Fréttablaðið - 27.02.2008, Blaðsíða 46

26 27. febrúar 2008 MIÐVIKUDAGUR
folk@frettabladid.is
Leikarinn Matt Damon hefur
samþykkt að leika í fjórðu
hasarmyndinni um Jason Bourne.
Peter Greengrass, sem leikstýrði
annarri og þriðju myndinni,
verður einnig við stjórnvölinn í
þeirri nýjustu.
Talið var að þriðja myndin um
Bourne yrði sú síðasta vegna þess
að rithöfundurinn Robert Ludlum
skrifaði aðeins þrjár skáldsögur
um persónuna Bourne. Tvær
bækur til viðbótar voru skrifaðar
um Bourne af Eric Van Lustbader
en þær nutu ekki eins mikilla
vinsælda og bækur Ludlum.
Einnig hafði Damon gefið í skyn
að myndirnar yrðu aðeins þrjár.
Bourne í
fjórða sinn
JASON BOURNE Matt Damon mun leika
Jason Bourne í fjórða sinn.
Fyrsta smáskífa rokksveitarinnar
Mínuss af plötunni The Great
Northern Whalekill, Throwaway
Angel, er komin út víðs vegar um
Evrópu. Á b-hlið smáskífunnar er
önnur útgáfa Mínuss af laginu í
órafmagnaðri útgáfu.
Smáskífan kemur einnig út á 7
tommu vinyl og verður fáanleg á
Íslandi von bráðar. The Great
Northern Whalekill kemur út í
Evrópu mánudaginn 3. mars en
hún kom út hérlendis í fyrra. Til
að fylgja plötunni eftir ætlar
Mínus í tónleikaferð um Bretland
dagana 20. til 28. mars. Einnig eru
fyrirhugaðir tónleikar á Organ 4.
apríl.
Ný smáskífa
komin út
MÍNUS Fyrsta smáskífan af plötunni The
Great Northern Whalekill er komin út.
Breski plötusnúðurinn D.
Ramirez þeytir skífum á þriggja
ára afmæli Flex Music 19. mars
næstkomandi á Nasa. Ramirez,
sem er á mála hjá útgáfufyrir-
tækinu Ministry of Sound, var
valinn besti danstónlistarmaður
Bretlands árið 2007 af tímaritinu
DJ Magazine. Hann hlaut einnig
hin virtu Iveor Novelle-verðlaun
fyrir endurhljóðblöndun sína á
laginu Yeah Yeah með Bodyrox.
Forsala á tónleikana fer fram á
midi.is og í versluninni Mohawks.
Ramirez mætir
Rokksveitin Deep Jimi and the
Zep Creams heldur upp á fimmt-
án ára útgáfuafmæli sinnar fyrstu
plötu, Funky Dinasour, í Banda-
ríkjunum með tónleikum á Organ
í kvöld.
„Við erum búnir að slást við að
koma þessu saman í langan tíma,“
segir Sigurður Eyberg Jóhannes-
son, meðlimur Deep Jimi. Gítar-
leikari sveitarinnar er nýfluttur
heim eftir að hafa búið í Dan-
mörku og ætlar hún því að spila
meira á næstunni. „Það er eins og
maður sé að skoða annan mann
þegar maður fer að skoða sjálfan
sig frá þessum tíma,“ segir
Sigurður er hann minnist Funky
Dinasour. „Þessi lög eru eins og
hálfgerðar dagbækur.“
Dagskráin hefst með leik
sænsku blússveitarinnar Emil &
the Ecstatics. Að leik þeirra lokn-
um stígur Deep Jimi á stokk og
flytur Funky Dinosaur frá upp-
hafi til enda. Í kjölfarið fylgja svo
lög af tveimur seinni plötum
bandsins; Seybe Sunsicks
Rock’n’Roll Circus og Deep Jimi
and the Zep Creams ásamt glæ-
nýju efni sem Deep Jimi vinnur
að um þessar mundir. Tónleikarn-
ir hefjast kl. 21.00 og er miðaverð
1.000 kr.
Fagna 15 ára afmæli
DEEP JIMI AND THE ZEP CREAMS Rokk-
ararnir fagna fimmtán ára útgáfuafmæli
Funky Dinasour með tónleikum á Organ.
Paris Hilton er komin með nýjan
mann upp á arminn. Hann er
enginn annar en Good Charlotte-
rokkarinn Benji Madden, bróðir
Joels nokkurs Madden sem
nýverið eignaðist barn með
Nicole Richie, sem er einmitt
besta vinkona Parisar Hilton.
Paris og Benji sáust fyrst saman
í Los Angeles í síðustu viku, þar
sem þau gengu hönd í hönd eftir
götum Vestur-Hollywood í versl-
unarleiðangri. Til Parisar hefur
þar að auki sést með hring frá
Tiffany og Co. á baugfingri, sem
hefur að sjálfsögðu komið af
stað sögusögnum um mögulega
trúlofun, þó að ekki sé langt um
liðið frá því að þau fóru að stinga
nefjum saman.
Vinur Benji segir við slúður-
síðuna pagesix.com að Benji sé
virkilega hamingjusamur. „Hann
er þegar farinn að segja vinum
sínum að hún sé hin eina rétta.
Hann segir að hann sjái það
virkilega fyrir sér að þau muni
enda saman,“ segir heimildar-
maðurinn.
Af Paris er það annars að
frétta að hún er með nýjan veru-
leikaþátt í smíðum. Þar verður
fylgst með leit hennar að „nýjum
besta vini“ og er búist við því að
hann verði tekinn til sýninga á
MTV eða VH1. Ef hamingjan
með Benji er svo mikil sem slúð-
urblöðin vilja láta er þó ólíklegt
að Paris vilji skila Nicole sem
bestu vinkonu sinni í bráð.
Paris og Benji nýjasta parið
Nýja tónlistar- og ráðstefnuhúsið
rís nú á hafnarbakkanum í
Reykjavík. Áætluð opnun er í
desember á næsta ári og Bubbi
Morthens hefur þegar tekið stóra
sal hússins frá á Þorláksmessu-
kvöld næstu árin. En það bráð-
vantar nafn á húsið, „Tónlistar- og
ráðstefnuhúsið í Reykjavík“ er
ekki alveg að gera sig. Því hefur
eignarhaldsfélagið Portus blásið
til hugmyndasamkeppni um nafn.
Það þarf að falla vel að íslenskri
tungu, vera þjált á erlendum
tungumálum, vera lýsandi fyrir
starfsemi hússins þ.e. tónlist og
ráðstefnuhald og undirstrika þá
stefnu að húsið verði hús fólksins
í landinu. Verðlaun eru vegleg
fyrir sigurtillöguna (hversu
vegleg fæst ekki uppgefið) og
öllum sem senda inn tillögur
verður sýndur viðeigandi
þakklætisvottur (hversu viðeig-
andi fæst ekki uppgefið).
Þegar starfsmenn Portus
mættu í vinnuna á mánudags-
morguninn voru komnar 450
tillögur og margar mjög góðar að
sögn Portus-manna. Eftir nokkrar
vikur verða verðlaunin í sam-
keppninni veitt og fljótlega eftir
það verður tilkynnt um nafnið á
húsinu eftir að endanleg ákvörð-
un hefur verið tekin. Þá verður
einnig búið að hanna vörumerkið
og hönnunarlínu sem verður
kynnt um leið. Skilafrestur í
samkeppninni er til laugardags-
ins 1. mars og nú er bara að
leggja hausinn í bleyti... ööö,
Tónabær, Faxaskáli, Dynheimar?
Pabbi Bjarkar lagði fram
hugmynd á blogginu sínu. Hann
vill að húsið heiti Björk. - glh
Hvað á húsið
að heita?
NÝJA TÓNLISTAR- OG RÁÐSTEFNUHÚSIÐ
Betur þekkt sem..?
Á meðan við völdum að senda Friðrik og Regínu til
Belgrad voru sjö aðrar þjóðir að ákveða sig. Mesta
ágreiningnum olli írska sigurlagið, Irlande douze
pointe, sem flutt er af Dustin the Turkey, eða Dustin
kalkúna, sem er leikarinn Johnny Morrison með
kalkúnagrímu syngjandi með þykkum Dublinar-
hreim. Dustin hefur verið lengi að og er vinsæll
skemmtikraftur úr sjónvarpi. Hann hefur líka gert
sex plötur og meðal annars tekið dúetta með Bob Geldof og Chris de
Burgh. Þótt kalkúninn hafi sigrað með símakosningu eru gríðarlega
skiptar skoðanir um ágæti hans. Írska þjóðin skiptist í tvær
andstæðar fylkingar, þá sem segja að kalkúninn sé „síðasta tæki-
færi Íra til að gera eitthvað í Eurovision“, og þá sem segja lagið
„skammarlegt grín sem mun rústa áliti annarra Evrópuþjóða á
Írum“.
Söngkonan Dana, sem sigraði í Eurovision árið 1971 með laginu
All Kinds of Everything, sem mörgum finnst enn besta Eurovision-
lag allra tíma, er í seinni hópnum. „Ef við ætlum að umgangast
Eurovision sem eitthvert grín ættum við að hætta að taka þátt í
keppninni,“ sagði hún í viðtali. „Annars erum við að vanvirða þær
þjóðir sem keppa í einlægni og vilja sigra.“ Írski kalkúninn stígur á
svið á fyrra undankvöldinu, en Ísland tekur þátt á seinna kvöldinu.
Dana reið kalkúnanum
87 DAGAR TIL STEFNU
SÚ EINA RÉTTA Benji Madden hefur
sagt vinum sínum að hann vilji
gjarnan eyða ævinni með Paris.
N
O
R
D
IC
PH
O
TO
S/G
ETTY
MEÐ HRING Á FINGRI
Til Parisar hefur sést
með hring á baugfingri,
sem hefur komið af stað
sögusögnum um mögu-
lega trúlofun.
> HRIFIN AF SCARLETT
Þeim Natalie Portman og Scarl-
ett Johansson virðist semja
alveg virkilega vel. „Í alvöru,
ég væri virkilega til í að
grípa í brjóstin á Scarlett.
Þau er mjög falleg,“ sagði
Portman á dögunum,
en leikkonurnar leiða
saman hesta sína
í kvikmyndinni The
Other Boylen Girl.
John Cleese er ekki við eina
fjölina felldur þegar kemur
að auglýsingagerð. Hann
hefur sem kunnugt er aug-
lýst grimmt fyrir Kaupþing
banka síðastliðin tvö ár, en
nú er enski gamanleikarinn
líka farinn að auglýsa fyrir
pólska bankann BZ WBK.
Í pólsku auglýsingunni sést John
mæra lánakjör pólska bankans, en
útlánsvextir eru þar með lægsta
móti. Þegar John er sagt að hann
verði að vera Pólverji til að njóta
góðra kjara bankans fer hann að
telja upp ýmislegt sem gæti komið
að gagni, til dæmis að frænka sín
hafi verið pólsk og að hann kunni
pólsku. Það þykist hann sanna með
því að segja „guten morgen“.
Nokkur samhljómur er með
pólsku auglýsingunni og þeirri
fyrstu frá Kaupþingi sem sást
fyrst um jólin 2006. Hafsteinn S.
Hafsteinsson hjá auglýsingastof-
unni Ennemm sem gerði íslensku
auglýsingarnar segir auglýsing-
arnar alls ekki sláandi líkar, þótt
sjá megi væg líkindi. „John Cleese
hefur leikið í auglýsingum
áratugum saman enda er hann
æva gamall,“ segir hann. „Við
skoðuðum fullt af auglýsingum
með honum áður en við gerðum
auglýsinguna fyrir Kaupþing og
hann benti okkur sjálfur á þýska
auglýsingu. Þar var hann voða-
lega ánægður með þýska fram-
burðinn sinn en þegar hann sá
auglýsinguna var búið að döbba
hann. Þjóðverjar hafa aldrei heyrt
John Cleese tala, bara þann sem
döbbar hann.“
Hafsteinn segir Kaupþing ekki
hafa einkaleyfi til að nota John
Cleese í auglýsingum nema á
Íslandi og því sé pólska auglýsing-
in ekki brot á neinum samningum.
„Það er ómögulegt að segja til um
það hvort John Cleese verði notað-
ur enn eitt árið í auglýsingar fyrir
Kaupþing,“ segir Hafsteinn, „við
gerum ekki samning við hann nema
í eitt ár í einu.“ gunnarh@frettabladid.is
Auglýsir pólskan banka
JOHN CLEESE Mærir launakjör pólska bankans BZ WBK í nýrri auglýsingu.
RANDVER HVERGI NÆRRI John Cleese
sést hér í pólskri bankaauglýsingu.