Fréttablaðið - 14.03.2008, Side 81

FÖSTUDAGUR 14. mars 2008 45
A-LANDSLIÐ KARLA
Markverðir:
Birkir Ívar Guðmundsson Lubbecke
Hreiðar Guðmundsson Sävehof
Björgvin Páll Gústavsson Fram
Aðrir leikmenn:
Alexander Petersson Flensburg
Andri Stefan Haukar
Arnór Atlason FCK
Ásgeir Örn Hallgrímsson GOG
Bjarni Fritzson St. Raphael
Einar Hólmgeirsson Flensburg
Guðjón Valur Sigurðsson Gummersb.
Hannes Jón Jónsson Fredericia
Logi Geirsson Lemgo
Ólafur Stefánsson Ciudad Real
Róbert Gunnarsson Gummersbach
Sigfús Sigurðsson Ademar Leon
Sigurbergur Sveinsson Haukar
Snorri Steinn Guðjónsson GOG
Sturla Ásgeirsson Aarhus
Sverre Jakobsson Gummersbach
Vignir Svavarsson Skjern
HANDBOLTI HSÍ hélt blaðamanna-
fund í gær þar sem verkefni yngri
landsliða og kvennalandsliðsins
um páskana voru kynnt. Við sama
tækifæri var fyrsti landsliðshóp-
ur Guðmundur Guðmundssonar
landsliðsþjálfara kynntur en til
stóð að leika við Norðmenn um
páskana.
Af þeim leikjum verður ekki því
Guðmundur vill frekar æfa stíft
um páskana en spila leiki. Að sögn
HSÍ vildu Norðmenn koma
snemma í næstu viku í stað þess
að koma nær páskum og það hugn-
aðist landsliðsþjálfaranum ekki.
Hann vildi ekki æfa tvisvar, spila
svo og halda áfram að æfa. Hann
vildi frekar nýta tímann til þess að
æfa þær breytingar sem hann
ætlar að innleiða hjá liðinu.
Norðmenn urðu fokillir út í HSÍ
í byrjun ársins þegar sambandið
sendi B-lið til leiks á Posten Cup.
Gunnar Pettersen, landsliðsþjálf-
ari Norðmanna, sparaði ekki stóru
orðin í garð HSÍ. Orðrómur hafði
verið um að Norðmenn ætluðu að
svara fyrir sig með því að senda
B-lið, eða lélegra lið, til leiks en
formaður HSÍ segir ekkert slíkt
hafa verið upp á teningnum.
„Þeir höfðu ekki nefnt neitt
slíkt,“ sagði Guðmundur Ingvars-
son, formaður HSÍ, en hann gat
ekki staðfest hvaða daga Norð-
menn hefðu viljað koma til lands-
ins. Hann gat einungis sagt að það
hefði verið í upphafi næstu viku.
Hann sagði enn fremur að Norð-
menn hefðu tekið því ágætlega að
Ísland hefði afþakkað leikina.
Nýi landsliðsþjálfarinn ætlar að
prófa ýmsa nýja hluti á æfingun-
um um páskana og þar á meðal
nýjan varnarleik.
„Ég hef áhuga á að prófa 3/2/1
vörn en það er ekki þar með sagt
að ég ætli að nota hana. Með því að
spila þá vörn komumst við betur
út í skytturnar til að mynda,“ sagði
Guðmundur en 6/0 vörnin, sem er
oftast notuð, virkaði ekki vel í
Noregi og svo er það staðreynd að
markverðir Íslands ráða ákaflega
illa við langskot.
„Við munum einnig gera breyt-
ingar á hraðaupphlaupum sem og
áherslum í sókninni. Það er mjög
eðlilegt að nýjum manni fylgi
nýjar áherslur. Að stærstu leyti
munum við samt spila svipaðan
leik og liðið hefur verið að spila.
Við Alfreð höfum svipaðar hug-
myndir um handbolta og svo er
enn margt í gangi frá þeim tíma
þegar ég þjálfaði liðið síðast,“
sagði Guðmundur. - hbg
Guðmundur vill frekar æfa en spila handbolta:
Engir landsleikir hjá
strákunum um páskana
HRESSIR Það fór vel á með nýja landsliðsþjálfarateyminu – Guðmundi Guðmunds-
syni og Óskari Bjarna Óskarssyni – á blaðamannafundinum í gær. FRÉTTABLAÐIÐ/VILHELM
25.000kr.
bensínkort
Síðustu sleðarnir á
páskatilboði
Mótormax Reykjavík - Kletthálsi 13 - Sími 563-4400
Mótormax Egilsstöðum - Sími 470-5080 / 470-5070
Mótormax Akureyri - Sími 460-6060
www.motormax.is
75.000kr.
fatnaður og
aukahlutir
Páskatilboð Mótormax á síðustu 2008 vélsleðunum
er ávísun upp á 75.000 kr. í fatnaði og fylgihlutum og
frítt bensín fyrir 25.000 kr.
Láttu drauminn rætast núna, fáðu þér t.d. þennan
magnaða Ski-doo Summit 146 og við hjá Mótormax
gefum þér kaupauka upp á 100.000 kr.
Gúmmívinnslan á Akureyri tók nýverið yfir allan
rekstur Alorku í Reykjavík, sem er ört vaxandi fyrir-
tæki sem hefur sérhæft sig í sölu á hjólbörðum og
flutningatækjum. Í kjölfarið var ákveðið að sameina
alla hjólbarðasölu og hjólbarðaþjónustu félagsins
undir nafni og vörumerki Alorku.
Með þessum breytingum verður til eitt öflugasta
félag landsins á sviði hjólbarðaþjónustu. Alorka er
með starfsstöðvar á Akureyri og í Reykjavík og
býður breiða vörulínu af hjólbörðum fyrir flestar
gerðir farartækja. Hjólbarðaverkstæði Alorku að Rétt-
arhvammi 1 á Akureyri og Tangarhöfða 15 í Reykja-
vík hafa á að skipa traustum fagmönnum með mikla
reynslu.
Gúmmívinnslan verður áfram í fullum rekstri en mun
fyrst og fremst sjá um framleiðslu á sóluðum hjól-
börðum og ýmsum vörum úr endurunnu gúmmíi.
Þessar breytingar gera okkur kleift að veita enn betri
þjónustu og meira vöruúrval á samkeppnishæfu
verði. Þannig viljum við styrkja tengsl okkar við
núverandi viðskiptavini ásamt því sem við bjóðum
nýja viðskiptavini velkomna í hópinn.
Réttarhvammi 1 • Akureyri • Sími 464 7900
Tangarhöfða 15 • Reykjavík • Sími 577 3080
Vagnhöfða 6 • Reykjavík • Sími 577 3080 www.alorka.is
Alorka er nafnið á sameinuðum félögum Gúmmívinnslunnar
og Alorku á sviði hjólbarðaþjónustu
Alorka er umboðsaðili á Íslandi fyrir:
HANDBOLTI Stjarnan vann stórsigur
á Aftureldingu í gær, 34-25. Bæði
lið mættu ákveðin til leiks og leik-
urinn var í járnum framan af.
Stjörnumenn höfðu þó ávallt yfir-
höndina og héldu Mosfellingum í
seilingarfjarlægð. Undir lok hálf-
leiksins bættu Garðbæingar í og
juku muninn smátt og smátt og
munurinn í hálfleik var 5 mörk,
16-11 fyrir Stjörnuna.
Vilhjálmur Halldórsson fór mik-
inn í liði Stjörnunnar í fyrri hálf-
leik og skoraði nærri helming
marka þeirra. Seinni hálfleikur
hófst svo líkt og sá fyrri endaði.
Stjörnumenn mættu mun grimm-
ari til leiks. Þeir skoruðu hvert
markið á fætu öðru og náðu mest
ellefu marka forskoti.
Mosfellingar fóru illa að ráði
sínu á þessum kafla og misnotuðu
meðal annars hraðaupphlaup og
vítakost á mikilvægum augnablik-
um. Lokatölur voru 34-25 og
Heimir Örn Árnason, leikmaður
Stjörnunnar, var sáttur í lok leiks-
ins.
„Við ákváðum bara að mæta
afslappaðir til leiks og gleyma
þeim leikjum sem hafa verið að
fara illa undanfarið. Það tókst og
vörnin og markvarslan var góð í
þessum leik og þá kemur þetta oft-
ast. Aftureldingarliðið er í krísu
eins og við höfum verið og það
brotnaði við mótlætið,“ sagði
Heimir, sem átti stórleik í liði
Stjörnunnar. - sjj
Lið Aftureldingar var algjörlega heillum horfið er það mætti í Garðabæinn í gær:
Öruggt og þægilegt hjá Stjörnumönnum