Fréttablaðið - 17.03.2008, Qupperneq 12

17. mars 2008 MÁNUDAGUR
KÍNA, AP Að minnsta kosti áttatíu
hafa látið lífið í átökum milli
Tíbeta og kínverskra yfirvalda
undanfarna daga. Yfir sjötíu hafa
slasast. Þetta fullyrðir tíbetska
útlagastjórnin á Indlandi, og
kveðst hafa fengið tölurnar stað-
festar frá mörgum.
Tölur kínverskra stjórnvalda
um mannfall í átökunum eru mun
lægri. Þau segja að tíu manns hafi
látið lífið í átökum sem brutust út
á föstudag, í kjölfar friðsamlegra
mótmæla sem hafa staðið yfir í
tæpa viku. Sem fyrr snúast mót-
mælin um yfirráð Kínverja yfir
landsvæðinu.
Aðgengi vestrænna fjölmiðla að
Tíbet er stjórnað af Kínverjum, og
því hefur reynst erfitt að staðfesta
fregnir af því sem gerist þar.
Dalai Lama, andlegur leiðtogi
Tíbeta, fordæmir aðgerðir Kín-
verja í Tíbet og kallar þær menn-
ingarlegt þjóðarmorð. Í viðtali við
fréttastofu BBC sagðist hann ótt-
ast að fleiri myndu deyja ef kín-
versk stjórnvöld breyttu ekki
stefnu sinni varðandi Tíbet.
Kínverjar hafa ráðið yfir Tíbet
síðan þeir réðust þangað inn árið
1950.
„Ástandið er orðið mjög eldfimt.
Báðar fylkingar virðast vera jafn-
ákveðnar, sem hefur í för með sér
fleiri dauðsföll og meiri þjáning-
ar,“ sagði Dalai Lama. „Kínverska
ríkisstjórnin heldur að af því að
hún hefur vopnin þá geti hún
stjórnað. Augljóslega getur hún
stjórnað, en hún hefur ekki vald
yfir mannshuganum.“
Sjónvarpsstöð í Hong Kong
flutti í gær fréttir af stórfelldum
herflutningum Kínverja inn í
Lhasa, höfuðborg Tíbets. Um tvö
hundruð bifreiðar, hver með fjöru-
tíu til sextíu vopnaða hermenn,
hafi ekið inn í miðju borgarinnar í
gær.
Átökin brutust út aðeins tveim-
ur vikum áður en hátíðahöld Kín-
verja vegna Ólympíuleikanna í
sumar hefjast. Þá verður lagt af
stað í ferðalag með ólympíukynd-
ilinn, og fer hann meðal annars í
gegnum Tíbet. Vonir kínverskra
stjórnvalda standa til að Ólympíu-
leikarnir bæti ímynd landsins út á
við. salvar@frettabladid.is
Menningar-
legt þjóðar-
morð í Tíbet
Um áttatíu hafa látist í átökum milli Tíbeta og
kínverskra stjórnvalda, segir tíbetska útlagastjórnin.
Andlegur leiðtogi Tíbeta fordæmir aðgerðirnar.
ÁTÖK Um áttatíu hafa látist í átökum milli Tíbeta og kínverskra stjórnvalda, sam-
kvæmt tíbetsku útlagastjórninni. FRÉTTABLAÐIÐ/AP