á dögunum.
MYND/MARTIN SYLVEST
FÓTBOLTI Arsene Wenger, knatt-
spyrnustjóri Arsenal, hefur
ákveðnar skoðanir á því hvers
lenskur eftirmaður Steve
McClaren í starfi þjálfara enska
landsliðsins eigi að vera.
„Að mínu mati verður enska
knattspyrnusambandið að ráða
enskan þjálfara, vegna þeirrar
einföldu staðreyndar að þetta er
enska landsliðið sem um ræðir.
Það hryggir mig að ég sé þjóð-
ræknari en þið, fjölmiðlar, sem
talið endalaust um Fabio Capello
og José Mourinho,“ sagði Wenger
á blaðamannafundi í kjölfar
jafnteflis Arsenal gegn New-
castle í fyrrakvöld.
Wenger, sem er sjálfur stoltur
af sínu franska þjóðerni, sagði
einmitt á sínum tíma, þegar hann
var spurður hvort hann væri til í
að taka við enska landsliðinu, að
hann gæti það ekki vegna þess að
hann myndi ekki vita hvernig
hann ætti að hegða sér. Til að
mynda væri vandamál ef hann
þyrfti að mæta franska landslið-
inu sem þjálfari þess enska og
þjóðsöngvar þjóðanna væru
fluttir fyrir leik, hvorum ætti
hann þá að taka undir með. - óþ
Wenger um enska landsliðið:
Þjálfarinn á að
vera enskur
ÞJÓÐRÆKINN Arsene Wenger skaut létt
á breska fjölmiðla. NORDICPHOTOS/GETTY
Magimix
- réttu tækin fyrir eldhúsið
KÖRFUBOLTI Jason Kidd er ekki
sáttur með þróun mála hjá New
Jersey Nets í NBA-deildinni og
það vita allir innan félagsins að
það var ekki mígrenikast sem hélt
honum frá því að spila í 100-93
tapi gegn New York Knicks í fyrri-
nótt.
Fréttamenn í Bandaríkjunum
hafa það eftir sínum heimildar-
mönnum að Kidd hafi farið í verk-
fall í þessum leik og muni hugsan-
lega heimta að vera skipt frá liðinu
á næstunni.
Kidd er orðinn 34 ára gamall og
er víst þreyttur á að bíða eftir
meistarahringnum. Nets-liðið
hefur aðeins unnið 9 af 19 fyrstu
leikjum sínum á tímabilinu og það
er fátt sem bendir til þess að liðið
fari langt í vetur.
Kidd er víst einkum ósáttur við
hvað leikmenn eins og Vince Cart-
er eru veikgeðja og geta ekki spil-
að í gegnum svokölluð smámeiðsli
en hann sjálfur hefur sýnt mikinn
styrk og fórnað sér í ótal leiki þótt
hann hafi verið eitthvað meiddur.
Kidd á aðeins tvö ár eftir af
samningi sínum og beiðni hans um
framlengingu á honum var hafnað
á dögunum.
Skemmtilegustu sögusagnirnar
eru samt um smáskilaboðin sem
hafa gengið á milli Kidd og
LeBron James síðan þeir léku hlið
við hlið með bandaríska landslið-
inu í sumar. Þar kemur einnig
fram að Kidd vilji helst fara til
James í Cleveland. Forráðamenn
Nets eru víst farnir að tala um
leikmannaskipti við Dallas
Mavericks, Los Angeles Lakers
og Cleveland en það munaði víst
litlu að Kidd færi til Lakers í
febrúar síðastliðnum.
Kidd átti mikinn þátt í að breyta
Nets í eitt besta liðið á austur-
ströndinni þegar hann kom þangað
2001 og hann er enn í hópi bestu
leikstjórnenda deildarinnar. Kidd
er sem dæmi annar í stoðsending-
um í deildinni með 10,4 í leik og þá
hefur hann náð fjórum þreföldum
tvennum á tímabilinu. Hann er
auk stoðsendinganna með 11,3 stig
og 8,7 fráköst að meðaltali í leik.
- óój
Jason Kidd þreyttur á metnaðarleysi í New Jersey:
Kidd fór í verkfall
SPILA ÞEIR SAMAN? Jason Kidd og LeBron urðu góðir félagar í bandaríska landslið-
inu í sumar. NORDICPHOTOS/GETTY