Fréttablaðið - 20.03.2008, Blaðsíða 23

[ ]
Sumir eru svolítið ragir þegar þeir stíga á
skíðin í fyrsta sinn. Þá er gott að kíkja við
hjá Einari Karlssyni skíðakennara sem veitir
ókeypis tilsögn í Bláfjöllum.
„Þetta er nú fyrst og fremst hugsað fyrir börnin
og við miðum við að þau séu orðin fjögurra ára
gömul. Tilgangurinn er ekki sá að setja þau á
skíðanámskeið þar sem allir eru í hóp og hlusta á
fyrirmæli heldur er ætlunin sú að gera börnin
sjálfbjarga í lyftunni og koma því þannig fyrir að
þau hafi gaman af þessu,“ segir Einar Karlsson
skíðakennari í Bláfjöllum.
Einar hefur áralanga reynslu af skíðakennslu og
hefur lengi kennt á skíði í Bláfjöllum. „Í vetur
ákvað ég að prófa að vera ekki með neinar bókanir
og hafa kennsluna ókeypis. Það er erfitt fyrir litla
krakka að þurfa að bíða eftir að næsti tími byrji og
þau hafa takmarkaða þolinmæði í langar kennslu-
stundir,“ útskýrir Einar sem leiðbeinir jafnt ein-
staklingum sem hópum.
„Ég hef verið með allt upp í tíu krakka og stund-
um hef ég fengið heilar fjölskyldur. Ég tek það
skýrt fram að þetta er ekki barnapössun en best er
ef foreldrarnir skilja börnin eftir með mér og séu
ekkert að skipta sér of mikið af. Foreldrar eru
yfirleitt hræðilegir skíðakennarar og hlífa börn-
unum of mikið,“ segir Einar og hlær.
Börnin fá tilsögn hjá Einari í um hálftíma og þá
er gott að mamma og pabbi komi og sæki þau. Þá
eru flestir búnir að ná ágætum tökum á skíðunum.
„Það er í raun ekki svo flókið að læra á skíði og
yfirleitt þarf lítið til að koma fólki af stað. Oft
kemur fólk aftur til mín síðar og þá gauka ég að
því nýjum atriðum sem hægt er að æfa sig á,“
útskýrir Einar sem ætlar að standa vaktina í Blá-
fjöllum alla páskahelgina. „Ég verð við kaðallyft-
una við Bláfjallaskálann milli klukkan 11.00 og
15.00 frá fimmtudegi til mánudags og það verður
eflaust nóg að gera,“ segir Einar.
thorgunnur@frettabladid.is
Frí kennsla fyrir börnin
„Takmarkinu er náð þegar börnin vakna á morgnana og suða
um að fá að fara á skíði,“ segir Einar. FRÉTTABLAÐIÐ/GVA
Pappapáskaegg getur verið sniðugt að fylla með alls konar
góðgæti. Í þau má líka setja unga og annað páskalegt og nota
sem skraut.
Vagnhöfða 7
110 Reykjavík
Sími: 517 5000
fjallabilar@fjallabilar.is
Japan/U.S.A.
Öxulliðir í flestar
gerðir jeppa
FRAMÖXLAR Í
JEPPA
www.stilling.is // stilling@stilling.is
Skeifan 11, 108 Reykjavik | Bíldshöfði 12, 110 Reykjavík | Smiðjuvegur 68, 200 Kópavogur
Dalshraun 13, 220 Hafnarfjörður | Draupnisgata 1, 600 Akureyri
Eyrarvegur 29, 800 Selfoss. | Sími: 520-8000
SKÍÐABOGAR
Allar upplýsingar um er að finna á
vef Stillingar www.stilling.is
Auglýsingasími
– Mest lesið