Fréttablaðið - 22.04.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Ketilbjöllur voru notaðar fyrr á tímum til að
vigta korn á ökrum Rússlands. Vala Mörk Jó-
hannsdóttir notar þær sem lóð í líkamsrækt.
Orðið ketilbjöllur kemur frá formi lóðanna en þau
eru kúlur með handfangi og minna á teketil án
stútsins. Vala Mörk Jóhannesdóttir kynntist
ketilbjöllunum í Danmörku og flutti þær með sér
heim.
„Ég fór að kynna mér þetta í Danmörku árið
2006. Ég keypti mér ketilbjöllu og fór að æfa með
henni. Ég fann hvað þetta hafði góð áhrif á líkam-
ann og skráði mig strax á leiðbeinandanámskeið,“
segir Vala en hún hefur verið með ketilbjöllunám-
skeið hér á landi undanfarið eitt og hálft ár. Hún er
iðjuþjálfi að mennt en hefur snúið sér að einka-
þjálfun.
„Nú vinn ég með fólki áður en það veikist,“ segir
Vala.
Ketilbjöllurnar eru misþungar og er sú léttasta
átta kíló og sú þyngsta 48 kíló. Æfingar með
ketilbjöllum ganga út á að nota sem flesta vöðva
líkamans og vinna bæði með þol og styrk í einu.
Vala segir ketilbjölluþjálfunina gagnast fólki í
amstri hversdagsins.
„Æfingarnar skila sér í daglega lífinu hvort sem
það er við að bera innkaupapokana eða eltast við
krakkana. Það er ekki einungis vegna þess að
styrkurinn og þolið eykst heldur verða skilaboð til
taugakerfis og vöðva skýrari. Ég hef verið að kynna
ketilbjölluþjálfun fyrir einkaþjálfurum hér á landi
og áhuginn fer vaxandi. “
Vala hyggst kenna ketilbjöllunámskeiðin fram á
sumarið en svo ætlar hún að breyta til. „Það tekur
einhver við af mér því ég ætla með fjölskylduna í
heimsreisu. Við erum búin að safna fyrir ferðinni í
nokkur ár og ætlum í kringum hnöttinn og stoppa á
hverjum stað. Ketilbjöllurnar eru sameiginlegt
áhugamál mín og mannsins míns svo við kíkjum
örugglega á þær í leiðinni.“ heida@frettabladid.is
Kraftur í ketilbjöllu
HNLFÍ í Hveragerði
verður með heilsusamlegt
hádegisverðarhlaðborð á
sumardaginn fyrsta og er
öllum velkomið að koma.
Verð fyrir fullorðna er
1.350 krónur en frítt er
fyrir börn yngri en tólf
ára. Gestum býðst
síðan að hafa það
gott í nýju baðhúsi
stofnunarinnar án
endurgjalds.
Heilsukostur – Kökur og
eftir réttir heitir námskeið sem
kennt verður hjá Manni lifandi í
dag, þriðjudaginn 22.
apríl, frá klukkan 18 til
20. Auður Ingibjörg
Konráðsdóttir kennir
hvernig á að töfra
fram holla en
góða eftirrétti
án mikillar fyrir-
hafnar og gefur
uppskriftir.
Hjúkrunarþjónusta er í boði í
tveimur verslunum Lyfju, í Lágmúla og
á Smáratorgi. Hægt er að leita ráðgjafar
um val og notkun á allri
almennri hjúkrunar-
vöru og ýmiss konar
stoðvöru en í Lágmúla
fást ýmsar hjúkrunar-
vörur og hjálpartæki
sem Tryggingastofnun
ríkisins greiðir niður.
Vala Mörk Jóhannsdóttir segir
æfingar með ketilbjöllu skila
sér í daglegu amstri.
FR
ÉT
TA
B
LA
Ð
IÐ
/A
R
N
ÞÓ
R