Fréttablaðið - 13.12.2007, Qupperneq 48

13. DESEMBER 2007 FIMMTUDAGUR4 ● fréttablaðið ● norðurland
Innst í Skíðadal kúrir bærinn
Klængshóll þar sem heimafólk
býður upp á heilsutengda
ferðaþjónustu og mat úr
lífrænu hráefni.
„Við erum með sértæka ferða-
þjónustu sem skiptist í tvennt. Á
veturna, eða frá mars og fram í
maí, erum við með þjónustu fyrir
fjallaskíðahópa sem hafa komið
hingað frá árinu 1999. Þetta eru
mest erlendir gestir en á tveim-
ur síðustu árum hafa Íslendingar
einnig bæst í hópinn. Þarna tökum
við á móti fólki og bjóðum upp á
mat, gistingu og kósíheit í öllum
hornum. Þessir hópar eru með
eigin leiðsögumenn, dvelja í svona
viku og nota fjöllin hérna í kring.
Þetta er fólk sem vill ekki sjá
skíðalyftur, heldur þrammar upp
sín fjöll og lætur sig húrra niður,“
segir Anna Dóra Hermannsdóttir
jógakennari sem rekur heilsu-
tengda ferðaþjónustu á Klængs-
hóli í Skíðadal.
Hún er sjálf fædd og uppalin
á bænum og hefur rekið ferða-
þjónustuna frá árinu 2002 ásamt
manni sínum Erni Arngrímssyni,
sem vinnur einnig við höfuðbeina-
og spjaldhryggsmeðferð.
„Ég hef ferðast mikið um heim-
inn síðastliðin tuttugu ár, bæði af
ævintýramennsku og við störf og
nám. Þar á meðal dvaldi ég í ár á
jógasetri í Bandaríkjunum og kom
heim með jógakennararéttindin
í farteskinu og er búin að koma
mér vel fyrir hérna á æskuheimil-
inu. Það má segja að ég sé búin að
loka hringnum,“ segir Anna Dóra,
og bætir því við þau Örn stefni nú
að því að stokka upp í ferðaþjón-
ustunni sem er í boði á Klængs-
hóli á sumrin.
„Við ætlum að færa okkur
meira yfir í heilsutengdan geira.
Þá getur fólk komið hingað og
fengið þjónustu á borð við jóga,
hugleiðslu og höfuðbeina- og
spjaldhryggsmeðferð ásamt öðru
sem er gott fyrir bæði líkama
og sál,“ segir Anna Dóra, en
ásamt Klængshóli reka þau Örn
einnig jógasetur á Húsabakka í
Svarfaðardal og ætlunin er að
tengja þá starfsemi við ferða-
þjónustuna á Klængshóli.
Einnig tekur Anna Dóra fram
að göngufólk sé sérstaklega vel-
komið eins og áður, en Anna Dóra
hefur starfað við gönguleiðsögn
um margra ára skeið og er Trölla-
skaginn allur paradís göngufólks.
„Markmiðið er að fá til okkar
nuddara og fólk með spennandi
heilsutengda fyrirlestra ásamt
því sem ég mun áfram bjóða jóga.
Einnig verður Örn áfram með höf-
uðbeina- og spjaldhryggsjöfnun,“
útskýrir Anna Dóra, sem segir
eftirspurn eftir heilsutengdri
ferðaþjónustu í streitulausu um-
hverfi sífellt vera að aukast.
„Ró og friður ásamt heilsu-
samlegu mataræði er ofarlega á
lista hérna hjá okkur á Klængs-
hóli. Við erum innsti bær í Skíða-
dal og því nánast engin umferð,
auk þess sem farsímasamband er
af skornum skammti. Við notum
jurtir og grös í matseldina og
getum því boðið fæði sem er að
miklum hluta af lífrænum toga og
við höfum fengið vottorð um það
frá Vottunarstöðinni Túni,“ segir
Anna Dóra.
Ferðaþjónustan á Klængshóli
er opin frá mars og fram í sept-
ember en að sögn Önnu Dóru er
fólki velkomið að hafa samband
ef það hefur áhuga á gistingu
yfir langa helgi á veturna. Allar
nánari upplýsingar er að finna á
www.skidadalur.is. rh@frettabladid.is
Endurnærandi ferðaþjónusta
Anna Dóra Hermannsdóttir og Örn Arngrímsson bjóða upp á heilsutengda ferðaþjónustu í sveitasælunni á Klængshóli í Skíðadal.
FRÉTTABLAÐIÐ/HEIDA.IS
Aðventuævintýri er heiti á jóla-
dagskrá sem hófst á Akureyri um
síðustu helgi, en þetta er í fyrsta
sinn hún fer fram.
„Við leituðum til Akureyringa
eftir skemmtiatriðum og öðrum
uppákomum og auðvitað stóð ekki
á því. Við náum engan veginn yfir
allar tillögurnar sem bárust,“
segir Hulda Sif Hermannsdótt-
ir, verkefnastjóri Akureyrarstofu
um Aðventuævintýri, jóladagskrá
sem fer nú í fyrsta sinn fram á Ak-
ureyri og hófst um síðustu helgi.
Aðventuævintýrið er hugs-
að sem fastur árlegur viðburð-
ur þar sem alls kyns uppákomur
verða í boði, allt frá jólamarkaði
þar sem handverk heimamanna
verður haft til sölu, og upp í tón-
listarviðburði, á borð við aðventu-
tónleika Sinfóníuhljómsveitar
Norðurlands. Það er jafnframt
hugsað sem fyrsti liður af nokkr-
um árlegum viðburðum.
„Við ætlum að ramma inn nokk-
ur tímabil á árinu,“ segir Hulda.
„Aðventan býður svo sannarlega
upp á það, en páskarnir verða
næstir. Hugmyndin býður upp á að
vera víkkuð í samvinnu við kaup-
menn og aðra á svæðinu og svo
verður utanbæjarmönnum boðið
að vera með í framtíðinni. Við
reiknum með að geta boðið upp á
enn fleiri viðburði þegar menn-
ingarhúsið verður opnað 2009.
Almenningi var einmitt boðið að
skoða afmörkuð svæði hússins um
síðustu helgi, meðal annars stóra
salinn, og er óhætt að segja að það
hafi verið mikil upplifun.“
Aðventuævintýrið fór vel af
stað um síðustu helgi að sögn
Huldu, sem reiknar með að að-
sóknin aukist næstu daga enda
dagskráin stútfull. Hún nefnir þar
ýmsa viðburði en sérstaka athygli
vekur Kóradagurinn mikli, en þá
munu kórar flytja sígild jólalög og
þar með syngja jólin inn eins og
heimamenn orða það.
Allar nánari upplýsingar um
dagskrána er að finna www.akur-
eyri.is/adventuaevintyri.
- rve
Ævintýrið er hafið
Ekki er annað að sjá á þessari mynd en að yngsta kynslóðin hafi skemmt sér konung-
lega á Aðventuævintýrinu. MYND/RAGNHILDUR AÐALSTEINSDÓTTIR