Fréttablaðið - 27.02.2008, Blaðsíða 40

20 27. febrúar 2008 MIÐVIKUDAGUR
UMRÆÐAN
Gjaldtaka fjármálafyrirtækja
Björgvin G. Sigurðsson, við-skiptaráðherra, ræðst nú til
atlögu gegn gjaldtöku fjármála-
fyrirtækja og boðar aðgerðir í
kjölfar skýrslu starfshóps um
málið. Yfirlýsingar ráðherrans
gefa til kynna að hér sé á ferðinni
órétti hið mesta sem bitni á
almenningi og koma verði laga-
böndum yfir FIT kostnað, seðil-
gjöldin og uppgreiðslugjöldin. Svo
er ekki.
Miklu skiptir að þeir sem kjósa
að nýta sér margvíslega þjónustu
fjármálafyrirtækis geri sér grein
fyrir hvað verið er að semja um.
Ábyrgð fjármálafyrirtækja er
réttilega meiri í slíkum samning-
um vegna yfirburðastöðu þeirra
gagnvart viðsemjendum. Aðal-
atriði er að fólki sé frjálst að semja
um sín viðskiptakjör. Kostnaður
við viðskipti og vanefndir getur
verið misjafn, allt eftir eðli og inn-
taki þeirra réttinda og skyldna
sem samið var um, og mikið
óþarfaverk að ætla að banna
mönnum að semja um þann
kostnað sín á milli.
Í skýrslu starfshópsins er lagt
til að settar verði reglur um yfir-
dráttarkostnað og uppgreiðslu-
gjöld. Ef rýnt er í skýrsluna kemur
í ljós að verið er að leggja til í
megindráttum að festa í sett lög
frá Alþingi það sem leiða hefur
mátt út frá almennum reglum
kröfuréttar í íslenskum rétti. Þó
að þannig að bætt verði við íþyngj-
andi ákvæðum um bann við
ákveðnum tegundum uppgreiðslu-
gjalda. Óskiljanlegt er af hverju
banna á fólki að semja um tiltekin
lánakjör á íbúðarláninu sínu. Enn
furðulegra verður málið eftir að
vefritið Vefþjóðviljinn benti á að
uppgreiðslugjöld
Íbúðarlánasjóðs
eru töluvert hærri
en stóru bank-
anna þriggja og
ráðherra hyggst
ekki beita sér
fyrir breytingu á
þeim uppgreiðslu-
gjöldum sem ríkið
sjálft innheimtir.
Hér má enn og
aftur sjá þá til-
hneigingu stjórnmálamanna að
sjá ekki bjálkann í auga ríkis-
rekstrarins en einblína á flísina í
auga frjáls markaðar.
Þá leggur starfshópurinn til að
lögfest verði nýtt ákvæði í lögum
um neytendalán sem kveði á um
að fjármálafyrirtæki verði óheim-
ilt að innheimta kostnað vegna
óheimils yfirdráttar ef slík gjald-
taka á ekki stoð í samningi. Í raun
væri með slíku ákvæði verið að
festa í sessi og lögfesta á skýran
hátt gildandi rétt um þetta atriði.
Ef viðskiptavinur gerist sekur um
að taka meiri peninga frá bankan-
um en það sem fyrir fram var búið
að ákveða milli aðila að mætti taka
er um samningsbrot að ræða og
ekki óeðlilegt að bankinn geti
krafið samningsaðilann um bætur
vegna slíkra vanefnda. Ætla má að
flestum sé þetta ljóst og vandséð
að þörf sé á að auka umstang og
kostnað fólks við að óska eftir
yfirdrætti. Sumum finnst sá kostn-
aður vera alveg nægur fyrir.
Ráðherra hyggst jafnframt gefa
út tilmæli um að bannað verði að
bæta seðilgjöldum eða öðrum
fylgikröfum við aðalkröfu sem
greidd er á gjalddaga, nema sér-
staklega sé samið um annað. Ekki
verður fjallað um stjórnskipunar-
og stjórnsýslulega þýðingu þess
að ráðherra gefi út tilmæli til
einhverra um að banna eitthvað
heldur nefnt að skuldara í þessu
tilviki beri að greiða ákveðna
kröfu til kröfuhafa, og er krafan
sú sem fram kemur að á seðli þeim
er seðilgjöld tengjast. Um er að
ræða viðskiptakostnað. Skiptar
skoðanir eru um hvar þessi við-
skiptakostnaður eigi að liggja en
ekki er óeðlilegt að hann sé sýni-
legur. Á það má benda að verði
þessi kostnaður kröfuhafa við að
fá greitt látinn falla lögum sam-
kvæmt á kröfuhafann sjálfan,
mun sá viðskiptakostnaður koma
m.a. fram í hærra verði á þjónust-
unni eða þeirri vöru sem seld er.
Skýrsla starfshóps um heimild-
ir fjármálafyrirtækja til gjaldtöku
er vel unninn og þar er tekið á
mörgum áhugaverðum atriðum.
Eðlilegt er að umræða um þessi
mál sé virk og almenningur og
fyrirtæki meðvituð um mikilvægi
þess að viðskiptahættir séu sann-
gjarnir og öllum til hagsbóta. En
engin þörf er á að lögfesta ákvæði,
þar af sum íþyngjandi ákvæði, um
yfirdráttarkostnað og uppgreiðslu-
gjald sem takmarka samnings-
frelsi og valda óhagræði í við-
skiptum þeirra sem hlut eiga að
máli. Takmörkun á samningsfrelsi
er til þess fallin að auka viðskipta-
kostnað, flækja kerfið og draga úr
skilvirkni sem á endanum bitnar á
neytendum sjálfum.
Betur færi á því að viðskipta-
ráðherra einbeitti sér að því að
stuðla að afnámi raunverulegra
viðskiptahindrana, svo sem afnámi
stimpilgjalda, tolla og annarra
úreltra og óþarfa gjalda sem hið
opinbera innheimtir, í stað þess að
reyna að setja fleiri hindranir á
þar sem þeirra er alls ekki þörf.
Höfundur er varaformaður
Sambands ungra sjálfstæðis-
manna.
TEITUR BJÖRN
EINARSSON
Óþarfar aðgerðir ráðherra
SEND IÐ OKK UR LÍNU
Við hvetj um les end ur til að senda okk ur línu og leggja orð í belg um mál efni líð andi stund ar.
Grein ar og bréf skulu vera stutt og gagn orð. Ein göngu er tek ið á móti efni sem sent er frá
Skoð ana síð unni á vis ir.is. Þar eru nán ari leið bein ing ar. Rit stjórn ákveð ur hvort efni birt ist í
Frétta blað inu eða Vísi eða í báð um miðl un um að hluta eða í heild. Áskil inn er rétt ur til leið-
rétt inga og til að stytta efni.
UMRÆÐAN
Meistaranám
Háskóli Íslands
býður upp á fjöl-
breytt nám á
öllum háskóla-
stigum og skipta
námsleiðir innan
skólans hundruðum. Ein af þeim 10
námsleiðum sem í boði eru í meist-
aranámi við viðskipta- og hagfræði-
deild HÍ er M.Acc. nám, meistara-
nám í reikningsskilum og
endurskoðun. Meistaranáminu
lýkur með prófgráðunni Master of
Accounting. Meðal helstu nám-
skeiða í M.Acc námi eru m.a.: reikn-
ingsskil skv. alþjóðlegu reiknings-
skilastöðlunum (IFRS),
endurskoðun skv. alþjóðlegum end-
urskoðunarstöðlum (ISA), fyrir-
tækja- og alþjóðlegur skattaréttur
og stjórnsýsluendurskoðun. Einnig
eru sértæk viðfangsefni kennd, t.d.
samstæðureikningsskil, fjármála-
og eiginfjárgerningar, virðismat-
stækni rekstrar og hlutabréfa sem
og virðisrýrnunarpróf.
Fyrir hverja?
Meistaranámið hentar mjög vel
þeim einstaklingum sem hafa hug á
því að vinna við gerð reikningsskila
og endurskoðun. Þeir sem stefna að
löggildingu til endurskoðunar
verða að hafa lokið háskólanámi á
þessu sviði. Fjármál, reikningshald
og reikningsskil stærri fyrirtækja
krefjast nú þegar í dag mikillar
sérþekkingar og ekki síst vegna
aukinna umsvifa fjármála- og hluta-
bréfamarkaðar og innleiðingar
Alþjóðlegu reikningsskilastaðlanna
á Íslandi. Meistaranámið veitir
mjög góða innsýn í alþjóðlegu
reikningsskila- og endurskoðunar-
staðlana.
Hverjar eru forkröfur?
Forkröfur í námið eru BS-próf í
viðskiptafræði með tiltekinni
áherslu á reikningshald, skattskil,
lögfræði og fjármál. Þeir sem hafa
BS-próf í viðskiptafræði án slíkrar
sérhæfingar eða annað háskólapróf
verða að sækja undirbúningsnám-
skeið á BS-stigi til að uppfylla þess-
ar forkröfur. Meistaranámið, ásamt
tilskilinni starfsreynslu, veitir rétt
til þess að þreyta próf til löggild-
ingar sem endurskoðandi.
Breytt fyrirkomulag
Háskóli Íslands hefur á stefnuskrá
sinni að bjóða fjölbreyttar og
sveigjanlegar námsleiðir til að
mæta þörfum nútímans fyrir fjöl-
þætta og haldgóða menntun. Í því
skyni hefur kennslufyrirkomulagi í
meistaranáminu í reikningsskilum
og endurskoðun verið breytt. Breyt-
ingin mun gilda frá og með haust-
inu 2009. Kennt verður tvisvar í
viku, mánudaga og fimmtudaga, kl.
16-20. Tvö námskeið verða kennd
samhliða og próf tekin að þeim
loknum, í áttundu viku náms. Hvert
lesár verða fjórar slíkar einingar,
alls 8 námskeið á lesári. Námið
tekur tvö ár. Skráning í meistara-
námið fer fram til og með 15. apríl
á heimasíðu Viðskiptafræðideildar
á www.vidskipti.hi.is.
Höfundur er markaðsstjóri
viðskipta- og hagfræðideildar HÍ
og stundakennari við HÍ.
Góður valkostur
SIF SIGFÚSDÓTTIR
Bílaland B&L, Grjóthálsi 1 - 110 Reykjavík - 575 1230 - luxusbilar@bilaland.is.
Komdu núna í Bílaland B&L og kynntu þér kostina
Opið virka daga frá kl. 10 til 18 og á laugardögum frá kl. 12 til 16.
L.R. RANGE ROVER
Supercharged
Nýskr: 01/2006, 4200cc, 400 hestöfl,
5 dyra, sjálfskiptur, svartur, ekinn 27.000.
Verð: 11.200.000
BMW M5
Nýskr: 8/2005, 5000cc, 507 hestöfl,
4 dyra, sjálfskiptur, ljósgrár, ekinn 7.700
Verð: 9.780.000
BMW 335I Coupe
Nýskr: 06/2007, 3000cc, 2 dyra,
Sjálfskiptur, Svartur, Ekinn 10.000.
Verð: 6.850.000
L.R RANGE ROVER V8 diesel
Nýskr: 12/2006, 3600cc, 5 dyra, sjálfskiptur,
grár, ekinn 25.000.
Verð: 11.100.000
Glæsilegt úrval lúxusbílaLÚXUS
ALLIR INNFLUTTIR
OG ÞJÓNUSTAÐIR
AF UMBOÐI
575 1230