Fréttablaðið - 06.01.2008, Síða 62

30 6. janúar 2008 SUNNUDAGUR
HVAÐ SEGIR MAMMA?
„Nýr bíll? Neeei, en það verður
ýmislegt framkvæmt í sumar get
ég sagt þér. Ég á stórt hús sem má
margt gera við,“ segir Sigmundur
Ernir Rúnarsson, einn margra
metsöluhöfunda nýafstaðinna
bókajóla.
Bókaútgefendur og höfundar
eru himinlifandi með bóksölu
þessarar bókavertíðar. Að sögn
Kristjáns B. Jónassonar, formanns
Félags íslenskra bókaútgefenda,
er fjöldi titla sem fór vel yfir tíu
þúsund eintaka sölu. Hann nefnir
til sögunnar Hagkaupsbókina,
Útkall eftir Óttar Sveinsson, Bíbí
eftir Vigdísi Grímsdóttur, Guðna
eftir Sigmund Erni og Ösku eftir
Yrsu Sigurðardóttur að ógleymd-
um konunginum sjálfum Arnaldi
Indriðasyni en Harðskafi hans var
prentuð í hátt í þrjátíu þúsund ein-
tökum. Þýddar bækur sem fóru
vel yfir tíu þúsund seld eintök eru
Leyndarmálið, Harry Potter og
Þúsund bjartar sólir. Þá var breið
sala bóka á bilinu fimm til tíu þús-
und eintök og þannig fóru bæði
Hrafn Jökulsson með bók sína Þar
sem vegurinn endar og Óttar M.
Norðfjörð með Hníf Abrahams
hátt í tíu þúsund seld eintök.
„Þetta eru mestu bókajól sög-
unnar, miðað við umfang útgáf-
unnar og hversu mikill fjöldi bóka
fer yfir tíu þúsund eintök. Þetta er
mikil lyftistöng fyrir alla. Inn-
koma fyrir forlögin, innspýting
fyrir bransann almennt og sýnir
að varan er sterk. Allt hið
jákvæðasta mál,“ segir Kristján.
Hann bendir á að þegar hann var
að byrja í bókaútgáfu fyrir rúmum
tíu árum hafi þótt meiriháttar
árangur að ná fimm þúsund ein-
taka sölu. Þróunin hefur verið
hröð.
Pétur Már Ólafsson, útgefandi
hjá Veröld, er að vonum kátur en
tvær bóka hans, Aska og Guðni,
seldust í um tólf þúsund eintökum.
„Mesta sala Veraldarsögunnar.
Arnaldur er kóngurinn. Um það
verður ekki deilt. En það er eng-
inn kóngur án drottningar!“ segir
Pétur og vísar til Yrsu.
Kóngurinn Arnaldur var prent-
aður í um þrjátíu þúsund eintök-
um. Miðað við hefðbundna samn-
inga milli útgefenda ber
rithöfundur 23 prósent úr býtum
af heildsöluverði bókar. Þumal-
puttaregla er sú að í krónum talið
sé um að ræða 600 krónur á ein-
tak. Þá er eftir að taka með í reikn-
inginn að skil eftir jól til útgef-
enda eru nokkur og aukast eðli
málsins samkvæmt eftir því
hversu vel selst af hverri bók um
sig. En að gefnum þeim forsend-
um að 25 þúsund eintök sitji eftir
hjá ánægðum lesendum Arnaldar
má meta það sem svo að hann fái í
sinn hlut fimmtán milljónir. Yrsa
er þá að fá í sinn hlut um 6,6 millj-
ónir (miðað við ellefu þúsund ein-
tök eftir skil) sem og Óttar. Vigdís
og Bíbí og svo Sigmundur Ernir og
Guðni deila með sér sömu upp-
hæð.
Það virðist því sem liðin sé sú
tíð að rithöfundar séu soltnir í
kröm, berklaveikir í kvistherbergi
að skrifa sín meistaraverk?
„Já,“ segir Kristján, sem reynd-
ar telur lunga rithöfunda ekki ofg-
óða af sínu. Og þeir líta ekki á
starfslaun sem verulega tekjulind,
þau komi og fari og séu háð duttl-
ungum matsnefnda hverju sinni.
„Rithöfundar hafa verið óhress-
ir með þetta fyrirkomulag, að fá
prósentur af heildsöluverði í stað
fastrar tölu. En það er engin leið
til baka. Menn verða einfaldlega
að taka þátt í markaðsstarfi og
þessi jól sanna að stefna hvað
varðar frjálst bókaverð er rétt.
Samkeppni á bókamarkaði og
aðgengi að vörunni eykur hlut-
fallslega veltu.“
jakob@frettabladid.is
ARNALDUR INDRIÐASON: FÆR UM 15 MILLJÓNIR Í SINN HLUT
Loðnir um lófana eftir feit bókajól
Hvað er að frétta?
Það er nú alltaf eitthvað að frétta.
Augnlitur:
Mógrænn.
Starf:
Leikkona.
Fjölskylduhagir:
Fínir.
Hvaðan ertu?
Frá Hafnarfirði.
Ertu hjátrúarfull?
Já, frekar.
Uppáhaldssjónvarpsþátturinn:
Dexter.
Uppáhaldsmatur:
Japanskur.
Fallegasti staðurinn:
Kerlingarfjöll.
iPod eða geislaspilari:
iPod.
Hvað er skemmtilegast?
Að leika sér.
Hvað er leiðinlegast?
Að taka til.
Helsti veikleiki:
Óöryggi.
Helsti kostur:
Hugrekki.
Helsta afrek:
Dóttir mín.
Mestu vonbrigðin:
Veit ekki.
Hver er draumurinn?
Að sá sem stal tölvunni minni skili
henni aftur, vegna alls sem var þar
inni, eins og myndir og fleira persónu-
legt.
Hver er fyndnastur/fyndnust?
Hemmi Gunn og Laddi.
Hvað fer mest í taugarnar á þér?
Nöldur.
Hvað er mikilvægast?
Fjölskyldan.
HIN HLIÐIN LAUFEY ELÍASDÓTTIR LEIKKONA
Draumurinn að endurheimta tölvuna
„Ritskoðun er of sterkt orð að nota.
En það liggur við. Eða hvað á
maður að halda þegar berst bréf
frá Vöku-Helgafelli þar sem segir:
Of mikil ádeila. Ekki hægt að gefa
þetta út?“ spyr Eyvindur P.
Eiríksson rithöfundur.
Eyvindur sendi nýverið frá sér
bókina „Glass“ en ekkert forlag
fékkst til að gefa hana út. Leitaði
hann víða en enginn vildi snerta
við og voru margvíslegar ástæður
gefnar fyrir því, mistrúverðugar að mati höfundar
sem telur einfaldlega ádeiluna í bókinni á íslenskt
þjóðfélag slíka að útgefendur þori ekki.
Undirtitill bókarinnar er „saga af glæpum og
glöpum“ og strax í tileinkun, áður en bókin hefst,
er boltinn upp gefinn: „Þau eiga kröfu á þá geð-
sjúku gróðapunga, sem í dag stjórna þessu landi og
þessum heimi. Kröfuna til framtíðar.“ Eyvindur,
sem er verðlaunahöfundur, hlaut bókmenntaverð-
laun Halldórs Laxness árið 1997 fyrir „Landið
handan fjarskans“, gaf hverjum
þingmanni eintak af bókinni.
Rithöfundurinn gaf einnig
borgarfulltrúum Glass – telur
bókina eiga erindi við hina
pólitísku pótintáta. Eyvindur
segist svo sem ekkert vera
sérstaklega mikill bölsýnismaður
en bendir á að þróunin sé hröð og
mörg dæmi um að allt fari á hinn
versta veg.
„Þegar þú tekur fyrir þætti í
nútímasamfélagi sem eru vafasamir og þróar þá
áfram á neikvæðan hátt. Eins og getur gerst og
hefur gerst fær maður yfirleitt fram skelfilega
niðurstöðu,“ segir Eyvindur sem nú situr úti í
Noregi við skriftir en sambýliskona hans er norsk.
Hann segir kannski í lagi að hann, kominn yfir
sjötugt, rífi kjaft. Hann hafi engu að tapa. Eyvind-
ur hefur enn ekki heyrt neitt frá pólitíkusum þeim
sem hann gaf bókina en vonast til þess að svo fari.
Hann býst við að standa fyrir máli sínu. - jbg
Gaf þingmönnum forboðna bók
EYVINDUR P. EIRÍKSSON Skrifar um
geðsjúka gróðapunga sem í dag stjórna
þessu landi.
„Það er eiginlega allt frosið núna
út af þessu verkfalli og öll
verkefni eru í biðstöðu. Og maður
er kannski ekki fyrstur í goggun-
arröðinni, það eru aðrir karlar á
undan manni,“ segir kvikmynda-
leikstjórinn Baltasar Kormákur
en lítið hefur þokast áfram í
útrásinni til Ameríku að undan-
förnu sökum verkfalls handrits-
höfunda í Hollywood. Eins og kom
fram í fjölmiðlum á síðasta ári
sýndu nokkrir erlendir framleið-
endur Baltasar áhuga eftir
gríðarlega velgengni Mýrinnar og
fékk leikstjórinn sendan fjöldann
allan af misgáfulegum handritum.
En eftir að verkfallið skall á hefur
varla verið skrifaður stafur á blað
í draumaborginni.
Annars þarf leikstjórinn ekkert
að kvíða neinum verkefnaskorti
þótt allt sé stopp í hinni stóru
Ameríku. Hann var staddur í
Svíþjóð þegar Fréttablaðið náði tali
af honum og var að litgreina
kvikmyndina Brúðgumann sem
verður frumsýnd á þessu ári en
hún er að einhverju leyti byggð á
leikritinu Ívanov eftir
Tsjekov. Og svo er
Baltasar í einu
aðalhlutverkanna
í kvikmyndinni
Reykjavík-
Rotterdam sem
leikstýrt er af
Óskari
Jónassyni.
- fgg
Bandaríkin í
biðstöðu
YRSA SIGURÐARDÓTTIR Fær
um 6,5 milljónir í sinn hlut.
ÓTTAR SVEINSSON
Selur útkallsbækur sínar í
stórum stíl – 6,5 milljónir til
hans.
GUÐNI OG SIGMUNDUR Deila sáttir með sér 6,5
milljónum.
VIGDÍS OG BÍBÍ Vinkonurnar
góðu skipta með sér 6,5
milljónum.
ARNALDUR Kóngurinn trónir
langefstur á sölulista.
„Hann byrjaði ungur að sprella,
er mikil félagsvera og eigin-
lega bara fæddur til að vera
í aðalhlutverkinu. Ég er rosa-
lega ánægð með hvernig hefur
gengið hjá honum og vona að
þetta verði frábær sýning fyrir
norðan. Svo er ekki verra að
hann er í Gyllta áttavitanum,
það er gott að fá reynslu á sem
flestum sviðum.“
Margrét Ósk Árnadóttir, móðir Viktors
Más Bjarnasonar sem leikur í Fló á skinni
og talar inn á Gyllta áttavitann.
28. 01. 1979
KLIPPIÐ HÉR!
- Ekkert hlé á góðum myndum
Ekkert hlé Minna af auglýsingum Engin truflun321
2 fyrir 1 allar frumsýningarhelgar gegn framvísun þessarar úrklippu.
www.graenaljosid.is - Skráning í Bíóklúbb Græna ljóssins margborgar sig
„Það sem Haynes hefur gert hér,
er í raun að búa til Bob Dylan lag og
þar að auki eitt hans besta!“
- Jeff Beresford-Howe, Film Threat
„Frumlegasta og
skemmtilegasta mynd ársins!“
- Stephanie Zacharek, Salon.com
KVIKMYND EFTIR TODD HAYNES UM
MÖRG ANDLIT OG ÆVISKEIÐ BOB DYLAN
Tónlistin úr myndinni
fáanleg í næstu plötubúð
ÉG ER EKKI ÞAR FRUMSÝND 4. JANÚAR Í REGNBOGANUM
„Kvikmynd ársins!“
- J. Hoberman, Village Voice