Fréttablaðið - 22.04.2008, Blaðsíða 12

12 22. apríl 2008 ÞRIÐJUDAGUR
Pottar - pönnur - sleifar - ausur
hnífapör - glös - diskar
kokkafatnaður
Jóhann Ólafsson & Co.
Sundaborg 9-11 - 533-1900
www.olafsson.is
SVEITARSTJÓRNIR Listi með undirskriftum 385
íbúa sem vilja lækkun fasteignagjalda í
Hveragerði var lagður fram á fundi bæjar-
ráðs á fimmtudaginn.
„Það er búið að vera mikil óánægja vegna
hækkunar á fasteignagjöldunum. Og að við
séum hærri en í Reykjavík,“ segir í skjalinu
sem á rita nöfn sín þeir sem mótmæla hækkun
fasteignagjalda.
Meirihluti bæjarráðs sagðist fagna þeim
áhuga sem íbúar sýndu bæjarmálefnum með
því að rita nafn sitt undir áskorunina en að á
miðju fjárhagsári væri ekki hægt um vik að
verða við áskorun af þessu tagi enda hefðu
allar framkvæmdir verið löngu ákveðnar.
„Við höfum áður sagt að gjöld bæjarbúa eru
ákvörðuð við fjárhagsáætlunargerð hvers árs
og svo verður einnig í ár,“ sögðu fulltrúar
meirihlutans í bæjarráði, sem felldu tillögu
minnihlutans um að lækka álagningarprósentu
fasteignagjaldanna um nítján prósent þannig
að hún yrði 0,277 prósent af fasteignamati.
„Veruleg hækkun á fasteignamati hefur
leitt til þess að Hvergerðingar greiða mun
hærri fasteignaskatt en íbúar nágrannasveitar-
félaga,“ sagði í bókun minnihlutans, sem
kvaðst telja að lækkunartillagan hefði ekki
áhrif á fjárhagsáætlun bæjarins því að í henni
hefði ekki verið gert ráð fyrir hækkun
fasteignagjalda. - gar
Óánægðir íbúar í Hveragerði skila inn undirskriftalista vegna fasteignagjalda:
Bærinn neitar að lækka fasteignagjöld
ALDÍS HAFSTEINSDÓTTIR Meirihluti sjálfstæðismanna
í bæjarráði Hveragerðis segir ekki hægt að lækka fast-
eignaskatta núna. Aldís Hafsteinsdóttir er bæjarstjóri.
MYND/EGILL BJARNASON
Á GANGI Í SANDROKI Þessi kona lenti
í sandroki miklu sem reið yfir Bagdad,
höfuðborg Íraks, í gær. NORDICPHOTOS/AFP
Auglýsingasími
– Mest lesið
FÉLAGSMÁL Mun hærra hlutfall
íbúa höfuðborgarinnar nýtur
félagslegrar þjónustu af ein-
hverju tagi en íbúa nágranna-
sveitarfélaganna.
Svar félags-
og trygginga-
málaráðherra
við fyrirspurn
Sivjar Friðleifs-
dóttur, þing-
flokksformanns
Framsóknar-
flokks, leiðir
þetta í ljós.
Fjórtán pró-
sent Reykvík-
inga njóta
félagslegrar þjónustu en sjö pró-
sent íbúa Hafnarfjarðar, Kópa-
vogs og Seltjarnarness. Í Garða-
bæ er hlutfallið sex prósent en
fimm prósent í Mosfellsbæ, þar
sem það er lægst.
Félagsleg þjónusta í þessu til-
viki er ferðaþjónusta fyrir aldr-
aða og fatlaða, félagslegar íbúðir,
fjárhagsaðstoð og ráðgjöf, heima-
þjónusta og félagsleg liðveisla og
húsaleigubætur. Í svari ráðuneyt-
isins kemur fram að ekki hafi bor-
ist samræmdar upplýsingar frá
öllum sveitarfélögum. Jafnframt
er upplýst að í ráðuneytinu sé
unnið að frekari greiningu á
félagslegri þjónustu á vegum
sveitarfélaga um allt land.
Siv Friðleifsdóttir segir upplýs-
ingarnar athyglisverðar en brýnt
sé að ráðuneytið greini málið
frekar, líkt og það boði.
„En það blasir við að sveitar-
félögin bera misþunga byrði
vegna félagslegrar þjónustu og
það er holur hljómur í því þegar
sum sveitarfélög hæla sér af
tekjuafgangi þegar augljóst er að
tekjur þeirra af útsvari eru mjög
mismunandi enda íbúasamsetn-
ingin misjöfn,“ segir Siv. Umhugs-
unarvert sé að Reykjavík skuli
skera sig úr, líkt og tölurnar segja
til um. „Maður spyr sig hvort þeir
sem þurfa mikla og flókna þjón-
ustu flytji til höfuðborgarinnar
því þar sé þjónustuna að hafa,“
segir hún.
Siv hefur fylgst með þróun
þjónustu sveitarfélaga við aldr-
aða og segir mörg þeirra hafa
dregið úr þjónustunni með árun-
um. Það hafi þau gert um leið og
þau hafi kallað eftir aukinni
aðkomu ríkisins að þjónustu við
eldri borgara. Í ofanálag gumi þau
af góðri afkomu. Þetta gangi ekki
upp. bjorn@frettabladid.is
Flestir njóta
félagsaðstoðar
hjá borginni
Fjórtán prósent Reykvíkinga njóta félagslegrar þjón-
ustu en mun færri í nágrannasveitarfélögunum.
Lægst fer hlutfallið í fimm prósent. Dregið hefur úr
þjónustu við aldraða segir Siv Friðleifsdóttir.
RÁÐHÚS REYKJAVÍKUR Fjórtán prósent Reykvíkinga njóta félagslegrar þjónustu
sveitarfélagsins en fimm prósent íbúa Mosfellsbæjar. Siv Friðleifsdóttir segist spyrja
sig hvort fólk sem þurfi mikla og flókna þjónustu flytji til höfuðborgarinnar því þar sé
þjónustu að hafa. FRÉTTABLAÐIÐ/HARI
SIV
FRIÐLEIFSDÓTTIR
REYKJAVÍK SKER SIG ÚR
Hlutfall íbúa á höfuðborgarsvæðinu
sem njóta félagslegrar þjónustu
Reykjavík 14%
Hafnarfjörður 7%
Kópavogur 7%
Seltjarnarnes 7%
Garðabær 6%
Mosfellsbær 5%
Sveitarfélög á landsbyggðinni
Reykjanesbær 15%
Ísafjörður 14%
Akureyri 12%
Hornafjörður 12%
Árborg 10%
Fljótsdalshérað 6%
Sparakstur með Volkswagen
5
Das Auto.
HEKLA Laugavegi 172-174 · sími 590 5000 · www.hekla.is · hekla@hekla.is
Umboðsmenn HEKLU um land allt: Akureyri · Akranesi · Ísafirði · Reyðarfirði · Reykjanesbæ · Selfossi
Volkswagen – kolefnisjafnaður útblástur
Það er ódýrara
að bakka í stæði!
Þegar þú leggur bílnum skaltu ávallt reyna að snúa honum
þannig að þú getir ekið bílnum beint úr stæðinu þegar þú þarft
að nota hann næst. Þannig minnkar þú bæði eldsneytiseyðslu
og slit á búnaði bílsins.
Skráðu þig á námskeið í sparakstri
á volkswagen.is. Aðgangur ókeypis,
takmarkaður fjöldi sæta í boði.
Lau. 19/4, kl.
10:00 Fullt
Sun. 27/4, kl.
10:00 Fullt
Lau. 3/5, kl. 1
0:00 Örfá sæ
ti
Mið. 7/5, kl. 1
9:30 Örfá sæ
ti
Námskeiðin e
ru haldin
í HEKLU við L
augaveg.