Fréttablaðið - 02.02.2008, Blaðsíða 36
● hús&heimili
Æskan rifjast upp fyrir Önnu S.
Björnsdóttur ljóðskáldi þegar hún
lítur í forláta spegil sem móðir
hennar átti. „Mamma mín, Hulda
Kristjánsdóttir, var saumakona og
hún saumaði alltaf kjóla á okkur
systurnar, en við erum þrjár. Við
tókum svo spegilinn niður, komum
honum fyrir í stól og spegluðum
okkur,“ lýsir Anna.
Hún segir ávallt nauðsynlegt að
líta í spegil fortíðarinnar og endur-
skoða sig með gagnrýnum hug. „Ég
hugsa að listamenn þurfi jafnvel að
gera meira af því. Það er nauðsyn-
legt að líta í spegil fortíðar, nútíð-
ar og framtíðar,“ segir Anna. Hún
heldur að spegillinn sé frá Mið-
Evrópu en hann var keptur um
miðja síðstu öld. „Foreldrar mínir
sigldu töluvert, sem var ekki svo
algengt á þeim tíma, og keyptu þau
spegilinn á slíku ferðalagi. Hann er
úr smíðajárni, með blómamunstri
og alveg hrikalega þungur.
Spegillinn trónir fyrir ofan fal-
legt borð sem er einnig frá móður
Önnu. „Afasystir mín, Salóme Guð-
mundsdóttir, gaf mömmu borð-
ið og hún lánaði mér það þegar ég
hóf minn búskap. Þegar hún fór
svo fram á að fá það aftur var ég
treg til að láta það af hendi. Ég hef
nú ekki oft grenjað til mín hluti en
hún náði því hreinlega ekki af mér
og endaði á því að gefa mér það,“
segir Anna og hlær.
Anna hefur gefið út tólf ljóða-
bækur og á 20 ára útgáfuafmæli á
árinu. Hún hefur starfað sem kenn-
ari síðan 1969 og hluta af kennslu-
ferlinum kennt úti á landi. „Mig
langar að skrifa kennslusögu mína
og senda um leið smá kveðju út í
sveit. Ég veit ekki alveg í hvernig
formi bókin verður en hún leitar á
mig.“ -ve
Lítur í spegil fortíðar
● Önnu S. Björnsdóttur þykir vænt um gamla muni sem áður voru í eigu móður hennar. Þar
á meðal er fallegur spegill með blómamunstri.
Spegillinn, borðið og kistillinn undir borðinu eru allt munir frá móður Önnu, Huldu
Kristjánsdóttur. FRÉTTABLAÐIÐ/ANTON
● Forsíðumynd: Eyþór Árnason tók þessa mynd á
nýlega uppgerðu heimili í Smáíbúðahverfinu . Útgáfu-
félag: 365 miðlar ehf., Skaftahlíð 24, 105 Reykjavík, s. 512
5000 Ritstjórar: Sólveig Gísladóttir solveig@frettabla-
did.is og Emilía Örlygsdóttir emilia@frettabladid.is. Aug-
lýsingar: Ámundi Ámundason s. 517 5724 Útlitshönn-
uður: Kristín Agnarsdóttir kristina@frettabladid.is.
● HEILLALJÓS SEM SKIPTA LITUM Heillaljósin eru töfrakerti frá Kína sem
fást í ýmsum litum. Þau heita á ensku SPA Candles og stafar frá þeim fagurri birtu því
auk logans á kveiknum lýsast þau upp innan frá og skipta stöðugt um lit. Í neðri hluta
kertanna eru nefnilega díóður og það eru þær sem skapa töfrana. Ekki spillir að kertin
bera veikan en frískandi ilm. Þau eiga að endast í um það bil 50 klukkustundir og mælt
er með þriggja tíma notkun í einu til að vaxið brenni sem jafnast. Þess á milli eiga
kertin að geymast á dimmum stað því í þeim eru ljósskynjarar sem fara í gang í dags-
ljósi og stytta líftíma rafhlaðnanna.
E
inhverjir myndu ætla að mér þætti það feiknarsport að flytja. Af-
bragðs dægradvöl á laugardegi. Það er ekki rétt. Mér finnst fátt
leiðinlegra og skil ekki hvernig ég kem mér í þær aðstæður að
vera að flytja í þriðja skipti á rúmum tveimur árum. Eða skil og
skil ekki. Ég veit jú alveg hvernig börnin verða til og bjó til eitt sjálf.
Væri ég 17 ára Bubbi gæti ég bara afgreitt þetta með því að fara aldrei
suður og henda mér á togara. Mér finnst það næstum skárri tilhugsun en
þurfa að stækka við mig og flytja með mitt hafurtask af fjórðu hæð.
Ég sé sem sagt fram á að þurfa þó nokkra hjálp með borðstofuborðið
og antíkskápana.
Blóð er þykkara en vatn og því býst ég við að ætt-
ingjarnir komi þar sterkastir inn. Hér eru nokkur
góð ráð hvernig fara má að því að flytja á einfald-
an hátt:
Þú hringir í nokkra þögla
og sterka frænd-
ur, sérstaklega þá
sem kepptu í sjó-
manni í fjölskyldu-
boðum í gamla
daga. Þú setur
upp leikvöll sem er
þín eigin íbúð og gerir
þetta að keppni. Lætur þá
fara í „hver er fljótastur á
klukkustund“, telur kass-
ana. Lofar pitsu og bjór
og segir að sætar vinkon-
ur verði á staðnum. Lov-
ísa vinkona verði í sundbol. Þá mæta allir. Ef burð-
ardýrin eiga börn lætur þú vinkonurnar passa þau.
Svo er líka fínt að etja þeim saman. Talar um í laumi
hvað hinir séu aumir. Og svona. Hvað þeir hinir
geti örugglega ekki lyft buffinu hans afa. „Annað
en þú, sterki frændi.“ Þetta er svo einfalt. Þú feng-
ir naut til þess að stökkva fram af svölunum væri
pitsa og bjór fyrir neðan. Ekki gefa samt mat fyrr en
að verki loknu, annars endar þetta bara í sjómanna-
keppni á stofugólfinu eins og í Eyjum í denn þegar fólk
mátti prísa sig sælt að koma heim með heilar tennur
úr fermingarveislunni. Lykillinn er: Matur og sam-
keppni.
Flutningar
HEIMILISHALD
JÚLÍA MARGRÉT ALEXANDERSDÓTTIR
Þú hringir í nokkra
þögla og sterka
frændur, sérstak-
lega þá sem kepptu
í sjómanni í
fjölskylduboðum í
gamla daga. Þú
setur upp leikvöll
sem er þín eigin
íbúð og gerir þetta
að keppni.
2. FEBRÚAR 2008 LAUGARDAGUR2