Fréttablaðið - 19.01.2008, Blaðsíða 60

32 19. janúar 2008 LAUGARDAGUR
Strumpar Íslands
Strumparnir eiga stórafmæli um þessar mundir og eru þeir 50 ára. Af
því tilefni fékk Júlía Margrét Alexandersdóttir nokkra þjóðþekkta álitsgjafa
til að segja til um hvaða Íslendingar gætu fundið sitt alteregó í Strympu,
Hrekkjastrumpi, Kjartani galdrakarli og öllum hinum íbúum Strumpaþorps.
Í því landi má meðal annars finna Megas í hlutverki Kjartans galdramanns
og Dabba Grensás sem köttinn Brand.
AUÐUR JÓNSDÓTTIR
RITHÖFUNDUR
BRAGI VALDIMAR
SKÚLASON
BAGGALÚTUR
STEFÁN PÁLSSON
SAGNFRÆÐINGUR
➜ ÁLITSGJAFAR FRÉTTABLAÐSINS
KJARTAN GALDRAKARL
B: „Megas. Ég held hann hljóti að geta samsamað sig óárennilegum einfara
sem sér litla bláa karla í hverju horni. Auk þess væri ógleymanleg sjón að
sjá hann arka um Öskjuhlíðina með háf í hendi, íklæddan svörtum kufli og
rauðum bomsum – hvæsandi „ég hata strumpa!“
A: „Mér dettur ósjálfrátt Davíð Oddsson í hug. Kannski af því hann var
mjög lengi forsætisráðherra og gamal-
reyndir forsætisráðherrar hljóta að
brugga leyniráð eins og Kjartan
galdrakarl. Er það ekki hluti af
djobbinu? Auk þess er hann
galdrakarlalegri að sjá en Geir, já
hreinlega líkur Kjartani galdrakarli.“
S: „Halim Al. Íslendingar hafa
aldrei eignast annan eins
erkióvin.“
KÖTTURINN BRANDUR
B: „Það þarf að vera einhver sem er tilbúinn að leggja sér til munns eitt-
hvað blátt, iðandi ógeð sem enginn veit almennilega hvað er, án þess að
hugsa sig um tvisvar. Og
sleikja sjálfan sig á eftir.
Það hlýtur að vera Pétur
Jóhann Sigfússon.“
A: „Þar sem Davíð er Kjartan fer vel
á því að Illugi Gunnarsson þingmað-
ur sé Brandur því hann var aðstoðar-
maður hans síðustu árin í embættinu.“
S: „Dabbi Grensás: Skaðvaldurinn
sem lumbrar á litlu strumpun-
um og allir óttast.“
ÆÐSTISTRUMPUR
B: „Kári Stefánsson, ekki spurning.
Ímyndið ykkur hann bara með
rauða skotthúfu og í smekklegum
rauðum gammósíum blandandi
eitthvert torkennilegt sveppaseyði
í tilraunaglasi.“
A: „Guðmundur Pálsson, útvarps-
maður og Baggalútur með meiru,
því hann hermdi svo vel eftir
strumpunum í tólf ára bekk að
kennarinn okkar þurfti að færa
krakka á milli borða í skólastof-
unni til að þau hættu að hlæja.“
S: „Hilmar Örn Hilmarsson
allsherjargoði. Auk þess að vera
skeggjaður eins og æðstistrum-
pur og trúarleiðtogi (strumparnir
minna mjög á sérstrúarsöfnuð) þá
er Hilmar yndislega strumpalegur í
þess orðs jákvæðustu merkingu.“
LETISTRUMPUR
B: „Benni Hemm Hemm. Hann er
bara eitthvað svo værðarlegur.“
A: „Allir þingmennirnir – sem
vantar oft og iðulega í salinn
þegar verið er að sýna umræður
á Alþingi í sjónvarpinu. Líka þessa
sem geispa mikið og minna frekar
á syfjaða unglinga að afgreiða í
sjoppu en fulltrúa þjóðarinnar á
þingi.“
S: „Helgi Björnsson söngvari.
Söng sérkennilegasta jóla-
texta allra tíma, um manninn
sem ætlar að gera allt fyrir
ástina sína og gefa henni dýrustu
djásn – ef hann þá nennir því …“
FÝLUSTRUMPUR
B: „Barði Jóhannsson. Mér er til efs að nokkur gæti
túlkað hinn algera og skilyrðislausa lífsleiða, bland-
aðan hæfilegri fyrirlitningu, betur.“
A: „Egill Helgason, því hann fór í fýlu út í viðmæl-
anda í þættinum sínum sem var ekki á sama máli
og hann. Viðmælandinn var Viðar Þorsteinsson
heimspekingur og umræðurnar snerust meðal annars
um tjáningarfrelsið.“
S: „Mörður Árnason. Aþþíbara.“
GRÆÐGISSTRUMPUR
B: „Jói Fel. Þarf að ráða við að
vera síétandi en komast samt í
sömu sokkabuxurnar, ár eftir ár.“
A: „Ósýnilegi vinnuveitandinn
sem misnotar svonefnt erlent
vinnuafl, öðru nafni vinnandi fólk,
til að græða peninga.“
S: „Finnur Ingólfsson. Hætti á
þingi eftir að hafa komið milljörð-
um í eigin hendur og ætlaði svo
aftur á þing af því
að hann langaði
til þess.“
STRYMPA
B: „Þorgerður Katrín – treysti fáum betur til að spjara
sig í óstýrilátum hópi lítilla, blárra karla.“
A: „Fjallkonan sem slík. Er hún ekki með svipað
höfuðfat og Strympa? Þorgerður Katrín Gunnarsdóttir
menntamálaráðherra í fjallkonubúningi er ábyggilega
mjög strympuleg.“
S: „Jónína Benediktsdóttir. Í íslenska
bissnesheiminum – líkt og í
Strumpalandi – eru hundrað
kallar sem líta allir eins út, en
bara ein kona sem lætur til
sín taka: Strympa/Jónína
Ben.“
LJÓÐASTRUMPUR
B: „Hmm, sífellt þyljandi upp ljóðræn og
innblásin sannindi sem enginn vil heyra?
… Andri Snær.“
A: „Gerður Kristný er til dæmis ljóða-
strumpur. Eða öllu heldur ljóða-
strympa.“
S: „Þorsteinn Davíðsson. Er svo
vel að sér í ljóðum Tómasar
Guðmundssonar að það skilaði
honum dómarasæti.“
GÁFNASTRUMPUR
B: „Ármann Jakobsson, með réttu gleraugun að vopni og
vísifingurinn á lofti væri hann fullkominn.“
A: „Það eru svo margir gáfnastrumpar að það er ekki
þverfótandi fyrir þeim. Sem betur fer eru þeir gáfaðir á
mismunandi hátt, já og mismikið jafnvægi í fjölgáfum
þeirra. Ætli ég nefni ekki bara Pál Valsson, rithöfund og
bókmenntaráðunaut Forlagsins. Hann er einn jafngáfað-
asti gáfnastrumpur sem ég þekki.“
S: „Sigurður Líndal. Víðlesinn og alltaf
tilbúinn að prédika með puttann á lofti.
Bakar sér hins vegar engar vinsældir,
þótt hann kunni að hafa lög að
mæla.“
HREKKJASTRUMPUR
B: „Auðunn Blöndal á það embætti
skuldlaust.“
A: „Hallgrímur Helgason því hann
hrekkir þjóðina svo skemmtilega í
Roklandi.“
S: „Haraldur Briem
sóttvarnalæknir. Hefur í
áraraðir hótað þjóðinni
með yfirvofandi fugla-
flensu og allir fjölmiðlar
hlaupa apríl í hvert sinn.“
SMÍÐASTRUMPUR
B: „Gulli Helga – hann vantar í raun bara dindil-
inn.“
A: „Þeir stjórnmálamenn sem vilja frekar gera
upp gömlu húsin í miðbæ Reykjavíkur en rífa
þau. Vonandi gerist Dagur B. Eggertsson
smíðastrumpur og smíðar notalega borg.
Já, er ekki bara best að útnefna hann?“
S: „Sturla Böðvarsson. Hann lét smíða
Grímseyjarferju með þeim árangri að
endurbættur dallur kostar álíka og farþega-
þota.“