Fréttablaðið - 22.04.2008, Blaðsíða 42
26 22. apríl 2008 ÞRIÐJUDAGUR
sport@frettabladid.is
> Fylkismenn á förum til Ríga
Fylkir tekur þátt í hinni umdeildu Intertoto-keppni í
sumar en íslensku liðin sem hafa tekið þátt í þessari
keppni hafa oftar en ekki misst fótanna í deildinni hér
heima. Í fyrstu umferð keppninnar mun Fylkir
etja kappi við lettneska liðið FK Riga og fer
fyrri leikurinn fram ytra 21. eða 22. júní. Síðari
leikurinn fer fram á Íslandi viku síðar. Sigur-
vegarinn í rimmunni mætir síðan Bohem-
ians frá Írlandi eða velska liðinu FC Rhyl.
Þeir leikir eru áætlaðir í byrjun júlí.
NBA Manu Ginobili var valinn
besti sjötti maðurinn í NBA-
deildinni með miklum yfirburð-
um. Ginobili var valinn í fyrsta
sæti á 123 seðlum af 124. Með
öðrum orðum fékk hann 615 stig
af 620 mögulegum þannig að
enginn efast um að þetta val hafi
verið rétt.
Ginobili átti frábært tímabil
með Spurs og var stigahæsti
maður liðsins með 19,5 stig að
meðaltali í leik, sem er hans besta
á ferlinum. Hann var þess utan
með 4,8 fráköst og 4,5 stoðsend-
ingar að meðaltali í leik. Ginobili
kom af bekknum í 51 af
74 leikjum
Spurs í vetur.
Þeir sem eru
gjaldgengir í
valið þurfa að
hafa komið af
bekknum í meiri-
hluta þeirra leikja
sem þeir hafa
spilað.
Leandro Barbosa
hjá Phoenix varð
annar með 283 stig,
en hann hlaut þessi
verðlaun í fyrra.
Jason Terry hjá
Dallas varð síðan þriðji
en hann fékk 44 stig.
- hbg
Manu Ginobili:
Besti varamað-
urinn í NBA
SNÆFELL-KEFLAVÍK 83-98
Stig Snæfells: Justin Shouse 23 (4
frák., 4 stoð), Jón Ólafur Jónsson 20
(5 frák.), Ingvaldur Magni Hafsteins-
son 14 (7 frák. 3 stoð), Hlynur Bær-
ingsson 12 (12 frák., 4 stoð), Sigurður
Þorvaldsson 9, Anders Katholm 5 (5
frák.)
Stig Keflavíkur: Tommy Johnson 27
(8 frák., 5 stoð), Bobby Walker 23
(6 frák., 7 stoð), Gunnar Einarsson
16, Anthony Susnjara 11, Magnús
Gunnarsson 11, Þröstur Jóhannsson
4, Jón Nordal Hafsteinsson 3 (4 frák.),
Sigurður Þorsteinsson 3 (9 frák.)
Það má víða finna fyrir kreppunni þessa dagana og þar á meðal í
íþróttalífinu á landinu. Fjölmörg félög eru byrjuð að halda að sér
höndum og önnur eru í óða önn að endurskipuleggja reksturinn og
lækka kostnað, ekki síst vegna launa. Handboltalið Stjörnunnar hafa
verið aðsópsmikil á leikmannamörkuðum síðustu ár en nú er svo
komið að í Garðabæ er byrjað að leysa leikmenn undan samningum.
Bæði Heimir Örn Árnason og Hlynur Morthens hafa fengið þau skila-
boð að þeir megi róa á önnur mið og Hlynur skrifaði undir samning
við Gróttu í gær.
„Það kom frekar flatt upp á mig að Stjarnan eiginlega vildi ekkert
hafa mig lengur. Mér var bara boðið að fara þó svo að ég væri með
samning. Ég væri ekkert inni í planinu hjá þjálfaranum og því mætti
ég fara,“ sagði Hlynur Morthens en hann játar fúslega að tíðindin,
sem hann fékk í síðustu viku, hafi ekki farið vel í sig í fyrstu.
„Fyrst var ég verulega fúll því ég ætlaði að halda áfram og slá
Roland út næsta vetur. Svona er þetta aftur á móti stundum og
ekkert við því að gera.“
Hlynur skrifaði svo seinni partinn í gær undir samning við Gróttu
en hann lék út á Nesi þegar Grótta og KR spiluðu saman undir
einum fána. „Það kom fyrirspurn frá einu öðru
liði en ég vildi fara í Gróttu. Ágúst hefur þjálfað
mig áður hjá Gróttu og eftir að ég heyrði í
honum var aldrei spurning að kýla á það.
Mér leið alltaf mjög vel úti á Nesi. Topp-
klúbbur þar sem vel er hugsað um allt,“
sagði Hlynur en það truflar hann ekkert
að spila í næstefstu deild.
Heimir Örn sagði við Fréttablaðið
í gær að hann hefði enga ákvörðun
tekið um sína framtíð. „Ég hefði nú
helst kosið að þetta hefði ekki lekið út
þannig að ég hefði getað unnið þessi
mál í friði,“ sagði Heimir, sem neitaði því
að vera í viðræðum við einhver félög
en sagði mál sín væntanlega leysast á
næstu misserum.
Ljóst er að mörg lið munu bítast um
þjónustu þess snjalla leikmanns.
BRUNAÚTSALA HJÁ STJÖRNUNNI: HEIMIR ÖRN Á FÖRUM OG HLYNUR MORTHENS SEMUR VIÐ GRÓTTU
Var verulega fúll út í Stjörnuna í fyrstu
KÖRFUBOLTI Keflvíkingar sýna
engin veikleikamerki á sér þessa
dagana og geta nú tryggt sér
Íslandsmeistaratitilinn á heima-
velli í Toyota-höllinni í Keflavík
eftir sannfærandi 15 stiga sigur,
83-98, í Stykkishólmi í gærkvöld.
Keflavík var með tökin á leiknum
allan tímann og Tommy Johnson
og Bobby Walker voru illviðráðan-
legir í seinni hálfleik þar sem þeir
skoruðu 31 af 50 stigum sínum.
Tommy átti frábæran leik og var
kosinn maður leiksins en hann var
með 27 stig, 8 fráköst og 5 stoð-
sendingar í gær. Keflavík hefur
nú unnið fimm sigra í röð eftir að
liðið lenti 0-2 undir í undanúrslita-
einvígi sínu á móti ÍR.
Snæfell skoraði fjögur fyrstu
stigin en Keflavík tók síðan öll
völd, komst síðan í 4-7 og 9-17 þar
sem Gunnar Einarsson skoraði
meðal annars átta stig á tveggja
mínútna kafla. Keflavík var síðan
fimm stigum yfir eftir fyrsta leik-
hlutann, 14-19. Keflvíkingar héldu
áfram frumkvæðinu út hálfleik-
inn en heimamenn söxuðu jafnt og
þétt á forskotið og munaði þar
miklu um frábæra innkomu Jóns
Ólafs Jónssonar sem skoraði 12
stig og hitti úr öllum skotum sínum
í öðrum leikhluta. Tveir þristar í
lok hálfleiksins, frá Anders Kat-
holm og Justin Shouse, komu síðan
muninum niður í tvö stig, 42-44,
fyrir hálfleik.
Tommy Johnson fór hamförum í
þriðja leikhlutanum þar sem hann
skoraði 16 stig og setti niður fjórar
þriggja stiga körfur þar sem oft
leit út fyrir að Snæfellingar tækju
hann ekki alvarlega fyrir utan en
hann var góður í að nýta sér það.
Tommy átti mikinn þátt í að Kefla-
víkurliðið var komið með níu stiga
forskot fyrir lokaleikhlutann, 64-
73.
Snæfellingar náðu að minnka
muninn niður í sex stig í fjórða
leikhluta, 83-89, en þeir komust
ekki nær og Keflavík kom munin-
um upp í 15 stig með því að skora
9 síðustu stigin í leiknum.
Magnús Þór Gunnarsson, fyrir-
liði Keflavíkur, var ánægður með
stöðuna á sínu liði. „Við vorum
alltaf yfir en þeir hætta aldrei. Við
vorum mjög sterkir í hausnum í
lokin. Við misstum stóru mennina
okkar út af í villuvandræði en sem
betur fer kom það ekki að sök í
þessum leik. Við missum fjóra
leikmenn út af með fimm villur en
sýndum að það er alltaf til nóg af
leikmönnum í Keflavík,“ sagði
Magnús Þór í leikslok. „Við vorum
með stærra hjarta en þeir. Ef við
spilum jafn vel og við höfum verið
að gera þá vinnum við pottþétt
næsta leik. Það er enginn fingur
kominn á bikarinn ennþá, við erum
búnir að vinna tvo sigra en þurf-
um einn í viðbót. Sá sigur kemur á
fimmtudaginn,“ sagði Magnús
áður en hann rauk í siguröskrin
inni í klefa.
„Þetta er gríðarlega svekkandi.
Sóknarleikurinn okkar er hikandi
og þeir eru að taka okkur á barátt-
unni. Við höfum verið að vinna
leikina þannig síðan Geof kom,“
sagði Snæfellingurinn Jón Ólafur
Jónsson, sem átti frábæran leik.
Þriðji leikurinn fer fram í
Toyota-höllinni í Keflavík á
fimmtudaginn og þar getur Kefla-
vík tryggt sér Íslandsmeistara-
titilinn í níunda sinn og í fjórða
sinn á sex árum. ooj@frettabladid.is
Við vorum með stærra hjarta
Magnús Gunnarsson, fyrirliði Keflavíkur, segir að hjartað hafi verið stærra hjá Keflvíkingum í gær og spáir
því að Keflavík landi titlinum á fimmtudag. Suðurnesjamenn unnu frábæran útisigur í gær, 83-98.
STEMNING Trommusveitin, sem
vaknaði af löngum dvala á dögunum,
lét vel í sér heyra í Fjárhúsinu í gær.
FRÉTTABLAÐIÐ/DANÍEL
FRÁBÆR Bobby Walker átti enn einn stórleikinn fyrir Keflavík í gær. Hann brýst hér
framhjá Sigurði Þorvaldssyni, sem var ólíkur sjálfum sér og fann sig alls ekki.
FRÉTTABLAÐIÐ/DANÍEL