Fréttablaðið - 19.01.2008, Blaðsíða 27

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Unnur Stefánsdóttir á Akureyri á Fíat á þrítugs-
aldri sem hefur reynst henni vel. Hann hefur
ekki verið notaður að óþörfu og er bara ekinn
rúma fimmtíu þúsund kílómetra.
„Ég fékk þennan bíl rétt fyrir jólin 1984, beint úr
kassanum, en hann er ‘85 módel,“ segir Unnur um
Fíat 127 sem hún hefur haldið tryggð við frá upphafi
og er ekkert á leið að endurnýja. „Fíatinn er
traustur og mér finnst gott að keyra hann. Auðvitað
er hann orðinn gamall og svolítið ryðgaður enda
stendur hann alltaf úti. Hann hefur samt verið ódýr
í viðhaldi og yfirleitt í góðu lagi. Svo eyðir hann
litlu,“ segir Unnur, sem hefur lakkað bílinn sinn
sjálf með rúllu þegar þess hefur þurft með.
Fíatinn er ítalskur og þótt hann sé kominn til ára
sinna segir Unnur engum vandkvæðum bundið að fá
í hann varahluti. „Ég hef einn ágætan mann hér hjá
Fíatumboðinu á Akureyri sem dyttar að bílnum fyrir
mig þegar á þarf að halda. Hann hefur getað fengið í
hann það sem hefur þurft,“ segir hún. Varla eru þó
margir jafngamlir bílar sömu gerðar á götunni? „Ég
veit ekki um annan í umferð og hef fengið hrós hjá
Fíat-eigendum fyrir að halda þessum gangandi.“ Enn
eru samt tvö ár í að Unnur fái niðurfelld bifreiða-
gjöldin. „Það er ekki fyrr en bíll er orðinn 25 ára sem
hann er orðinn löglegur forngripur,“ segir hún.
Fíatinn er ótrúlega lítið keyrður; rétt kominn yfir
fimmtíu þúsund kílómetrana. „Ég nota bílinn meira
nú en meðan ég var yngri. Þá labbaði ég oft hér
innanbæjar, til dæmis í vinnuna, enda var stutt að
fara. Ef ég fór á bílnum, einhverra hluta vegna,
gleymdi ég honum stundum og var komin gangandi
heim þegar ég mundi eftir honum. Þá þurfti ég
sérstaka ferð til að sækja hann!“ gun@frettabladid.is
Lakkaði bílinn með rúllu
Unnur hefur fengið hrós fyrir að halda Fíatnum gangandi. FRÉTTABLAÐIÐ/ÖRYLGUR HNEFILL
HUGMYNDABÍLAR
Á bílasýningunni sem
nú stendur yfir í
Detroit í Bandaríkjun-
um má líta allt það
nýjasta í bílabrans-
anum.
BÍLAR 2
TÍBESK ÁHRIF
Alexander McQueen
sýndi nýlega hönn-
un sína fyrir haust
og vetur 2008 til
2009 á tískusýn-
ingu í Mílanó.
TÍSKA 4