Fréttablaðið - 22.04.2008, Blaðsíða 38
22 22. apríl 2008 ÞRIÐJUDAGUR
folk@frettabladid.is
> ÁNÆGÐ MEÐ EINELTIÐ
Hayden Panettiere kveðst hafa
verið „pyntuð“ af hrekkjusvínum
í skóla vegna velgengni sinnar,
en hún er sannkölluð barna-
stjarna. Heroes-leikkonan,
sem steig fyrstu skref sín á
leiklistarbrautinni átta mán-
aða að aldri, kveðst í dag
ánægð með eineltið;
það hafi gert hana að
sterkari manneskju.
Bárður Örn Bárðarson vann
spurningakeppni um tónlistar-
manninn Bubba Morthens sem
var haldin í fyrsta sinn á
skemmtistaðnum Classic Rock
fyrir skömmu. Fékk hann þar
með heiðurstitilinn Bubbasér-
fræðingurinn 2008.
Í úrslitarimmunni sátu
keppendur uppi á sviði og
svöruðu spurningum er vörðuðu
feril Bubba, sem Trausti Már
Ingason, einn harðasti Bubba-
aðdáandi landsins, samdi.
Verðlaun voru veitt fyrir þrjú
efstu sætin auk þess sem allir
keppendur fengu geisladiska með
Bubba í boði Senu.
Bárður vann
Bubba-keppni
BÁRÐUR ÖRN BÁRÐARSON Bárður Örn
vann spurningakeppni um Bubba Mort-
hens sem var haldin á Classic Rock.
Bítillinn fyrrverandi Sir Paul
McCartney hefur hvatt fólk til að
gerast grænmetisætur til að
draga úr hlýnun jarðar.
McCartney, sem hefur verið
grænmetis æta í langan tíma,
segir að kjötiðnaðurinn hafi mikil
áhrif á þessa hlýnun.
„Ég hvet alla til að íhuga að
stíga þetta skref til þess að hjálpa
umhverfinu fyrir börnin okkar
sem eru að vaxa úr grasi,“ sagði
hann. Bætti hann því við að það
hefði komið sér á óvart að helstu
umhverfisstofnanir heims hefðu
ekki hvatt fólk til þess að gerast
grænmetisætur. Samkvæmt
skýrslu Sameinuðu þjóðanna frá
árinu 2006 senda nautgripir frá
sér meira magn af gróðurhúsa-
lofttegundum en vélknúin
farartæki.
Grænmeti í
stað kjöts
PAUL MCCARTNEY Bítillinn fyrrverandi
hvetur fólk til að gerast grænmetisætur.
Paris Hilton og Benji Madden hefur verið velt úr sessi sem
nýjasta Hollywood-parinu. Það eru leikararnir Kirst-
en Dunst og Ryan Gosling sem bera titilinn nú, en
um helgina sást til þeirra „í sleik“ á barnum The
Box Club í New York, samkvæmt heimasíðu Perez
Hilton. Dunst og Gosling, sem er hvað þekktastur
fyrir leik sinn í stelpumyndinni The Notebook,
munu hafa hist skömmu eftir að Dunst kom úr með-
ferð á Cirque Lodge í Utah í síðasta mánuði, en
þau sáust fyrst saman á stefnumóti í New
York fyrr í mánuðinum.
Dunst hefur verið einhleyp frá því að
leiðir hennar og Johnnys Borrell, úr hljóm-
sveitinni Razorlight, skildu á síðasta ári.
Gosling hætti hins vegar með Rachel
McAdams, móttleikkonu sinni úr Note-
book, í apríl í fyrra eftir tveggja ára sam-
band. Í kjölfar þess sagði Gosling í viðtali
að konur væru reiðar sér fyrir að hafa
slitið sambandinu. „Ein stelpa vatt sér að
mér úti á götu og lamdi mig næstum því
og spurði: „Hvernig gastu gert þetta?
Hvernig gastu sleppt stelpu eins og
henni?“,“ sagði Gosling þá. Miðað
við vinsældir McAdams er því
spurning hvernig aðdáendum
Goslings líst á nýju kærustuna.
Kirsten og Ryan nýjasta parið
ÓVINSÆLL EFTIR MCADAMS Ryan
Gosling hætti með Rachel McAdams
í fyrra og varð í kjölfarið óvinsæll hjá
mörgum konum.
ÁST EFTIR MEÐFERÐ Kirsten Dunst
og Gosling munu hafa hist skömmu
eftir að Spiderman-leikkonan kom úr
meðferð í síðasta mánuði.
Lindsay Lohan er farin að drekka
að nýju, að því er kemur fram á
heimasíðunni People.com. Lohan
fór í heilar þrjár meðferðir á
síðasta ári og hefur farið mikinn í
viðtölum það sem af er þessu ári
um nýtt og betra líf sitt án
áfengis.
Um helgina sást hún hins vegar
á næturklúbbnum Hawaiian
Tropic Zone í New York með
vinkonu sinni, plötusnúðnum
Samönthu Ronson. Tímaritið
People greinir frá því að Lohan
hafi drukkið nokkuð af vodka í
Red Bull og dansað alla nóttina á
enda áður en hún yfirgaf klúbb-
inn með Ronson um hálf fimm um
morguninn. Það þykir því liggja
ljóst fyrir að Lohan sé dottin af
títtnefndum edrúvagni.
Lohan dottin
af vagninum
FALLIN Samkvæmt heimildum People er
Lindsay Lohan ekki lengur edrú, en hún
fór í þrjár meðferðir á síðasta ári.
NORDICPHOTOS/GETTY
Ungverjar taka nú þátt í Euro-
vision í sjöunda skipti. Besti
árangur þeirra til þessa er fjórða
sætið árið 1994. Í ár er söngkon-
an Csézy fulltrúi þjóðarinnar
með lagið Candlelight. Hún var á
dögunum að syngja í Hamburg
þar sem James Blunt var með
tónleika sama kvöld. Tónlistar-
fólkið mun hafa hist og að sögn
ungversku kynningardeildarinn-
ar „fór vel á með þeim“. Verð-
andi Íslandsvinurinn James
Blunt mun hafa haft svo gaman
af samverunni með Csézy að
hann mætti of seint á eigin tón-
leika. Hann á einnig að hafa lofað
að kjósa ungverska lagið.
Csézy er 28 ára og þykir hafa
áþekka söngrödd og Céline Dion.
Foreldrar hennar eru miklir
áhugamenn um ungverskt hand-
verk, svokallaðan matyó-útsaum,
og smitaðist áhuginn til dóttur-
innar. Söngkonan er meira að
segja svo forfrömuð að hún fór
til Japans þegar sýning um
matyó-útsauminn var sett þar
upp og kenndi Japönunum nokk-
ur munstur.
James Blunt hrífst af saumastúlku
Breski sjónhverfingamaðurinn
Derren Brown er kominn út úr
skápnum. Brown, sem hefur
stjórnað sjónvarpsþáttunum
Mind Control við miklar vinsæld-
ir, hefur átt í ástarsambandi við
annan mann undanfarið ár og er
afar hamingjusamur.
„Að koma út úr skápnum er
nokkuð sem maður spáir ekkert í
þegar maður er í sviðsljósinu.
Maður verður samt að gefa út
yfirlýsingu um það og vera
heiðarlegur því annars verður
þetta að myrku leyndarmáli í
huga manns,“ sagði hinn 37 ára
Brown og bætti við í léttum dúr:
„Ég vil biðja allar stúlkurnar sem
voru kannski skotnar í mér
afsökunar á þessu.“ Hann segir
að kærastinn sinn sé ekki mikið
fyrir sviðsljósið og hafi haft lítinn
áhuga á töfrabrögðum þegar þeir
kynntust.
Brown út úr
skápnum
DERREN BROWN Sjónhverfingamaður-
inn snjalli er kominn út úr skápnum.
HEILLAÐI BLUNT UPP ÚR SKÓNUM Söng-
konan Csézy keppir fyrir Ungverja.
31 DAGAR TIL STEFNU
Sindri Lúðvíksson segist
ekki skilja ummæli lög-
reglunnar í fjölmiðlum
öðruvísi en svo að hann hafi
ekkert brotið af sér þegar
pókermót hans var stöðvað í
fyrra. Karl Ingi Vilbergs son
hjá lögreglunni í Reykjavík
segir niðurstöðu í Gismo-
málinu að vænta á næst-
unni.
„Í ljósi þessa hlýt ég bara að fá vör-
urnar mínar bráðum aftur,“ segir
Sindri Lúðvíksson hjá spilaverslun-
inni Gismo þegar hann er inntur
eftir ummælum Óskars Sigurpáls-
sonar, varðstjóra hjá lögreglunni á
höfuðborgarsvæðinu, í Fréttablað-
inu í gær. Þar var greint frá því að
fyrsta íslenska meistaramótið í
póker yrði haldið á vefsíðunni
pokerhills.com í maí. Óskar sagði af
því tilefni að svo lengi sem þriðji
aðili hagnaðist ekki og þátttöku-
gjaldið rynni óskert í verðlaunaféð
væri mótið líklega löglegt. „Það
kom alltaf skýrt fram í fjölmiðlum
og auglýsingum að þátttökugjaldið
myndi fara í verðlaunaféð. Ég get
líka sýnt fram á að ég tapaði á þessu
því það kostaði í kringum tvö hundr-
uð þúsund krónur að halda mótið,
leigja húsnæðið og kaupa auglýs-
ingar. Ég seldi hins vegar aðeins
varning fyrir 25 þúsund,“ segir
Sindri, sem er orðinn langeygur
eftir niðurstöðu í máli sínu en
pókermót á hans vegum var stöðv-
að þann 16. júní á síðasta ári.
Karl Ingi Vilbergsson, sviðstjóri
hegningarlagabrota, sem fer með
rannsókn Gismo-málsins, segir
niður stöðu að vænta á næstunni.
Hann vildi þó ekki gefa upp nein
tímamörk. Karl vildi ekki tjá sig
efnislega um Gismo-málið en sagði
að unnið væri eftir ákveðnum dóma-
fordæmum. „Þar hafa menn borið
fyrir sig að þeir hafi tapað svo mikið
á svona mótum. Hins vegar stendur
alveg skýrt og greinilega í lögunum
að menn megi hvorki hafa beinar né
óbeinar tekjur af því að halda svona
mót,“ útskýrir Karl. Spurður af
hverju málið hefði tafist svona
sagði Karl Ingi að ástæðan væri
erill hjá lögreglunni.
freyrgigja@frettabladid.is
Póker-Sindri gleðst yfir
ummælum lögreglunnar
ÓÞREYJUFULLUR Sindri Lúðvíksson er orðinn langeygur eftir niðurstöðu en tæpt ár er síðan pókermót á hans vegum var stöðvað.
FRÉTTABLAÐIÐ/VILHELM