Fréttablaðið - 14.03.2008, Page 70

14. mars 2008 FÖSTUDAGUR
Tónleikasalur Listaháskóla Íslands
hýsir í kvöld kl. 18 útskriftartón-
leika Andrésar Ramón, en hann er
að útskrifast úr tónsmíðadeild
Listaháskólans eftir þriggja ára
BA-nám. Flutt verður verkið A
Sadhak’s Tale sem útleggst á
íslensku Saga leitandans.
A Sadhak’s Tale er hljómsveitar-
svíta í þrettán köflum fyrir
þrettán hljóðfæri og söngkonu.
Verkið er í anda prógram-
tónlistar og endurspeglar áhuga
Andrésar á jógafræðum og
andlegum bókmenntum og
heimspeki Indlands.
Verkið byggir á frumsaminni
sögu sem sækir efnivið í ljóð og
skrif indverskra hugsuða og
rithöfunda frá síðustu 150 árum,
einkum í verk Rabindranath
Tagore, Sri Aurobindo og Sri
Chinmoy.
Í verkinu er notast við hefð-
bundin hljóðfæri á borð við píanó,
blásara- og strengjahljóðfæri, en
jafnframt við nýstárleg og
framandi hljóðfæri úr mismun-
andi menningarheimum, sem
Hljóðheimurinn Sangitamiya
lætur í té.
Sangitamiya er verslun á horni
Klapparstígs og Grettisgötu sem
hefur byggt upp mikið úrval
hljóðfæra hvaðanæva að úr
heiminum.
Verkið tekur um fimmtíu
mínútur í flutningi. Aðgangur er
ókeypis og öllum heimill meðan
húsrúm leyfir.
Saga leitand-
ans frumflutt
Sýningin Ljósmyndin ímyndin portrettið
verður opnuð í dag kl. 18 í Listasafni
Reykjanesbæjar. Á sýningunni mætast verk
Sigríðar Melrósar Ólafsdóttur og Karls
Jóhanns Jónssonar. Listamennirnir eiga það
sameiginlegt að vinna með portrettmyndir,
en á ólíkan hátt.
Sýningarstjórinn Inga Þórey Jóhannesdóttir segir
spennandi að sjá útkomu stefnumóts þessara
listamanna. „Þau eru vissulega afar ólíkir listamenn
og því er þetta dálítið blint stefnumót. Sigríður hefur
mikið unnið með að fjölfalda portrettmyndir af sömu
manneskjunni, á svipaðan hátt og popplistamennirn-
ir gerðu, og verður útkoman oft fremur óhlutbundin.
Karl tekur aðra nálgun og raunsærri í sínum
málverkum, en þó er viss fjarlægð í þeim. Hann
sagði sjálfur um daginn að myndirnar hans væru
portrettmyndir af aðstæðum, sem mér þótti lýsa
þeim vel.“
Verk Sigríðar á sýningunni eru grafíkverk og
málverk af sömu manneskjunni; nektardansaranum
Lísu. Áður hefur Sigríður gert fjölskyldumyndir,
málað kaupmanninn á horninu og alla hans fjöl-
skyldu og málað hópmynd af bifvélavirkjunum sem
á undanförnum árum hafa séð um viðgerðir á
bílnum hennar. Karl Jóhann sýnir aftur á móti
málverk þar sem hann hefur tekið fyrir tvær eða
fleiri manneskjur á sama striga. Hvert verk sýnir
einhvern atburð eða stemningu sem Karl spinnur
upp og sviðsetur, sem virkar þannig að áhorfandinn
gæti gleymt sér í að einblína á það sem ekki er sýnt.
Það er sannarlega ekki á hverjum degi sem
myndlistarunnendum gefst færi á að líta portrettlist
eftir núlifandi myndlistarmenn. Inga Þórey segir
listsköpun þeirra Sigríðar og Karls enda fremur
óvenjulega í listheimi nútímans. „Það eru ekki
margir myndlistarmenn sem eru svona á kafi í
portrettmyndalist. Við erum líklega orðin vön því að
sjá myndir af fólki í öðrum miðlum en myndlist, til
dæmis á ljósmyndum. Portrettlistamenn hafa enda
tekið ljósmyndatæknina í sína þjónustu og nota hana
mikið sem verkfæri; til að mynda vinna þau Sigríður
og Karl sín verk töluvert út frá ljósmyndum.“
Sýningin Ljósmyndin ímyndin portrettið stendur
til 4. maí. vigdis@frettabladid.is
Blint stefnumót ímynda
LJÓSMYND OG ÍMYND Sigríður Melrós Ólafsdóttir og Karl
Jóhann Jónsson setja upp sýningu sína í Listasafni Reykjanes-
bæjar.
LAUGADAGUR 8. MARS KL. 13
MEISTARI MOZART.
STRENGJA-OG PÍANÓKVINTETT
TÓNLEIKAR KENNARA TÓNÓ KÓP.
LAUGADAGUR 8. MARS KL. 20
TÍBRÁ: SÖNGBÓK JAZZINS.
TÓNLIST COLES PORTERS.
KRISTJANA STEFÁNS & FÉLAGAR
SUNNUDAGUR 9. MARS KL. 16
SÖNGLÖG JÓRUNNAR VIÐAR.
HELGA RÓS OG GUÐRÚN DALÍA
ÞRIÐJUDAGUR 11. MARS KL. 20
TÍBRÁ: SÖNGTÓNLEIKAR.
LUBOV STUCHEVSKAYA,
TÓMAS TÓMASSON
OG KURT KOPETSKY
MIÐVIKUDAGUR 12. MARS KL. 20
TÍBRÁ: PÍANÓTÓNLEIKAR
SIMON SMITH - ÖLL PÍANÓVERK
HAFLIÐA HALLGRÍMSSONAR
EINSTAKT TÆKIFÆRI !
Þjóðleikhúsið
Á öllum sviðum lífsins
Afgreiðsla miðasölu á Hverfisgötu er opin frá kl. 12.30–18.00
mán. og þri. Aðra daga frá kl. 12.30–20.00.
Símapantanir frá kl. 10.00 virka daga.
Miðasala í síma 551 1200 og á www.leikhusid.is
Ívanov
e. Anton Tsjekhov
sýn. sun 16/3 örfá sæti laus
Baðstofan
e. Hugleik Dagsson
sýn. fös. 14/3, lau 15/3
Vígaguðinn
e. Yasminu Reza
sýn. lau. 15/3 örfá sæti laus
Sólarferð
e. Guðmund Steinsson
sýn. fös. 14/3 uppselt, lau 15/3 örfá sæti laus
„Í Baðstofunni leiða sex
atvinnuleikarar og þrír
tónlistarmenn okkur í gegnum
róttæka endurskoðun á daglegu
lífi á öldum áður … Þetta er
sagan sem sögubækur segja
okkur ekki...“ MR, MBL, 12/2
„Eitursnjallt leikrit”.
Gerður Kristný,
Mannamál/Stöð 2
Sýning sem fær
þig til að hugsa -
og hlæja!
Allra síðasta sýning 16. mars
Allra síðasta
sýning!
föstudaginn
14. mars.
SÍÐ
US
TU
SÝ
NIN
GA
R
Sýningarnar eru opnar virka daga frá 11-17 og um helgar frá 13-16.
Sími 575 7700 • gerduberg@reykjavik.is
Stefnumót við safnara III
Hljómfagurt stefnumót við
tónlistarmenn og hljóðfærasafnara!
Sýningarstjórn: Anik Todd og Una Stígsdóttir
Sjö landa sýn
María Loftsdóttir, alþýðulistakona, sýnir vatnslita-
stemmningar frá Argentínu, Bólivíu, Brasilíu,
Íslandi, Japan, Perú og Skotlandi.
Listakonan tekur á móti gestum um helgina
Hið breiða holt
Ljósmyndasýning þar sem unglingar
eiga stefnumót við afa sína eða ömmur!
Sýningarstjóri: Berglind Jóna Hlynsdóttir.
Styrktaraðili: Beco
Vissir þú...
...að í Gerðubergi er frábær aðstaða fyrir
ráðstefnur, námskeið, fundi og veislur?
Salir og fundarherbergi fyrir 8 - 120 manns.
Sjá nánari upplýsingar: www.gerduberg.is, s. 575 7700.
GERÐUBERG
www.gerduberg.is