Fréttablaðið - 22.04.2008, Blaðsíða 24
22. APRÍL 2008 ÞRIÐJUDAGUR4 ● fréttablaðið ● fl utningar
Upplýsingaþjónustan Halló
Norðurlönd er samnorrænt
verkefni sem aðstoðar við
flutninga innan Norðurland-
anna.
„Okkar hlutverk er að aðstoða
fólk sem flytur á milli Norður-
landanna. Við svörum spurningum
um öll praktísk atriði sem koma
upp og reynum einnig að berj-
ast gegn landamæra hindrunum,“
segir Alma Sigurðardóttir, verk-
efnisstjóri hjá upplýsingaþjón-
ustunni Halló Norðurlönd, eða
Hallo Norden, sem hefur starfað
í sjö ár á Íslandi.
Þjónustan er samnorrænt
verkefni sem er fjármagnað af
Norrænu ráðherranefndinni.
Aðalstöðvar eru í Danmörku og
auk útibúa í Danmörku og á Ís-
landi eru útibú í Noregi, Svíþjóð
og Finnlandi. Rekstur allra úti-
búanna er síðan í höndum nor-
rænu félaganna í hverju landi
fyrir sig.
„Flestir sem leita hingað eru
Íslendingar sem eru að flytja al-
farnir út eða að fara í nám. Yfir
helmingur þeirra sem leita til
okkar er að fara til Danmerkur,
en síðan spyrja sumir einnig um
Svíþjóð og Noreg,“ segir Alma.
Hún segir fólk helst velta fyrir
sér vinnu og húsnæði. „Við að-
stoðum við atvinnu- og húsnæðis-
leit en miðlum hvorugu. Hins
vegar beinum við fólki á rétta
staði,“ segir Alma.
Íslendingar eru stærsti hluti
þeirra sem leita til þjónustunn-
ar hérlendis og á síðasta ári bár-
ust 747 fyrirspurnir. Einnig leita
þangað þó nokkrir Norðurlanda-
búar sem flytja til Íslands árlega
og velta vöngum yfir gangi mála.
„Erlendar fyrirspurnir snúast
mikið um hvar fólk á að leita
læknisaðstoðar á Íslandi. Síðan
eru nokkrir sem eru að leita að
starfi. Þá veitum við fólki upplýs-
ingar um íslenskar atvinnumiðl-
anir,“ segir Alma.
Að öllu jöfnu á ekki að vera
flókið fyrir Norðurlandabúa
að flytja á milli þessara landa.
Hins vegar segir Alma að lög-
gjöf í hverju landi fyrir sig geti
valdið vanda. „Norðurlanda-
samningarnir eru í aðal atriðum
mjög góðir. Hins vegar er lög-
gjöfin í hverju landi stundum
ákveðin áskorun,“ segir Alma
og nefnir sem dæmi þungaðar
konur sem hafa misst rétt á
fæðingar orlofi og Íslendinga sem
flytja heim án pappíra til þess
að komast á ný inn í almanna-
tryggingakerfið.
„Góður undirbúningur er aðal-
málið. Þess vegna hvetjum við
fólk eindregið til að leita til okkar
og kanna alla málavexti áður en
flutt er,“ segir Alma og bætir við
að þjónustan eigi gott samstarf
við yfirvöld á Íslandi. Þar nefnir
hún meðal annars bæklinga
sem dreifðir eru á vinnumiðl-
anir, Lánasjóð íslenskra náms-
manna og Hag- og skattstofu á
Íslandi. „Við höfum haldið nám-
skeið fyrir íslenska embættis-
menn um Norðurlandasamning-
ana. Það hefur gengið mjög vel
og sem betur fer eru þeir vel að
sér og í raun mun betur en flestir
á hinum Norðurlöndunum.“
Upplýsingaþjónustan Halló
Norðurlönd er til húsa að Óðins-
götu 7. Nánari upplýsingar eru
veittar í síma 5111808 eða á www.
hallo norden.org - rh
Flestir spyrja um Danmörku
Alma Sigurðardóttir, verkefnisstjóri hjá
upplýsingaþjónustinni Halló Norður-
lönd eða Hallo Norden, segir góðan
undirbúning við flutning aðalmálið.
FRÉTTABLAÐIÐ/STEFÁN
Margt skal hafa hugfast við flutn-
ing á gæludýrum. Þeir sem ætla
að flytja gæludýr skulu til dæmis
ganga úr skugga um að ferða-
máti og staðsetning gæludýrsins
í farartæki misbjóði hvorki heilsu
þess né þoli meðan á flutningum
stendur.
Gæta skal þess að umbúnað-
ur sé vandaður til þess að koma
í veg fyrir hnjask eða meiðsli.
Hitastig meðan á flutningi stend-
ur skal miðast við eðliseiginleika
dýrsins, svo sem hita- og kuldaþol.
Þá er mælt með því að líta reglu-
lega eftir dýrinu meðan á ferða-
laginu stendur til þess að
tryggja að vel
fari um það.
Ef dýr, til
dæmis hundur,
köttur eða nag-
dýr, er flutt í
ferðabúri er
mælt með því
að búrið sé með
heilum botni og
það rúmgott að
dýrið geti staðið
í því, snúið sér við,
legið og hvílt sig. Þá
er ráðlagt að hafa göt eða rimla á
búrinu til þess að tryggja að dýrið
fái nægt súrefni og að sama skapi
útsýni.
Óráðlegt er að dýrið sé lengur
í búrinu en sex klukkustundir í
senn. Ef ferðatíminn er lengri er
mælt með því að dýrinu sé veittur
aðgangur að fersku vatni eða fóðri
og tækifæri til að hreyfa sig og at-
hafna sig eftir þörfum.
Óheimilt er að flytja gæludýr
í farangursrými bifreiðar nema
hægt sé að fylgjast með líðan þess
úr farþegarými meðan á ferðalagi
stendur.
Bannað er að
flytja veikt dýr
eða slasað eða dýr
sem komið er að
fæðingu, nema til
og frá dýralækni
eða í sérstökum
tilfellum.
Sjá nánar á www.
ust.is. - rve
Flutningur gæludýra
Ganga skal úr skugga um að umbúnaður dýranna meðan á ferðalagi stendur sé til
fyrirmyndar.
Óráðlegt er að gæludýr sé
lengur í búri en sex klukku-
stundir í senn í flutningum.
60% MARKAÐSHLUTDEILD Á ÍSLANDI ÁRIÐ 2004
MANITOU skotbómulyftarar - Þarfur þjónn, sem uppfyllir ströngustu gæði og væntingar þeirra kröfuhörðustu.
HANN ER GRIMMUR!
MANITOU MLT 634 TURBO INTERCOOLER
- VIÐURKENND VARAHLUTAÞJÓNUSTA í 44 ár
- Útvegum notaða skotbómulyftara
- Úrval notaðra lyftara á lager
Fjórhjóladrifinn
Fjórhjólastýrður
Lyftigeta: 3.400 KG
Lyftihæð: 6.050 MM
Gafflar: 1.200 MM
Vél: Perkins Turbo intercooler, 123 HÖ
LOAD SENSING!! Samtímis glussahreyfingar
án aukins snúningshraða vélar.
SKOTBÓMULYFTARI
PON PÉTUR O. NIKULÁSSON ehf.
Melabraut 23 • 220 Hafnarfjörður
Símar 552 2650 & 552 0110 • FAX: 552 1588 • e-maiL: pon@pon.is