Fréttablaðið - 20.03.2008, Blaðsíða 2

2 20. mars 2008 FIMMTUDAGUR
Bergur, er nokkur hætta á að
þið í Landvernd kærið ykkur
bara kollótt?
„Nei, það er allavega ekkert kæru-
leysi hjá okkur!“
Landvernd hefur nýverið kært ákvörðun
Skipulagsstofnunar um að láta ekki meta
samanlögð umhverfisáhrif álvers á Bakka.
Áður hafði Landvernd lagt fram svipaða
kæru vegna Helguvíkur. Bergur Sigurðs-
son er framkvæmdastjóri Landverndar.
MENNTUN Rektor Háskólans,
Kristín Ingólfsdóttir, fer enn yfir
mál Hannesar Hólmsteins
Gissurarsonar
prófessors og
vill gera það
vandlega.
Niðurstöðu sé
ekki að vænta
fyrr en eftir
páska og fyrr
tjái hún sig ekki
frekar.
Hannes var
fyrir viku síðan
dæmdur í
Hæstarétti fyrir vinnubrögð
andstæð siðareglum skólans.
Háskólayfirvöld hafa og verið
gagnrýnd fyrir að taka ekki á
málinu í þau fimm ár sem það
hefur verið til umræðu.
Formaður siðanefndar skólans
hefur vísað á rektor. Sjálf taki
nefndin málið ekki upp að nýju.
Hannes er í rannsóknarleyfi til
hausts og næst ekki í hann. - kóþ
Rektor Háskóla Íslands:
Fer ítarlega yfir
Hannesarmálið
LÖGREGLUMÁL Meint kynferðisleg
misnotkun ökukennara á sex
drengjum eru sögð hafa ýmist
farið fram á heimili eða í bíl öku-
kennarans á fáförnum stöðum,
samkvæmt upplýsingum Frétta-
blaðsins.
Eins og greint hefur verið frá
kærðu drengirnir sex, sem voru á
aldrinum fjórtán til sautján ára
þegar meint misnotkun átti sér
stað, ökukennara í Reykjavík fyrir
athæfið. Umræddur ökukennari er
ekki að störfum lengur, samkvæmt
upplýsingum Fréttablaðsins.
Kynferðisbrotadeild lögreglunn-
ar á höfuðborgarsvæðinu hefur
rannsakað málið undanfarna mán-
uði og er sú rannsókn á lokasprett-
inum. Friðrik Smári Björgvinsson
yfirlögregluþjónn hefur staðfest
að málið fari innan tíðar til emb-
ættis ríkissaksóknara.
Samkvæmt upplýsingum
Fréttablaðsins voru eldri dreng-
irnir að læra á bíl hjá manninum
en hinir yngri voru að læra á
skellinöðru. Hið meinta athæfi
mannsins gagnvart drengjunum
stóð yfir um nokkurt skeið. Það
var ekki fyrr en einn drengurinn
steig fram og greindi frá meintri
misnotkun að málið varð uppvíst
og fleiri komu á eftir. Grunur
leikur á að maðurinn hafi brotið
gróflega gegn að minnsta kosti
sumum drengjanna.
- jss
Lögreglurannsóknin á meintri kynferðislegri misnotkun ökukennara á lokastigi:
Með drengina í bíl á afvikn-
um stöðum eða á heimili
AFVIKNIR STAÐIR Ökukennarinn er
sagður hafa verið með piltana sex
annaðhvort í bíl á afviknum stöðum eða
á heimili.
noatun.is
LÉTTIR ÞÉR LÍFIÐ
Girnilegt tilboð
úr kjötborði
30% afsláttur
1.189kr.kg.
Nóatúns
grísahamborgarhryggur
LÖGREGLUMÁL Rúmlega sjötug kona
lést í umferðarslysi í Hafnarfirði
um klukkan hálftvö í gær.
Konan var ökumaður bifreiðar
sem rakst á jeppabifreið á mótum
Reykjavíkurvegar og Stakka-
hrauns. Varð slysið með þeim
hætti að önnur bifreiðin ók inn á
Reykjavíkurveg og í veg fyrir hina
bifreiðina. Sjúkrabíll og tækjabíll
frá slökkviliði höfuðborgarsvæðis-
ins komu á staðinn. Var konan flutt
á slysadeild en ökumann jeppans
sakaði ekki. Hafnarfjarðarvegi var
lokað um tíma vegna slyssins. Er
þetta þriðja banaslysið í umferð-
inni það sem af er þessu ári. - ovd
Banaslys á Hafnarfjarðarvegi:
Kona lést í
umferðarslysi
KRISTÍN
INGÓLFSDÓTTIR
SOFIA, AP Króatar og Ungverjar
viðurkenndu í gær sjálfstæði
Kosovo. Serbar, nágrannaþjóð
landanna tveggja, gagnrýndu
ákvörðunina harkalega.
Þjóðirnar tvær, auk Búlgaríu,
sendu frá sér sameiginlega
yfirlýsingu í gær. Í henni sagði að
Búlgarar myndu viðurkenna
sjálfstæðið í dag.
Vuk Jeremic, utanríkisráðherra
Serbíu, brást illa við tíðindunum í
gær. „Hvert það land sem
ákveður að viðurkenna hið
ólögmæta ríki Kosovo brýtur
alþjóðalög,“ sagði hann. Ríki sem
það geri geti ekki treyst á góð
samskipti við Serba. - sh
Yfirlýsing reitir Serba til reiði:
Grannar viður-
kenna Kosovo
HEILBRIGÐISMÁL „Þetta mál er litið
mjög alvarlegum augum innan
Landspítalans,“ segir Björn Zoëga,
lækningaforstjóri Landspítalans,
en við hefðbundið eftirlit varð
uppvíst að um tugur starfsmanna
þar hafði skoðað sjúkraskýrslur
þekkts manns sem þar hafði leitað
lækninga.
Verið er að rannsaka málið
innan spítalans og segir Björn að
þótt málið sé alvarlegt sé það
gleðilegt að því leyti að það sýni
að eftirlitskerfi spítalans með því
hvort óviðkomandi aðilar séu að
skoða sjúkraskrár sé virkt. Hann
segir eftirlitið stöðugt en viti ekki
til þess að mál svipuð þessu hafi
áður komið upp.
Í viðtali við DV, sem fjallað
hefur um málið, sagði Niels
Christian Nielsen, aðstoðarlækn-
ingaforstjóri spítalans, að af og til
hafi komið upp að starfsmenn hafi
brotið trúnað með því að stelast í
upplýsingar sem þeir eigi ekkert
með. Hann sagði einnig að fjöldi
þeirra sem hefðu stolist í skrár
þessa manns væri óvenju mikill
og af því hefðu forsvarsmenn spít-
alans miklar áhyggjur. Björn segir
að einhverjir starfsmannanna hafi
getað gefið haldbærar skýringar á
því að hafa skoðað upplýsingar
um sjúklinginn. Niðurstaðna um
málið sé að vænta skömmu eftir
páska.
„Brotin eru ef til vill ekki þess
eðlis að það þurfi að grípa til upp-
sagna,“ segir Björn og vísar til
nýlegra heimsfrétta af starfsmönn-
um spítala sem sagt var upp eftir að
hafa selt upplýsingar um heilsufar
poppstjörnunnar Britney Spears.
„Það leikur ekki grunur á svo alvar-
legum hlutum heldur virðist fyrst
og fremst hnýsni hafa ráðið því að
fólkið fór í þessar skrár,“ segir
Björn. Þau viðurlög sem hann segir
spítalann hafa í þessu máli eru:
„Ávítur, áminning, brottrekstur og
kæra til lögreglunnar.“
Matthías Halldórsson aðstoðar-
landlæknir situr í nefnd sem vinn-
ur að gerð nýs lagaákvæðis um
nýja sjúkraskrá. Hann segir nauð-
synlegt að hart verði tekið á því að
fólk fari inn í sjúkraskrár án þess
að eiga þangað erindi. „Ég vonast
til þess að þetta hafi fælandi áhrif
á starfsfólk,“ segir hann og bætir
við að sú þagnarskylda sem kveð-
ið er á um í læknalögunum eigi við
um heilbrigðisstarfsmenn. Hann
segir að í nýjum ákvæðum sem nú
er unnið að verði mun meiri
aðgangsstýring. Frá Landlæknis-
embættinu geti fólk fengið áminn-
ingu og jafnvel verið svipt starfs-
leyfi. „Það er þung hegning en
brotið er líka alvarlegt,“ segir
Matthías. karen@frettabladid.is
Stálust í sjúkraskrá
þjóðþekkts manns
Um tugur starfsmanna Landspítalans hefur orðið uppvís að því að hafa skoðað
sjúkraskýrslu þekkts manns sem þar hafði leitað lækninga. Lækningaforstjóri
spítalans segir málið mjög alvarlegt og rannsókn innan spítalans sé í gangi.
BJÖRN ZOËGA MATTÍHAS
HALLDÓRSSON
STÁLUST Í SJÚKRASKRÁ Mál um tíu starfsmanna Landspítalans sem urðu uppvísir að
því að skoða sjúkraskrá þekkts manns án ástæðu er í rannsókn. FRÉTTABLAÐIÐ/PJETUR
Fréttablaðið kemur næst út á
laugardag og síðan ekki fyrr
en á þriðjudag. Afgreiðsla
blaðsins er lokuð þangað til á
þriðjudag. Þjónustuver er
opið frá átta til 22.00 alla
daga nema páskadag, þegar
það lokar klukkan 18.00.
Útgáfa Fréttablaðsins:
Kemur næst
út á laugardag
SKIPULAGSMÁL Borgaryfirvöld ætla
að koma til móts við flugfélögin
sem óskað hafa eftir breytingum á
aðstöðu við Reykjavíkurflugvöll.
Skipulags- og byggingarsvið
borgarinnar sendi frá sér tilkynn-
ingu í gær þar sem það er áréttað
að borgin hafi ekki átt neinn annan
kost en að synja beiðni Iceland
Express um aðstöðu við flugvöll-
inn, enda sé lóðin sem sótt var um
frátekin fyrir Háskólann í
Reykjavík. „Í þeirri afgreiðslu
fólst því hvorki afstaða né
andstaða borgaryfirvalda til
samkeppni í flugrekstri,“ segir í
tilkynningunni. - sh
Varð að neita Iceland Express:
Borgin til móts
við flugfélögin
Hraðakstur við Sauðárkrók
Lögreglan á Sauðárkróki tók fjóra
ökumenn fyrir hraðakstur í umdæmi
sínu í gær. Voru flestir ökumannanna
á um 110 kílómetra hraða á klukku-
stund þar sem hámarkshraði er 90.
LÖGREGLUFRÉTTIR
EFNAHAGSMÁL Gengi krónunnar og
úrvalsvísitalan tóku skarpan kipp
upp á við síðdegis í gær eftir sam-
fellda lækkunarhrinu frá opnun
markaða. Um þrjúleytið hafði
gengi krónunnar fallið um 5,5 pró-
sent og hlutabréf í úrvalsvísitöl-
unni um ríflega sex prósent. Exista
og FL Group höfðu þá lækkað um
tíma nálægt 12 prósent.
Gengið styrktist snögglega eftir
klukkan þrjú á meðan hlutabréf
stærstu félaganna hækkuðu. Við-
mælandi Fréttablaðsins dró þá
ályktun að það hefði verið tekin
meðvituð ákvörðun aðila á mark-
aðnum um að snúa þróuninni við.
Það hafði þó ekki meiri áhrif en
þau að við lok markaða hafði
úrvalsvísitalan lækkað um tvö pró-
sent og gengi krónunnar um eitt
prósent.
Greiningardeild Kaupþings segir
í hálffimm fréttum að helstu skýr-
ingar á veikingu krónunnar séu
slæm framvinda á alþjóðamörkuð-
um og það að möguleikar fjárfesta
á að nýta sér vaxtamun við útlönd
hafi minnkað verulega undanfarið.
Ekki fékkst uppgefið hjá Fjár-
málaeftirlitinu hvort mikið væri
um veðköll, það er að skuldugir
fjárfestar þurfi að selja hlutabréf
til að greiða niður skuldir. Sam-
kvæmt upplýsingum Fréttablaðs-
ins hafa fjárfestar þurft að selja
hlutabréf til að greiða lán, sérstak-
lega í erlendri mynt. Vegna lækk-
unar hlutabréfa og krónunnar hafa
veð rýrnað í verði. - bg
Gengi krónunnar og hlutabréfa lækkaði hratt fram eftir degi í gær:
Hrinu lækkana var snúið við
SKIPTI YFIRTEKIÐ AF EXISTA Exista lækk-
aði mikið framan af degi í Kauphöllinni
í gær en rétti úr kútnum fyrir lokun.
Gekk út í stolnum leðurjakka
Héraðsdómur Reykjavíkur hefur dæmt
karlmann í 30 daga skilorðsbundið
fangelsi fyrir að ganga út úr verslun
í leðurjakka sem hann hafði stolið.
Maðurinn sagði öryggisvörðum að
hann hefði klæðst jakkanum innan
undir flíspeysu á leið inn, en snúið því
við inni. Sagan var ekki tekin trúanleg.
DÓMSMÁL

FR
ÉT
TA
B
LA
Ð
IÐ
/A
R
N
ÞÓ
R
SPURNING DAGSINS