Fréttablaðið - 13.12.2007, Síða 69

FIMMTUDAGUR 13. desember 2007 37
Valdhroki bæjaryfirvalda á Akureyri
UMRÆÐAN
Skipulagsmál
Í tengslum við yfirlýs-ingu skipulags- og
byggingarfulltrúa Akur-
eyrarbæjar í frétt í aðal-
fréttatíma sjónvarpsins
þann 27.11.2007 vill
Svefn og heilsa ehf. taka
eftirfarandi fram:
Það er rangt er kom
fram í máli skipulags-
og byggingarfulltrúa Akureyrar-
bæjar að bærinn sé „bitbein“
tveggja aðila sem eru að deila.
Stöðvun framkvæmda við Gler-
ártorg hafði ekkert með deilu á
milli tveggja einkaaðila að ræða.
Hið rétta er að niðurstaða
úrskurðarnefndar skipulags- og
byggingarmála, þar sem bygg-
ingarleyfi fyrir framkvæmdum á
Gleráreyrum 1 var fellt úr gildi,
tengist einvörðungu deilum bæj-
aryfirvalda og Svefns og heilsu.
Aðdragandi málsins er sá að
SMI ehf. (Glerártorg) gerði til-
lögu að nýju deiliskipulagi á Gler-
áreyrum í samráði við bæjaryfir-
völd á Akureyri er síðar var
samþykkt í bæjarstjórn. Augljóst
er að SMI sem er samkeppnisað-
ili Svefns & heilsu gerir deili-
skipulagið eingöngu með eigin
hagsmuni að leiðarljósi og ekkert
er tekið tillit til hagsmuna Svefns
& heilsu á svæðinu. Bæjaryfir-
völd hafi við þessa vinnu virt að
vettugi hagsmuni Svefns & heilsu
og látið hjá líða að reyna að ná
sátt sem allir lóðarhafar á svæð-
inu gátu sætt sig við. Slík vinnu-
brögð eru varhugaverð, ekki síst
í ljósi þess að deiliskipulagið
byggði á hagsmunum SMI ehf.
Þrátt fyrir að það væri hafið
yfir vafa að Svefn og heilsa ætti
bæði lóðarréttindi og
mannvirki á umræddu
svæði, sem m.a. áttu að
víkja þegar hið nýja
skipulag kæmi til fram-
kvæmda, þá hefur Akur-
eyrarbær ítrekað reynt
að fá málum vísað frá
úrskurðarnefnd í skipu-
lags- og byggingarmál-
um á þeim forsendum að
félagið eigi ekki hags-
muna að gæta á svæð-
inu. Þannig hafa bæjar-
yfirvöld ítrekað reynt að komast
hjá því að málið yrði tekið til efn-
islegrar meðferðar á æðra stjórn-
sýslustigi. Í slíkum málatilbúnaði
endurspeglast valdhroki bæjar-
yfirvalda, ekki síst í ljósi þeirrar
staðreyndar að á sama tíma átti
að hefja niðurrif á eigum félags-
ins á svæðinu.
Svefn & heilsa hafði að sjálf-
sögðu áhuga á því að nýta eignir
sínar á svæðinu til uppbyggingar
á frekari rekstri félagsins enda
um að ræða besta verslunarsvæð-
ið á Akureyri – þau sjónarmið
félagsins hafi hins vegar ekki átt
upp á pallborðið hjá bæjaryfir-
völdum og ekki verið talin þess
verðug að sæta skoðun. Svefn og
heilsa telur það jákvætt að versl-
unarmiðstöðin á umræddu svæði
skuli stækkuð, en að slíkt skuli
gert á kostnað samkeppnisaðila
með því að taka eignarnámi hús-
næði sem nauðsynlegt er rekstri
þeirra, er hins vegar alvarlegur
hlutur.
Svefn og heilsa telur að auðvelt
hefði verið að koma í veg fyrir
hagsmunaárekstra ef bæjaryfir-
völd hefðu tekið í taumana og
sinnt starfi sínu. Deiliskipulag
svæðisins hefði átt að vera meira
í höndum bæjaryfirvalda, sem
taka hefðu mátt betur tillit til
annarra hagsmunaaðila á svæð-
inu. Svefn og heilsa átti ekki ann-
arra kosta völ en að verjast hinu
nýja deiliskipulagi í þeim tilgangi
að reyna að tryggja sem best
rekstrargrundvöll félagsins á
svæðinu. Við samþykkt nýs deili-
skipulags fólst sú afstaða bæjar-
yfirvalda að láta rekstrarhags-
muni Svefns og heilsu sig litlu
varða og vildu frekar taka þann
kost að svipta félagið umráðum
eigna sinna með eignarnámi, þar
sem engir samningar urðu á milli
aðila um uppkaup á eignum
félagsins.
Svefn og heilsa hefur ítrekað
þurft að láta til sín taka vegna
ákvarðana Akureyrarbæjar í
tengslum við framkvæmdir á
Gleráreyrum, í þeim tilgangi að
verja eignarréttindi sín fyrir
ágangi bæjaryfirvalda. Hefur
félagið þurft að leita sér lög-
fræðiaðstoðar í þeim tilgangi að
gæta réttar síns og fá felld úr
gildi leyfi til niðurrifs, sem bygg-
ingaryfirvöld hafa seint og um
síðir fallist á. Þá hafa bæjaryfir-
völd verið treg til að grípa inn í
ólögmætt niðurrif á svæðinu á
þann hátt er skipulags- og bygg-
ingarlög gera ráð fyrir.
Slík vinnubrögð bera þess
merki að bæjaryfirvöld á Akur-
eyri virðast ekki hika við að
tryggja hagsmuni eins aðila þó í
því felist að réttindi annarra séu
fótum troðin – í því felst alvar-
leiki málsins öðrum þræði frem-
ur. Framgangur bæjaryfirvalda á
Akureyri í máli þessu, þ.m.t.
framkoma í garð félagsins, hefur
leitt til þess að ákveðið hefur
verið að hætta rekstri þess í
núverandi mynd.
Höfundur er eigandi
Svefns og heilsu.
SIGURÐUR
MATTHÍASSON
UMRÆÐAN
FJölmiðlar
Nú eru „drukknir sjó-menn“ alveg hættir
að sjást í fyrirsögnum
íslenskra dagblaða. Menn
„af erlendu bergi brotnir“
eða bara Pólverjar eða Lit-
háar eru teknir við. „Utan-
bæjarmenn“ fremja þó
enn afbrot á Akureyri.
Nú hef ég upplifað hvort
tveggja: að vera „drukkinn sjómað-
ur“ og „utanbæjarmaður“ á Akur-
eyri. Ég komst aldrei í kast við
lögin og get ekki sagt að á þessum
æviskeiðum hafi ég fundið fyrir
áberandi mikilli glæpahneigð. Ekki
einu sinni þegar ég var „drukkinn
utanbæjarsjómaður“ á Akureyri.
Ef ég skil hlutverk blaðamanna
rétt, þá er það tvíþætt: Annars
vegar að lýsa einstökum staðreynd-
um sem skipta máli um atburði og
hins vegar að draga fram undir-
liggjandi þætti eða þann lærdóm
sem draga má af einstökum atburð-
um. Hvað er verið að segja okkur
með fréttaflutningi af þjóðerni
afbrotamanna? Framdi hann afbrot-
ið vegna þess að hann er frá Pól-
landi? Hvers vegna skiptir þessi
tiltekni eiginleiki mannsins svona
miklu máli? Meira máli en að hann
gangi með gleraugu, starfi í bygg-
ingariðnaði, sé samkynhneigður
o.s.frv.? Hvaða undirliggjandi þætti
er verið að greina með því að draga
fram þjóðerni afbrotamanna?
Hvaða lærdóm er verið að hvetja
fólk til að draga af því?
Þegar ég hugsa aftur til sjó-
mannsáranna og þeirra starfs-
bræðra minna sem rötuðu í frétt-
irnar vegna afbrota, þá stendur það
upp úr að þeir hafi verið
virkir alkar. Það átti að
minnsta kosti við um þá
sem ég þekkti. Það liggur
í eðli sjúkdómsins að virk-
ir alkar eru líklegir til að
vera til vandræða þegar
þeir eru undir áhrifum.
Fyrirsagnirnar hljómuðu
þó aldrei þannig að virkur
alkóhólisti hafi verið
handtekinn vegna óláta í
miðbæ Reykjavíkur. Þeir
voru sjómenn, það var
skýringin á hegðun þeirra.
Ég fullyrði að með því að leggja
áherslu á atvinnu mannanna hafi
fjölmiðlar verið að flytja rangar
fréttir. Fjölmiðlar voru að draga
fram þátt í persónugerð mannanna
sem engu skipti um þau afbrot sem
þeir voru viðriðnir. Það var ekki
sjómennskan, heldur alkóhólism-
inn sem varð þeim að falli. Frétta-
flutningurinn varð villandi af þeim
sökum. Af forystugrein Frétta-
blaðsins á mánudaginn má ráða að
fjölmiðlamenn séu í naflaskoðun
vegna birtingar þjóðernis afbrota-
manna.
Í leiðinni mætti taka margs konar
aðra umræðu. Dæmi: Skv. fréttum
hefur fólki sem tekur geðlyf á
Íslandi fjölgað undanfarið. Vænt-
anlega hefur afbrotum, sem þetta
fólk er viðriðið, fjölgað eitthvað
líka. Það mætti taka til umræðu
hvort rétt sé að fjalla um hvort
brotamaður sé á geðlyfjum eða
ekki, þegar fréttir eru fluttar af
afbrotum. Starfsmönnum í bygg-
ingariðnaði hefur sömuleiðis snar-
fjölgað. Væri rétt að draga fram
hvort þeir séu líklegri til að keyra
fullir en aðrir?
Höfundur er rekstrarhagfræðingur.
Drukknir sjómenn
og utanbæjarmenn
GRÍMUR
SÆMUNDSSON
ASKJA · Laugavegi 170 · 105 Reykjavík · Sími 590 2100 · www.askja.is · ASKJA er viðurkenndur sölu- og þjónustuaðili Mercedes-Benz á Íslandi.
H
V
ÍT
A
H
Ú
S
IÐ
/S
ÍA
–
0
7
–
2
1
6
7

Einstakt tækifæri
til að eignast Mercedes-Benz á ótrúlegu verði
Bílarnir eru allir vel útbúnir með ýmsum aukabúnaði og eru sem nýir
– hafa aðeins verið notaðir í tengslum við erlenda viðburði í Reykjavík.
Getum boðið þessa glæsilegu bíla til afgreiðslu strax.
E200 K
verð: 5.580.000
tilboðsverð: 4.740.000
E350
verð: 8.670.000
tilboðsverð: 7.260.000
E280 4MATIC
verð: 6.570.000
tilboðsverð: 5.590.000
ML 350
verð: 7.500.000
tilboðsverð: 5.850.000
GL 450
verð: 10.200.000
tilboðsverð: 8.200.000
E200 K
verð: 6.230.000
tilboðsverð: 5.290.000
C200K
verð: 5.330.000
tilboðsverð: 4.550.000
E350 4MATIC
verð: 7.270.000
tilboðsverð: 6.180.000
C200K
verð: 4.090.000
tilboðsverð: 3.050.000