Fréttablaðið - 01.02.2008, Page 44

1. FEBRÚAR 2008 FÖSTUDAGUR
● ÉG HEF MJÖG EIN-
FALDAN SMEKK
Í Gerðarsafni stendur yfir sýning
á verkum úr eigu hjónanna
Sævars Karls Ólasonar og Erlu
Þórarinsdóttur. Verkunum
hafa þau safnað undanfarin
40 ár og kennir ýmissa grasa
í safninu. Þar er til dæmis að
finna úrval verka eftir Gunnlaug
Blöndal, Kristján Davíðsson og
marga af þekktustu samtíma-
listamönnum þjóðarinnar auk
áhugaverðra verka eftir erlenda
listamenn. Í þeim flokki eru til
dæmis sjaldgæfar litógrafíur
eftir Salvador Dalí frá árinu
1971 þar sem hann myndgerir
hugmyndir sínar um klæðnað
spjátrunga framtíðarinnar.
Á sýningunni gefur einn-
ig að líta röð handunninna
veggspjalda sem listamenn
hafa gert fyrir sýningar sínar í
galleríi Sævars Karls, sem komið
var á laggirnar árið 1988. Þessi
fjölbreyttu veggspjöld mynda
áhugaverða röð, þar sem hægt
er að rekja sögu gallerísins allt
til upphafsins og fá yfirlit yfir
þau fjölbreyttu verk sem þar
hafa verið sýnd.
Vegleg sýningarskrá hefur
verið gefin út í tengslum við
hana. Þar skrifar Guðbergur
Bergsson um hlutskipti kaup-
manna og málverkasafnara auk
þess sem þar má finna ítarlegt
viðtal Guðbjargar Kristjánsdótt-
ur við Erlu
og
Sævar
Karl.