Fréttablaðið - 20.03.2008, Blaðsíða 6
6 20. mars 2008 FIMMTUDAGUR
UMHVERFISMÁL Skipulagsstofnun
hefur ákvarðað að aflþynnuverk-
smiðja á Krossanesi á Akureyri
skuli ekki háð mati á umhverfis-
áhrifum.
Segir að verksmiðjan muni ekki
hafa umtalsverð umhverfisáhrif
og að áhrif á náttúrufar verði
óveruleg. Hún muni enda rísa á
svæði þar sem hafi verið iðnaður
til margra ára. Stofnunin minnir á
að framkvæmdirnar séu háðar
byggingarleyfi Akureyrarbæjar
og brýnt sé við leyfisveitingu að
huga að þeim hættulegu efnum
sem verksmiðjan muni nota.
Ákvörðunina má kæra til
ráðherra fram til 21. apríl. - kóþ
Skipulagsstofnun ákvarðar:
Verksmiðja ekki
í umhverfismat
ALÞINGI Þingsályktunartillaga
Steinunnar Valdísar Óskarsdótt-
ur, Samfylkingunni, um að tekið
verði upp nýtt starfsheiti fyrir
ráðherra, fellur í grýttan jarðveg
hjá Íslenskri málnefnd og Stofn-
un Árna Magnússonar í íslensk-
um fræðum. Í umsögn Stofnunar
Árna Magnússonar segir að ekki
verði séð að notkun orðsins ráð-
herra hafi leitt til neins konar
mismununar eða hótfyndni, sem
niðurlægjandi væri fyrir konur.
Hugmyndir sem komið hafi fram
um nýtt heiti hafi fremur verið til
þess fallnar að vekja kátínu og
aulafyndni en hafa einhver áhrif í
jafnréttisátt. „Meginatriðið er að
hér virðist um að ræða tilefnis-
laus afskipti af tungumálinu,“
segir í umsögninni.
Íslensk málnefnd segir kyn-
bundna merkingu orðsins herra
hverfa þegar það verður að við lið
í samsettum orðum auk þess sem
mörg dæmi séu um að merking
orðs breytist þegar það verður
að viðlið. Nefndin er þeirrar
skoðunar að bæði kynin geti
borið starfsheitið ráðherra.
Jafnréttisstofa telur hins
vegar breytingu á starfsheiti
ráðherra í samræmi við mark-
mið jafnréttislaga. „Með starfs-
heiti sem bæði kynin geta borið,
og sem ekki hefur á sér þann
karllæga, valdbjóðandi blæ, sem
heitið ráðherra hefur, er tekið
tillit til þeirrar sjálfsögðu og
eðlilegu þróunar að stafsheiti
séu ekki eingöngu heppileg fyrir
annað kynið,“ segir í umsögn
ráðsins.
- bþs
Íslensk málnefnd og Stofnun Árna Magnússonar andvíg nýju heiti fyrir ráðherra:
Tilefnislaus afskipti af tungumálinu
STEINUNN VALDÍS ÓSKARSDÓTTIR
Jafnréttisstofa styður tillögu hennar
en Íslensk málnefnd og Stofnun Árna
Magnússonar ekki.
KÓPAVOGUR Samgönguráðuneytið
hefur úrskurðað að fyrrverandi
formaður Íþrótta- og tómstunda-
ráðs Kópavogs hafi verið vanhæf-
ur til að fjalla um ráðningu í stöðu
verkefnisstjóra. Úrskurðurinn
gengur þvert á álit bæjarlög-
manns, sem taldi fulltrúann
hæfan.
„Þetta er áfellisdómur yfir
kjörnum fulltrúa,“ segir Guðríður
Arnardóttir, oddviti Samfylking-
arinnar í Kópavogi og annar bæj-
arfulltrúa flokksins sem kærði
málið til ráðuneytisins. Hún segir
meirihlutann í bæjarstjórn verða
að endurskoða vinnubrögðin í kjöl-
far úrskurðarins.
Gunnsteinn Sigurðsson, bæjar-
fulltrúi Sjálfstæðisflokks, varð
ekki við kröfu Samfylkingarinnar
um að víkja sæti við ráðninguna.
Sú sem ráðin var í starfið hafði
verið undirmaður hans árum
saman, og hann var einn til-
greindra meðmælenda hennar.
Þrátt fyrir vanhæfi Gunnsteins
við afgreiðslu málsins stendur
ráðningin. Samgönguráðuneytið
telur ekki hafa verið sýnt fram á
að ógilda eigi ráðninguna. Guðríð-
ur segir ekki hafa verið lagða
áherslu á það, enda þyrfti þá að
sýna með óyggjandi hætti að
annar hefði verið ráðinn í stöðuna
hefði Gunnsteinn vikið sæti.
Gunnsteinn hafði ekki séð
úrskurðinn þegar Fréttablaðið
náði tali af honum, og vildi því
sem minnst tjá sig. Hann benti þó
á að bæjarlögmaður hafi komist
að þveröfugri niðurstöðu, málið
virðist því snúast um túlkun á
lagagreinum. - bj
Ráðuneyti segir bæjarfulltrúa Sjálfstæðisflokks hafa verið vanhæfan við ráðningu:
Sagður áfellisdómur yfir fulltrúanum
GUÐRÍÐUR
ARNARDÓTTIR
GUNNSTEINN
SIGURÐSSON
A
T
A
R
N
A
–
K
M
I
/
F
ÍT
Nóatúni 4 • Sími 520 3000
www.sminor.is
blettakerfi
8 kg.
15
mín. hraðkerfi 60
mín. kraftþvottakerfi
Snertihnappar
A+
VINNUMARKAÐUR Níels S. Olgeirs-
son, formaður Matvís, segir að
kínversku matreiðslumennirnir
fimm, sem hafi komið til Íslands
til starfa á The Great Wall við
Vesturgötu, hafi fengið jákvæða
umsögn frá Matvís þar sem allir
pappírar hafi virst í lagi eftir
skoðun menntamálaráðuneytis-
ins. Síðar hafi komið í ljós að
sumir pappírarnir hafi verið
„keyptir úti í búð í Kína“.
Matvís fékk ábendingu um
meint brot á kjarasamningum í
haust, heimsótti veitingastaðinn
og ræddi við starfsmenn og
stjórnendur. Níels segir að starfs-
mennirnir hafi verið hræddir en
þó hafi tveir leitað til Matvís.
Félagið hafi fundið þeim vinnu
og húsnæði í haust og samið við
vinnuveitendurna um að greiða
þeim 50-100 þúsund krónur á
mánuði á mann. Farið verði aftur
yfir mál þeirra í apríl.
Níels kveðst nokkuð viss um að
þeir sem eftir eru hafi ekki feng-
ið greitt þótt þeir segist hafa
fengið launin sín. Þá óttast hann
að jafnvel þótt fólkið fái greitt þá
haldi peningarnir áfram í hring-
rás og endi hjá lánardrottni í
Kína.
Níels segir að borist hafi ábend-
ing um að fólkið hafi greitt fyrir
að koma til Íslands og að laun
þess færu aftur til vinnuveitenda
eða milligöngumanna. Það sé
alvarlegt mál.
„Við vitum að þetta er svona en
erum ekki í stakk búnir til að fara
í frekari rannsóknir enda ekki í
okkar verkahring. Við höfum
upplýst viðeigandi aðila og þeir
fara í málið ef þeir hafa fjármagn
til þess,“ segir hann og gagnrýnir
yfirvöld. Þau hafi oft ekki bol-
magn í eftirlit auk þess sem sam-
ræmingu vanti milli embætta.
Yngvi Helgason, framkvæmda-
stjóri The Great Wall, vísar
ábyrgðinni á fyrri eigendur.
Hann hafi túlkað fyrir þá þar sem
enginn á staðnum hafi talað
íslensku. Hann hafi grunað að
ekki væri allt með felldu í rekstr-
inum og ráðlagt móður sinni frá
því að kaupa í fyrirtækinu.
Fréttaflutningur um meint man-
sal komi honum samt á óvart.
Móðir Yngva á nú 45 prósenta
hlut í fyrirtækinu.
Yngvi segir að fyrrverandi eig-
endur The Great Wall séu farnir
til Kína og kínverskur meðeig-
andi móður hans í tveggja vikna
leyfi til Evrópu.
Lögreglan er með málið í rann-
sókn. ghs@frettabladid.is
Kínverjarnir komu
með falsaða pappíra
Formaður Matvís segist vita að Kínverjarnir sem störfuðu á veitingastaðnum
The Great Wall við Vesturgötu hafi borgað fyrir að fá að koma hingað. Í ljós
hafi komið að sumir pappírarnir hafi verið „keyptir úti í búð í Kína“.
THE GREAT WALL Níels S. Olgeirsson, formaður Matvís, óttast að launin sem vinnu-
veitendur Kínverjanna á The Great Wall við Vesturgötu borgi þeim fari í hringrás og
endi að mestu leyti hjá milligöngumönnum eða atvinnumiðlara í Kína. Hann telur
að sumir pappírarnir sem Kínverjarnir höfðu séu keyptir út úr búð í Kína.
FRÉTTABLAÐIÐ/VALLI
HJÁLPAÐI MEÐ ÍSLENSKUNA Yngvi
Helgason hjálpaði fyrrverandi eigendum
The Great Wall með íslenskuna. Hann
segir að sér hafi ekkert litist á reksturinn
og ráðlagt móður sinni gegn því að fara
inn í fyrirtækið.
Ætlar þú að fara í ferðalag um
páskana?
Já 20,9%
Nei 79,1%
SPURNING DAGSINS Í DAG:
Finnur þú fyrir hækkandi verð-
lagi á vörum og þjónustu?
Segðu skoðun þína á vísir.is
Umferðaróhöpp í Reykjavík
Lögreglan á höfuðborgarsvæðinu
fékk tilkynningar um 56 umferð-
aróhöpp um síðustu helgi. Mátti
rekja eitt þeirra til ölvunaraksturs.
Voru flest óhöppin minni háttar
en í nokkrum tilvikum þurfti þó að
flytja fólk á slysadeild. Í sjö tilfellum
stungu ökumenn af vettvangi.
LÖGREGLUFRÉTTIR
Ók undir áhrifum fíkniefna
Lögreglan á Akureyri stöðvaði
ökumann bifreiðar á 122 kílómetra
hraða í Öxnadal í gærmorgun.
Vaknaði grunur um að hann væri
undir áhrifum fíkniefna og fannst
amfetamín á einum farþega í bílnum.
Voru ökumaður og farþegar fluttir á
lögreglustöð til skýrslutöku. Ökumað-
urinn var sviptur ökuréttindum og
telst málið upplýst.
LÖGREGLUFRÉTTIR
KJÖRKASSINN