Fréttablaðið - 22.04.2008, Blaðsíða 10

10 22. apríl 2008 ÞRIÐJUDAGUR
Veltipönnur - gufupottar
eldavélar - kæliklefar
gufuofnar - háfar
Jóhann Ólafsson & Co.
Sundaborg 9-11 - 533-1900
www.olafsson.is
HEILBRIGÐISMÁL „Það sem kemur okkur helst á
óvart er það að notkun nikótínlyfja er mun
meiri hér en á hinum Norðurlöndunum.
Miðað við það eru það vonbrigði hversu fáum
tekst að hætta að reykja,“ segir Bára
Sigurjónsdóttir, verkefnisstjóri tóbaksvarna
hjá Lýðheilsustöð.
Nýlega voru kynntar niðurstöður rann-
sóknar um reykingavenjur fólks á Íslandi og
kannað sérstaklega hvað einkennir þá sem
hafa reynt að hætta að reykja. Það er í fyrsta
sinn sem slíkt er kannað hér á landi en
Lýðheilsustöð hefur reglulega kannað hve
margir reykja.
Alls reykja 22 prósent Íslendinga á
aldrinum 15 til 89 ára daglega og rannsóknin
sýnir að 66 prósent reykingafólks höfðu
reynt að hætta að reykja á síðustu tólf
mánuðum. Sjötíu prósent þeirra sem tókst að
hætta að reykja fengu enga sérstaka aðstoð
en rúmlega 22 prósent notuðu reykleysislyf.
Nokkuð stór hluti þeirra sem enn reyktu
notaði enn nikótínlyfin sem ekki er í sam-
ræmi við leiðbeiningar um notkun slíkra
lyfja.
„Niðurstöðurnar sýna að fólk vill hætta að
reykja en flest bendir til þess að reykinga-
lyfin duga ekki ein og sér. Fyrir mér staðfest-
ir þetta að fólk þarf að fá stuðning og sú
þjónusta þarf að vera aðgengilegri enda er
vitað að með stuðningi og lyfjum eru tvöfalt
meiri líkur á að einstaklingi takist að hætta
að reykja,“ segir Bára og bætir því við að
víða erlendis sé slík þjónusta í boði á
heilsugæslustöðvum og lyfin jafnvel niður-
greidd. - þo
Margir nota reykingalyf en fáum tekst að hætta að reykja:
Þeir sem vilja hætta að reykja þurfa aðstoð
REYKLEYSISLYF Mörgum mistekst að hætta að reykja
en halda samt áfram að nota lyfin samhliða reyking-
unum.
SÍÐUSTU DAGAR
RÝMINGARSÖLUNNAR
40-70%
AFSLÁTTUR AF ÖLLUM VÖRUM
TÆMIÐ HILLURNAR
EKKI BUDDURNAR
GILDIR Í VERSLUNUM OKKAR
Í KRINGLUNNI OG SMÁRALIND
SVALUR PISSAR Pissustrákurinn frægi í
Brussel, höfuðborg Belgíu, hefur þarna
verið klæddur upp sem teiknimynda-
fígúran Svalur í tilefni þess að belgíska
teiknimyndatímaritið Spirou, eða
Svalur, er sjötíu ára. NORDICPHOTOS/AFP
BANDARÍKIN, AP Enn á ný berst Hill-
ary Clinton fyrir lífi sínu í próf-
kjörsbaráttu Demókrataflokks-
ins. Kosið verður í Pennsylvaníu,
þar sem kosið er um atkvæði 158
kjörmanna.
Skoðanakannanir spá henni
sigri, en sigurinn þarf þó að vera
stór til að sannfæra leiðtoga
flokksins um að hún eigi betri
möguleika en Barack Obama gegn
repúblikanum John McCain.
Þau Obama og Clinton hafa
verið á stanslausum þeytingi um
ríkið síðustu dagana til að tryggja
sér sem flest atkvæði. Á þeytingn-
um hafa þau látið æ harðari orð
falla hvort um annað.
Obama tókst þó að hrósa and-
stæðingi þeirra beggja, John
McCain, með nokkuð óvæntum
hætti: „Hvor demókratinn sem er
væri betri en John McCain, en öll
þrjú værum við betri en George
Bush.“
Þetta kallaði strax á viðbrögð
frá Clinton: „Við þurfum fram-
bjóðanda sem tekst á við John
McCain, en hvetur hann ekki
áfram.“
Peningar halda áfram að
streyma í kosningasjóði þeirra
beggja, en Obama stendur þó mun
betur að vígi fjárhagslega. Kosn-
ingavélar hans söfnuðu 41 milljón
dala í mars, og hann hefur 42
milljónir til umráða í þessum
mánuði, en í herbúðum Clintons
söfnuðust aðeins tuttugu milljónir
dala og í byrjun apríl hafði hún úr
níu milljónum að spila. Hins vegar
skuldar kosningasjóður hennar
rúmlega tíu milljónir, þannig að í
raun er hún í mínus.
Bandaríska fréttastofan Assoc-
iated Press segir að Obama hafi
nú tryggt sér stuðning 1.646 full-
trúa á landsfundi Demókrata-
flokksins í lok ágúst, en Clinton
þykir samkvæmt sömu heimild
eiga vísan stuðning 1.508 full-
trúa.
Í þessum tölum eru taldir með
þeir „ofurfulltrúar“ sem þegar
hafa lýst yfir stuðningi sínum við
annan hvorn frambjóðandann. Til
þess að hljóta útnefningu flokks-
ins þarf atkvæði 2.025 fulltrúa.
Eftir prófkjörið í Pennsylvaníu
í dag eru enn eftir prófkjör í níu
ríkjum með samtals rúmlega 400
kjörmenn. Síðustu prófkjörin
verða ekki fyrr en í byrjun júní,
hinn 1. júní í Púertó Ríkó og svo 3.
júní í Montana og Suður-Dakóta.
gudsteinn@frettabladid.is
Clinton berst
fyrir lífi sínu
Nærri 160 kjörmenn eru í húfi í prófkjöri Demó-
krataflokksins í Pennsylvaníu í dag. Hillary Clinton
þarf á yfirburðasigri að halda til að eiga möguleika.
ATKVÆÐAVEIÐAR Á GÖTUHORNI Hillary Clinton lét sig ekki muna um að stíga upp
á kassa á götuhorni í York, fjörutíu þúsund manna bæ í Pennsylvaníuríki. Nú munar
um hvert atkvæði. FRÉTTABLAÐIÐ/AFP