Fréttablaðið - 20.03.2008, Blaðsíða 38

30 20. mars 2008 FIMMTUDAGUR
sport@frettabladid.is
Á þriðjudag var úthlutað úr ferðasjóði íþróttafélaga í fyrsta skipti.
Ungmenna- og íþróttasamband Dalamanna og N-Breiðfirðinga fékk
lægsta styrkinn að þessu sinni en hann hljómaði upp á 7.613 krónur.
Það var glímufélag Dalamanna sem sótti um styrkinn
en glímustarfið þar er gríðarlega öflugt.
Íslandsmeistarinn Svana Hrönn Jóhannsdóttir
kemur frá því glímufélagi og yngri systir hennar,
Sólveig Rós, er einnig á meðal bestu glímukvenna
landsins. Faðir þeirra stúlkna, Jóhann Pálma-
son, er í forsvari fyrir glímufélagið og hann
hafði ekki heyrt af styrkveitingunni þegar
Fréttablaðið náði tali af honum í gær.
„Mér líst bara ágætlega á þetta. Þetta er
í það minnsta góð byrjun,“ sagði Jóhann
sem sér sjálfur um akstur fyrir glímufélagið
en hann á 11 manna Econoline-bíl, 88
árgerð, sem og 2001 árgerð af 15 manna
Benz-kálfi sem hann notar í skólaakstur á
svæðinu. Econoline-bíllinn er oftast notaður
í keppnisferðir.
Jóhann segir að það kosti um 300-400 þúsund
krónur á ári að halda úti glímufélagi í Dalabyggð. Þrjár
til fjórar keppnisferðir eru farnar árlega og lengst hefur
verið farið til Reyðarfjarðar. Að sögn Jóhanns eru um
20-30 virkir krakkar að æfa glímu á svæðinu.
Hingað til hefur ekki verið í neina sjóði að
sækja fyrir Jóhann og félaga en Dalabyggð
hefur þó styrkt starfsemina og síðast um 250
þúsund krónur. Afganginn hefur Jóhann brúað
sjálfur og ljóst að Jóhann lætur tugi þúsunda
af eigin fé í að halda starfseminni gangandi.
Hann fór með krakkana í keppnisferð til
Ísafjarðar á dögunum í brjáluðu veðri og
sóttist ferðin mjög illa. „Við vorum eina 11
tíma hvora leið. Þetta var alveg svakalegt.
Ég fór með um 30 þúsund krónur í olíu,“ sagði
Jóhann sem gerir ekki ráð fyrir að komast langt á
Econoline-bílnum fyrir ferðasjóðspeninga.
„Ætli ég komist ekki á Blönduós sem er um
120 kílómetrar,“ sagði Jóhann léttur.
FERÐASJÓÐUR ÍÞRÓTTAFÉLAGA: GLÍMUFÉLAG DALAMANNA FÉKK LÆGSTA STYRKINN EÐA 7.613 KRÓNUR
Frá Búðardal til Blönduóss fyrir ferðasjóðspeningana
KÖRFUBOLTI Úrvalslið umferða 16
til 22 í Iceland Express-deild karla
í körfubolta var tilkynnt í gær og
þar voru einnig valdir besti leik-
maður, þjálfari og dómari. Snæ-
fellingarnir sópuðu til sín verð-
launum.
Úrvalsliðið var nú valið í þriðja
skipti á keppnistímabilinu og að
þessu sinni var það skipað eftir-
töldum leikmönnum; Justin Shouse
og Hlyni Bæringssyni úr Snæfelli,
Cedric Isom úr Þór Akureyri,
Brenton Birmingham úr Njarðvík
og Páli Axel Vilbergssyni úr
Grindavík. Hlynur, Brenton og
Páll Axel voru í annað skipti í
úrvalsliðinu en Justin Shouse var
valinn bestur og hann var hæst-
ánægður með verðlaunin.
Mikill heiður
„Ég átti alls ekki von á þessu og
þetta er mikill heiður og ekki oft
sem leikstjórnandi fær verðlaun
sem þessi. Ég deili þessum verð-
launum að sjálfsögðu með liðsfé-
lögum mínum hjá Snæfelli sem
hafa verið frábærir í vetur og það
er þeim að þakka hversu vel hefur
gengið hjá mér,“ sagði Justin sem
telur að lið Snæfells sé að springa
út á réttum tíma.
„Við erum búnir að leika vel í
síðustu leikjum og það er ákveð-
inn stígandi í leik liðsins og ég
held að menn séu nú loks að sjá
afraksturinn af æfingunum sem
þjálfarinn Geof Kotila er búinn að
vera að láta okkur gera,“ sagði Justin og Hlynur, fyrirliði Snæ-
fells, tók í sama streng.
„Við erum búnir að vera mjög
góðir eftir áramót að mínu mati og
þetta er búið að púslast smátt og
smátt saman eftir að við fengum
mikilvæga leikmenn til baka úr
meiðslum og við erum að spila
með miklu sjálfstrausti þessa dag-
ana.
Tölfræðin talar líka sínu máli og
það er gaman að sjá okkur vera
efsta í ákveðnum þáttum eins og
með hæsta hlutfall frákasta og
fæst stig fengin á okkur í leik og
ég veit að þjálfarinn er líka ánægð-
ur með það,“ sagði Hlynur sem fór
ekki leynt með markmið Snæfells
í ár. „Við ætlum okkur að vinna tit-
ilinn og ef við höldum áfram að
bæta okkur þá getum við það.
Þetta verður hins vegar mjög erf-
itt og liðin eru svo jöfn að hlutirnir
verða að falla með þér,“ sagði
Hlynur að lokum.
Það var létt yfir mönnum við
verðlaunaafhendinguna og þegar
Sigmundur Már Herbertsson var
tilkynntur sem besti dómarinn
heyrðist einn leikmaðurinn segja
hátt og snjallt: „Það er greinilegt
að leikmenn stóðu ekki að þessu
vali.“
omar@frettabladid.is
Snæfellingar sigursælir
Úrvalslið Iceland Express-deildar karla var tilkynnt í gær í þriðja sinn í vetur.
Snæfellingar voru með tvo leikmenn í liðinu og enn fremur voru Justin Shouse
og Geof Kotila valdir besti leikmaður og besti þjálfari umferða 16 til 22.
SÁTTIR Snæfellingarnir Hlynur Bæringsson og Justin Shouse er ánægðir með spila-
mennsku lið síns upp á síðkastið. FRÉTTABLAÐIÐ/ANTON
ÚRVALSLIÐIÐ
Umferðir 16 til 22
Justin Shouse (Snæfelli)
Cedric Isom (Þór Akureyri)
Brenton Birmingham (Njarðvík)
Páll Axel Vilbergsson (Grindavík)
Hlynur Bæringsson (Snæfelli)
Besti leikmaður:
Justin Shouse (Snæfelli)
Besti þjálfari:
Geof Kotila (Snæfelli)
Besti dómari:
Sigmundur Már Herbertsson
FÓTBOLTI Hannes Þ. Sigurðsson,
sem gekk í raðir GIF Sundsvall á
dögunum, fór á sína fyrstu æfingu
með liðinu í gær. Miklar vonir eru
bundnar við Hannes og Cain Dot-
son, yfirmaður íþróttamála hjá
félaginu, kvað, í nýlegu viðtali,
Hannes vera síðasta púslið sem
vantaði í liðið.
„Ég ráðfærði mig við nokkra
leikmenn sem ég kannaðist við
sem leika í Allsvenskan-deildinni
og þeir sögðu að deildin myndi
henta mér vel. Ég talaði vitanlega
líka við Sverri Garðarsson góðvin
minn sem hafði ekkert nema gott
um Sundsvall að segja,“ sagði
Hannes í viðtali á heimasíðu GIF
Sundsvall í gær. Fjárfestingarfyr-
irtækið Norrlandsinvenst lagði
hönd á plóginn við kaupin á Hann-
esi, en hann ku vera langdýrasti
leikmaður í sögu félagsins. - óþ
Hannes Þ. Sigurðsson kominn til Svíþjóðar:
Æfði með Sundsvall
BRATTUR Hannes kvaðst hlakka mikið til
að spila fyrir GIF Sundsvall í Allsvenskan-
deildinni. ANDERS NILSSON
> Ragnheiður í of stórum sundbol
Sundkonurnar Ragnheiður Ragnarsdóttir og Sigrún Brá
Sverrisdóttir komust ekki í undanúrslit í 100 metra skrið-
sundi á Evrópumótinu í Hollandi. Báðar syntu samt undir
ÓL-lágmarki. Sigrún Brá bætti sig talsvert en tími hennar
dugði aðeins í 38. sæti. Ragnheiður var
aftur á móti hálfri sekúndu frá sínu
besta en varð í 25. sæti. Fram kemur
á heimasíðu Sundsambandsins að
Ragnheiður segist vera í betra formi
en tíminn gefi til kynna. Vandamálið
í þessu sundi hafi verið að hún hafi
verið í sundbol sem var númeri of stór
og fór því talsvert vatn inn á bakið
sem hægði á sundinu.
HANDBOLTI Það verða talsverð-
ar breytingar á handknatt-
leiksliði HK í sumar. Miglius
Astrauskas mun láta af störf-
um sem þjálfari og halda
heim á leið þar sem hann er
landsliðsþjálfari Litháen.
Aðstoðarmaður hans,
Gunnar Magnússon,
mun taka við sem
aðalþjálfari og verður
gengið frá ráðningu
hans eftir páska.
Breytingar verða
einnig á leikmanna-
hópi félagsins en August-
as Strazdas, sem hefur
verið í lykilhlutverki hjá
liðinu síðustu ár, er á
förum og líklega til
Spánar. Óvissa er með
stöðu þeirra Tomas
Eitutis og Sergey Pet-
raytis en þeir munu
þurfa að taka á sig launa-
lækkun vilji þeir vera
áfram. Þeir verða ekki
áfram á sömu forsendum.
HK er þessa dagana í
viðræðum við þá Valdi-
mar Þórsson og
Sverre Jakobsson.
HK hefur þegar gert
Sverre tilboð og
bíður eftir svari frá
landsliðsmanninum.
Valdimar lék frábær-
lega fyrir HK áður en
hann fór til Svíþjóðar
og binda HK-menn
vonir við að hann vilji
koma aftur í raðir
félagsins. - hbg
Breytingar hjá handboltaliði HK næsta vetur:
Gunnar í stað Migliusar
GUNNAR MAGNÚSSON
Verður aðalþjálfari hjá
HK næsta vetur.
FRÉTTABLAÐIÐ/VALLI
ÍSLAND 2008
UNDANKEPPNI HM
U-20 HANDBOLTI KVENNA
U20 landslið kvenna í handbolta á HM 2008
Mættu á pallana, láttu í þér heyra og hjálpaðu til við að senda stelpurnar
á HM. Allir leikirnir fara fram í íþróttahúsi HK í Digranesi, Kópavogi.
19. mars kl. 18.00 Serbía - Írland
kl. 20.00 Ísland - Ungverjaland
20. mars kl. 14.30 Ungverjaland - Búlgaría
kl. 16.30 Írland - Ísland
21. mars kl. 14.30 Búlgaría - Írland
kl. 16.30 Serbía - Ísland
22. mars kl. 14.30 Írland - Ungverjaland
kl. 16.30 Búlgaría - Serbía
23. mars kl. 14.30 Ungverjaland - Serbía
kl. 16.30 Ísland - Búlgaría
LEIKIRNIR:
MEÐ PÓSTINUM Á HM
H
V
ÍT
A
H
Ú
S
IÐ
/S
ÍA
–
0
8
–
0
5
3
2
FRÍTT INN!