Fréttablaðið - 19.01.2008, Blaðsíða 8
19. janúar 2008 LAUGARDAGUR
LÖGREGLUMÁL Yfirstjórn lögreglunnar á höfuðborg-
arsvæðinu er heimilt að setja upp nýtt bakvaktafyr-
irkomulag rannsóknarlögreglumanna, án samráðs,
þar sem bakvaktir eru hluti af vinnuskyldu þeirra.
Þetta segir í meginatriðum í svari sem yfirstjórn
lögreglunnar hefur borist frá starfsmannaskrif-
stofu fjármálaráðuneytisins.
Breytingar á fyrirkomulagi bakvakta voru kynnt-
ar rannsóknarlögreglumönnum 28. desember
síðastliðinn. Þær eru liður í sparnaði sem lagður er
á rannsóknardeildirnar. Með því á að spara ellefu
milljónir króna. Um 99,5 prósent af rekstrarkostn-
aði deildanna eru launakostnaður. Sparnaðurinn er
liður í því að halda embættinu innan ramma
fjárlaga. Mikill hiti hefur verið í rannsóknarlög-
reglumönnum vegna breytinganna. Tugir þeirra
hafa sagt sig frá nýju vaktafyrirkomulagi.
„Við ætlum að fara betur yfir þetta í okkar ranni
um helgina,“ segir Steinar Adolfsson, fram-
kvæmdastjóri Landssambands lögreglumanna.
„Okkar afstaða er óbreytt. Við teljum bakvaktirnar
ekki hluta af vinnuskyldunni nema samþykki meiri-
hluta rannsóknarlögreglumanna liggi fyrir. Það
liggur ljóst fyrir að vinnuvikan er fjörutíu stundir.
Það er ekki hægt að skipuleggja vinnuna umfram
það nema með samþykki. Það er beinlínis ákvæði
um það í upphafi kafla í kjarasamningi um vinnu-
tíma.“
Steinar undirstrikar að lögreglustjóri hafi boðað
samráð og samvinnu við rannsóknarlögreglumenn
um breytingar á fyrirkomulagi vinnutíma.
Ekki náðist í Friðrik Smára Björgvinsson, sem
hefur umsjón með breytingunum, við vinnslu
fréttarinnar. jss@frettabladid.is
FRIÐRIK SMÁRI BJÖRGVINSSON Hefur veg og vanda af fram-
kvæmd breytinga á bakvaktafyrirkomulagi.
Bakvaktir hluti af
vinnuskyldu lögreglu
Yfirstjórn lögreglu á höfuðborgarsvæðinu er heimilt að breyta fyrirkomulagi
á vinnutíma rannsóknarlögreglumanna án samráðs. Landssamband lögreglu-
manna er á öðru máli. Tugir hafa sagt sig frá nýju vaktafyrirkomulagi.
FÆREYJAR Sambandsflokkurinn verður stærsti flokk-
urinn á færeyska lögþinginu eftir kosningarnar í
dag, ef marka má niðurstöður skoðanakönnunar
sem birtar voru í gær.
Samkvæmt könnuninni, sem gerð var af Fynd
fyrir dagblaðið Sosialurin, fær Sambandsflokkurinn
22,5 prósent fylgi og átta þingsæti, einu fleira en í
kosningunum fyrir fjórum árum. Hinir flokkarnir
tveir sem ásamt Sambandsflokknum hafa starfað
saman í stjórn síðastliðið kjörtímabil – Jafnaðar-
mannaflokkurinn og Fólkaflokkurinn – halda báðir
sínum sjö þingmönnum samkvæmt könnuninni, en
Þjóðveldisflokkurinn missir fylgi og er nú spáð sex
þingsætum í stað átta síðast.
Minni flokkarnir auka báðir við sig; Miðflokknum
er spáð þremur og Sjálfstjórnarflokknum tveimur
sætum, sem er í báðum tilvikum einu þingsæti meira
en síðast.
Verði úrslitin á þessa lund kemst Kaj Leo
Johannesen, formaður Sambandsflokksins, í sterka
stöðu til að gera tilkall til lögmannsembættisins sem
Jóannes Eidesgaard, formaður Jafnaðarmanna-
flokksins, hefur gegnt síðan 2004.
- aa
Lögþingskosningar fara fram í Færeyjum í dag:
Sambandsflokki spáð sigri
KAJ LEO
JOHANNESEN
JÓANNES
EIDESGAARD