Fréttablaðið - 28.02.2008, Side 48

28. FEBRÚAR 2008 FIMMTUDAGUR12 ● fréttablaðið ● vinnuvélar
Dráttarvélar koma að góðum
notum við hin ýmsu störf. Nauð-
syn þeirra í landbúnaði er fyrir
löngu staðfest enda er dráttar-
vélin líklega besti vinur bónd-
ans. Traktora er hins vegar hægt
að nota í ýmis önnur störf fyrir
utan sveitina. Lögreglan í Rúss-
landi notaði til að mynda eina
slíka vél til að eyðileggja ólög-
lega geisla- og DVD-diska sem
voru gerðir upptækir í fjölmörg-
um verslunum og mörkuðum. Til
að gera eyðinguna táknræna voru
diskarnir lagðir í röð á götuna og
dráttarvélin ók skipulega yfir þá.
- sg
Til margra hluta nytsamlegar
Traktorar nýtast í marga hluti.
● DORMAÐ Á DRÁTTARVÉL Mexíkóskur bóndi leggur sig
á dráttarvélinni sinni á Revolution-torgi í Mexíkóborg. Tugir trakt-
ora og annarra vinnuvéla voru fluttir á torgið til að taka þátt í mót-
mælagöngu gegn NAFTA (fríverslunarsamningur við Norður-Ameríku)
vegna deilna um innflutning á maís frá Bandaríkjunum.
Björgunarsveitir landsins hafa
til umráða rúmlega hundrað
vélsleða sem hafa í gegnum
árin bjargað fjölda mannslífa.
„Sleðarnir eru mest notaðir til fjalla
að vetri til. Þessi tæki fara hratt
yfir, oft við erfiðar aðstæður. Þess
vegna henta þeir vel við leit að fólki
sem hefur týnst, ýmist fótgangandi,
á jeppa eða á vélsleða á veturna,“
segir Kristinn Ólafsson, fram-
kvæmdastjóri Slysavarnafélagsins
Landsbjargar. Hann hefur starfað
í björgunarsveit í tæp þrjátíu ár og
síðastliðin þrjú ár hefur hann einnig
verið í sleðahóp Hjálparsveit skáta
í Reykjavík. „Björgunarsveitirnar
hafa notað sleðana í útköll síðast-
liðin þrjátíu ár. Með bættum tækj-
um og betur þjálfuðum mannskap
er síðan notkun þeirra alltaf að auk-
ast,“ útskýrir Kristinn sem segir að
björgunarsveitir á Íslandi hafi til
umráða 120-130 sleða og Hjálpar-
sveit skáta í Reykjavík átta sleða,
bæði Polaris og Skidoo.
Sleðinn sem Kristinn kynnti fyrir
blaðamanni er þriggja ára Polaris-
sleði af gerðinni Switchback, 600
kúbikk með 144 sentimetra belti.
Fyrir hvert útkall er sleðinn útbú-
inn með ýmsum búnaði sem Krist-
inn segir nauðsynlegan við björg-
unarstörf. „Mikilvægasta tæki
fyrir vélsleðamenn sem ferðast
í miklu fjalllendi og snjó er snjó-
flóðaýlir til að tryggja eigið öryggi.
Síðan erum við með góðan skjól-
fatnað, erum í svokallaðri brynju
sem ver bæði hrygg og líffæri ef
við föllum af sleðanum. Nánast eins
og riddarar hér á árum áður,“ segir
Kristinn brosandi og heldur áfram:
„Síðan erum við náttúrulega með
hjálm sem ver mann fyrir höfuð-
höggi og GPS-staðsetningartæki til
að geta ratað um og áttavita ef það
bilar. Einnig fjarskiptatæki til að
vera í sambandi hver við annan á
sleðanum og aðra í kringum okkur.
Auk þess er alltaf meðferðis kort
og sjúkrabúnaður, skófla og snjó-
flóðastöng, handljós, björgunarlín-
ur og neyðarflugeldar, aukafatn-
aður ef við lendum í mikilli bleytu
og matur. Síðan eru við með auka-
sjúkrabúnað á borð við spelkur og
þess háttar.“
Sleðasveitin sér sjálf um viðhald
á sleðunum og til þess hittist sveitin
einu sinni í viku. „Sleðarnir eru allir
nýlegir og þurfa þannig séð ekki
mikið viðhald. Hins vegar er farið
yfir alla sleðana eftir hverja ferð og
búnaður yfirfarinn til að tryggja að
allt sé í góðu standi. Síðan erum við
duglegir við að smyrja alla koppa
og hugsum vel um þá. Auk þess
erum við með kerrur sem við drög-
um sleðana á en þeir þurfa töluvert
viðhald,“ segir Kristinn.
Fyrir þá sem hafa áhuga á að
starfa með vélsleðahóp björgunar-
sveita þarf að fara í gegnum ákveð-
ið ferli að sögn Kristins. „Björg-
unarsveitirnar taka inn nýliða á
haustin. Til þess að gerast fullgild-
ur björgunarsveitarmaður þarf að
starfa með sveitinni í tvö ár og því
næst er hægt að ganga til liðs við
ýmsa hópa á borð við vélsleðahóp-
inn. Auk þess sem þarf venjulegt
bílpróf til að keyra vélsleða,“ segir
Kristinn sem fer mikið á fjöll með
félögum sínum. „Ég er svo heppinn
að allir félagar mínir eru í þessum
sleðahóp. Við ferðumst mikið saman
og förum mikið til að kynna okkur
landsvæði til að öðlast góða reynslu
til björgunarstarfa. Fyrst og fremst
ánægjunnar vegna en síðan er gott
að geta látið gott af sér leiða sam-
tímis,“ segir Kristinn. -rh
Vel útbúnir riddarar hálendisins
Kristinn Ólafsson með snjóflóða-ýlinn sem er eitt helsta öryggistæki vélsleðamanna á
fjöllum. FRÉTTABLAÐIÐ/PJETUR
Kristinn í fullum
skrúða á fjöllum
ásamt nokkrum
félögum.