Fréttablaðið - 20.03.2008, Blaðsíða 10

10 20. mars 2008 FIMMTUDAGUR
DYMBILVIKUSIÐIR Meðlimur La Borri-
quita-reglunnar í Cordoba á S-Spáni
heldur á barni í hefðbundinni helgi-
göngu á pálmasunnudag. FRÉTTABLAÐIÐ/AP
STJÓRNMÁL Ólafur F. Magnússon
borgarstjóri hefur dregið til baka
ummæli um Óskar Bergsson,
borgarfulltrúa Framsóknarflokks-
ins. Þau féllu á borgarstjórnar-
fundi 4. mars og voru á þá leið að
borgarstjórn setti niður við nær-
veru Óskars.
Við upphaf borgarstjórnarfund-
ar á þriðjudag sagðist Ólafur hafa
skynjað að Óskari sárnuðu
ummælin.
Um ástæður ummælanna á
sínum tíma sagði Ólafur að Óskar
hefði beint til sín spurningum er
vörðuðu aðkomu aðstoðarmanns
hans að vinnu við deiliskipulag við
Laugaveg.
Í ræðu sinni sagði Ólafur: „Fyr-
irspurnin kom þeim sem hér
stendur algjörlega á óvart, auk
þess sem mér þótti henni ómak-
lega beint að aðila sem ekki gat
svarað fyrir sig. Í ljósi þessa urðu
orðaskipti mín og borgarfulltrú-
ans nokkuð hvöss og þar féllu orð
sem betur hefðu verið látin ósögð.
Ég hef síðan skynjað að borgar-
fulltrúanum hafi sárnað þau
ummæli enda fólust í þeim yfir-
lýsingar sem ég hefði ekki viljað
láta falla um persónu annars borg-
arfulltrúa. Þar sem mér er mikið í
mun að samskipti okkar sem hér
störfum séu góð, og í anda þeirra
hagsmuna sem Reykvíkingar fela
okkur með sínu trausti, vil ég
leggja mitt af mörkum og draga
þau ummæli mín til baka, um leið
og ég óska þess að við öll sem hér
sitjum látum stjórnmálin og
augnablikshita þeirra ekki draga
úr þeirri virðingu sem borgar-
stjórn Reykjavíkur þarf að njóta.“
Óskar Bergsson vildi fátt um
málið segja. „Þetta er aðferð Ólafs
F. Magnússonar til að gera út um
málið og ég hef svo sem ekkert
meira um það að segja,“ sagði
hann. - bþs
Mikilvægt að augnablikshiti dragi ekki úr nauðsynlegri virðingu borgarstjórnar:
Skynjaði að Óskari sárnuðu ummælin
Ég óska þess að við öll
sem hér sitjum látum
stjórnmálin og augnablikshita
þeirra ekki draga úr þeirri virð-
ingu sem borgarstjórn Reykjavík-
ur þarf að njóta.
ÓLAFUR F. MAGNÚSSON
BORGARSTJÓRI
ÓLAFUR F.
MAGNÚSSON
ÓSKAR
BERGSSON
BANDARÍKIN, AP Þegar þess var minnst í gær að
rétt fimm ár voru liðin frá því innrás Banda-
ríkjamanna og bandamanna þeirra í Írak hófst
notaði George W. Bush Bandaríkjaforseti það
sem tilefni til að slá sér meira á brjóst en hann
hefur áður gert yfir meintum árangri sem
náðst hefði af herförinni. Á sama tíma handtók
lögregla á annan tug manna sem tók þátt í
mótmælum gegn Íraksstríðinu í Washington.
Bush fullyrti í ræðu í varnarmálaráðuneyt-
inu að fjölgunin í herliði Bandaríkjamanna í
Írak í fyrra hefði markað þáttaskil og leitt af
sér „fyrstu víðtæku uppreisn araba gegn
Osama bin Laden“.
„Áskorunin fram undan er að treysta í sessi
það sem áunnist hefur og innsigla ósigur
öfgamannanna,“ sagði Bush. „Við höfum lært
af biturri reynslu hvað gerist þegar við
drögum herlið okkar til baka of fljótt –
hryðjuverkamennirnir og öfgamennirnir koma
til skjalanna, fylla tómarúmið, koma upp
öruggum höfnum til að athafna sig og breiða út
óreiðu og blóðbað.“
Demókratar líta öðru vísi á málið. „Á þessum
tímamótum er vert að minnast þess hvernig
við lentum í þessum aðstæðum, og hugsa um
hvernig við komumst út úr þeim,“ sagði John
Dingell, fulltrúadeildarþingmaður demókrata.
Þátttakendur í mótmælunum í Washington
tóku dýpra í árinni. „Ég hef fylgst með
hryllingi með því hvernig Bush lýgur um þetta
stríð,“ hefur AP eftir Craig Etchison, kennara á
eftirlaunum, sem barðist í Víetnamstríðinu.
„Mig hryllir við þeim fjölda óbreyttra borgara
sem við höfum drepið [í Írak], rétt eins og við
gerðum í Víetnam.“ - aa
Rétt fimm ár frá því innrás Bandaríkjamanna og bandamanna þeirra í Írak hófst:
Bush stærir sig af meintum árangri
HANDTEKNIR Lögregla leiðir mótmælendur á brott sem
settust fyrir inngang skattstofu Bandaríkjanna.
FRÉTTABLAÐIÐ/AP
Páskar í Bláa lóninu
Bláa lónið er opið alla páskana frá kl. 10.00–20.00 • Sími 420 8800 • www.bluelagoon.is
Spennandi páskadagskrá:
Annar í páskum, 24. mars, kl. 13.00
• Menningar- og sögutengd gönguferð.
2–3 tíma gönguferð fyrir alla fjölskylduna um nágrenni Bláa lónsins.
Mæting við bílastæði Bláa lónsins kl. 13.00.
Ekkert þátttökugjald er í gönguna.
Annar í páskum, 24. mars, kl. 14.30 og 16.30
• Vatnsleikfimi í boði fyrir gesti Bláa lónsins.
Páskaegg fyrir börnin á meðan birgðir endast.
29. mars – 5. apríl 2008
700IS Hreindýraland
WWW.700.IS