Fréttablaðið - 20.12.2007, Síða 64

Síðasta Súfistakvöld vetrarins
verður haldið á kaffihúsi Súfist-
ans á Laugavegi 18 í kvöld kl. 20.
Að venju koma þar fram nýút-
gefnir höfundar og lesa úr verk-
um sínum fyrir gesti.
Þar sem upplestrarkvöldið er
það síðasta í þessari vel heppnuðu
röð verður að teljast við hæfi að
það eru engir aukvisar sem koma
þar fram heldur lífsreynt fólk
sem hefur marga fjöruna sopið á
ólíkum sviðum lífsins. Fyrstan má
nefna sjálfan Bubba Morthens
sem les upp úr bók sinni Að kasta
flugu í straumvatn er að tala við
Guð. Bubbi hefur fyrir löngu fest
sig í sessi sem einn af vinsælustu
en jafnframt umdeildustu lista-
mönnum þjóðarinnar. Í bókinni
sinni sýnir hann á sér nýja hlið;
hann opinberar sinn innri rithöf-
und og veiðimann fyrir þjóðinni.
Þeir kumpánar Einar Bárðar-
son og Arnar Eggert Thoroddsen
lesa úr bókinni Öll trixin í bók-
inni. Í bók þessari hefur Arnar
skrásett sögu þess hvernig Einar
barðist með kjafti og klóm til að
komast á toppinn í hinum alræmda
skemmtanabransa og vinna sér
inn nafnbótina Umboðsmaður
Íslands.
Elísabet Jökulsdóttir les upp úr
bók sinni Heilræði lásasmiðsins. Í
bókinni fjallar Elísabet um ástar-
samband sitt við mann sem hún
kynntist á ferðalagi í New York.
Elísabet segir ljúfsára sögu
tveggja einstaklinga sem mætast
um stund en hljóta á endanum að
skilja.
Síðasta skal nefna Guðrúnu Sig-
fúsdóttur sem les upp úr bók
Clare Dickens, Þegar ljósið
slokknar. Hér er á ferð sagan af
Titusi, syni Clare, en hann greind-
ist með geðhvörf sextán ára gam-
all. Þá upphófst erfið barátta við
illvígan sjúkdóm sem Titus þurfti
á endanum að lúta í lægra haldi
fyrir.
Þess ber að geta að ofantaldar
bækur verða á sérstöku tilboði í
bókabúð Máls og menningar á
Laugavegi 18 í tilefni af Súfista-
kvöldinu. - vþ
FRIÐRIK OLGEIRSSON Áritar bók sína um
Davíð Stefánsson á Akureyri í dag.
Margir unnendur íslenskrar
ljóðlistar geta eflaust vænst þess
að fá bókina um skáldið ástsæla
Davíð Stefánsson frá Fagraskógi í
jólapakkann í ár. Persónuleg áritun
frá Friðriki Olgeirssyni, höfundi
bókarinnar, gerir góða gjöf enn
betri og því er við hæfi að benda
Akureyringum á að slíka áritun má
einmitt nálgast í bókaverslun
Eymundsson í Hafnarstræti kl. 16 í
dag.
Friðrik lætur ekki nægja að árita
bókina heldur les hann einnig upp
úr henni valda kafla. Þeir Akureyr-
ingar sem enn hafa ekki fjárfest í
eintaki geta því fengið að heyra
eilítið sýnishorn af því sem í
bókinni býr. Það hefur fyrir löngu
sýnt sig að upplestrar af þessu tagi
eru sannarlega hin besta hugmynd
svona fyrir jólin þar sem þeir geta
gert mikið til að hjálpa óákveðnum
að gera upp hug sinn. - vþ
Friðrik áritar
bók sína
52 20. desember 2007 FIMMTUDAGUR
BUBBI MORTHENS Kemur fram sem
rithöfundur á Súfistanum í kvöld.
Stórlaxar á síðasta Súfistakvöldinu
Tónleikar fara fram í Fríkirkj-
unni í Reykja-
vík nú á
laugardag. Þar
koma fram
tónlistarkon-
urnar Arnbjörg
María Daníel-
sen sópransöng-
kona, Guðbjörg
Sandholt
messósópran-
söngkona,
Hrönn Þráinsdóttir píanóleikari,
Guðný Þóra Guðmundsdóttir
fiðlu- og víóluleikari og Melkorka
Ólafsdóttir flautuleikari. Þær
flytja tónlist eftir nokkur ólík
tónskáld. Má þar nefna Händel,
Bach, Caccini, Brahms, Reger,
Vivaldi og Humperdinck.
Tónleikarnir hefjast kl. 20.
Miðaverð er 1.500 kr., en 1.000 kr.
fyrir nema og eldri borgara. - vþ
ARNBJÖRG MARÍA
DANÍELSEN
Fjölbreytt
efnisskrá