Fréttablaðið - 20.03.2008, Blaðsíða 32
20. mars 2008 FIMMTUDAGUR
Útvarpsleikhúsið frumflytur nú
um páskana nýjan þríleik eftir
leikskáldið Bjarna Jónsson á Rás
1. Þríleikurinn Besti vinur hunds-
ins heita þrjú sjálfstæð leikrit sem
tengjast og mynda heild. Þó má
njóta hvers verks um sig án þess
að heyra þau öll.
Tónlist við verkin semur Hallur
Ingólfsson, hljóðvinnsla er í hönd-
um Georgs Magnússonar og höf-
undur leikstýrir leikritunum
þremur.
Fyrsta leikritið nefnist Lykill-
inn og verður flutt á skírdag kl. 15.
Í því fylgjast hlustendur með
mæðgunum Maríu og Söru sem
hafa fest kaup á tveggja hæða húsi
í Vesturbænum. Seljandinn er ein-
stæð móðir sem hefur þegar
afhent kaupendum lykla að hús-
inu, alla nema einn sem er enn í
vörslu sonar hennar. Þegar henni
tekst loksins að fá hann til að
afhenda lykilinn, hefur hún enga
hugmynd um það að drengurinn
hefur látið gera annað eintak sem
hann hyggst nota til þess að bjarga
sér úr dálitlum vanda.
Annað leikrit þrenningarinnar
kallast Endasprettur og er á dag-
skrá á páskadag kl. 15. Þar kynn-
ast hlustendur Vésteini. Hann var
hlaupagarpur þegar hann var
yngri og átti Íslandsmet í 400
metra hlaupi pilta. Vésteinn er
eldheitur friðarsinni og daginn
sem nokkur NATO-herskip koma
að landi í Reykjavík er hann mætt-
ur niður á höfn til þess að mót-
mæla komu þeirra. Um kvöldið
skýtur hann síðan upp kollinum á
samkomu í Friðarhúsinu, þar sem
menn deila um stefnumál hernað-
arandstæðinga í ljósi breyttrar
heimsmyndar.
Þriðja og síðasta leikritið er
Spunakonan sem flutt verður
annan dag páska kl. 15. Leikritið
fjallar um Elsu sem heldur úti
bloggsíðu. Hún setur inn á hana
einfaldar sögur sem eru ekki bara
skáldskapur, heldur tengjast
einkalífi hennar. Bjarni Jónsson
hefur unnið leikgerðir fyrir útvarp
og samið leikrit sem sett hafa
verið upp í leikhúsum landsins við
góðar undirtektir. Síðastliðinn
mánudag var tilkynnt um tilnefn-
ingu Bjarna til Norrænu leik-
skáldaverðlaunanna fyrir leikritið
Óhapp! sem frumsýnt var í Þjóð-
leikhúsinu síðastliðið haust.
- vþ
Lykill, hlaupagarpur og
bloggari í útvarpi
BJARNI JÓNSSON LEIKSKÁLD Samdi
og leikstýrði þríleiknum Besti vinur
hundsins.
Vert er að vekja athygli á stórtónleikum sem fara
fram í Hallgrímskirkju í dag kl. 17. Þar koma fram
Schola cantorum og kammerhópurinn Caput ásamt
einsöngvurunum Margréti Sigurðardóttur, Guðrúnu
Eddu Gunnarsdóttur, Braga Bergþórssyni og
Benedikt Ingólfssyni og flytja Jóhannesarpassíu
eistneska tónskáldsins Arvos Pärt. Stjórnandi
flutningsins er Hörður Áskelsson.
Innan kirkjunnar er aldagömul hefð fyrir því að
syngja frásagnir guðspjallanna fjögurra um
píslargöngu Krists í dymbilviku. Söngformið
þróaðist smám saman á þann hátt að mismunandi
hlutar sögunnar urðu að mismunandi sönghlutverk-
um. Á tímum J.S. Bach höfðu tónsetningar píslarsög-
unnar síðan fest sig í sessi sem stór tónverk með
aríum, sálmalögum og kórhlutum, allt á móðurmáli
tónskálda og er túlkun tilfinninga gefinn mikinn
gaumur.
Arvo Pärt fer allt aðra leið í Jóhannesarpassíu
sinni. Hann notar latneska þýðingu, og hvert
„hlutverk“ fær aðeins fyrirfram ákveðna tóna og
nótnagildi til að spila úr. Jafnvel þagnirnar milli
setninga eru fastákveðnar og ræðst lengdin af
atkvæðafjölda síðasta orðsins á undan.
Miðaverð á tónleikana er 3.000 kr. - vþ
Óvenjuleg Jóhannesar-
passía Pärts flutt í dag
Í HALLGRÍMSKIRKJU Frá æfingu á Jóhannesarpassíu Arvos
Pärt.
Ein skærasta stjarna
söngheimsins!
EINSÖNGSTÓNLEIKAR
DENYCE GRAVES MEZZÓSÓPRAN
Denyce Graves kom fram á minningartónleikum um þá sem létu lífið í
hryðjuverkaárásunum 11. september og sjónvarpað var um allan heim.
Hún er nú menningarsendiherra Bandaríkjanna.
HÁSKÓLABÍÓ 1. JÚNÍ | MIÐAVERÐ: 6.800 / 6.200
Stórmeistari djassins
WAYNE SHORTER KVARTETTINN
„Wayne Shorter er einn fárra sem skrifaði tónlist fyrir Miles [Davis]
sem hann vildi ekki breyta.” Herbie Hancock
HÁSKÓLABÍÓ 24. MAÍ. | MIÐAVERÐ: 6.200 / 5.700
Bakgrunnsmynd: Roger Hiorns / Object - a manipulated growth. © 2007 Serpentine Gallery. Ljósmynd: Alastair Fyfe.
Miðasala á listahatid.is & midi.is
Á vef Listahátíðar færðu nánari upplýsingar um alla viðburði
Listahátíðar 2008, þar með talið þær fjölmörgu myndlistarsýningar
sem opnaðar verða á hátíðinni 15.-18. maí.
Miðasala fer einnig fram í síma 552 8588 alla virka daga frá kl. 10-14.