Fréttablaðið - 22.04.2008, Blaðsíða 26

22. APRÍL 2008 ÞRIÐJUDAGUR6 ● fréttablaðið ● fl utningar
Fyrirtækið bilaflutningar.is flytur nánast
hvað sem er þótt það leggi megináherslu
á bílaflutninga að sögn Rúnars Sigurjóns-
sonar, framkvæmdastjóra fyrirtækisins.
„Fyrirtækið flytur í raun nánast hvað sem er.
Allt sem kraninn getur híft og bíllinn flutt fær
far, hvort sem um ræðir glugga, hurðir, rétt-
ingabekki, byggingarefni, trjágreinar, iðn-
aðarhurðir og þar fram eftir götum,“ segir
Rúnar Sigurjónsson, framkvæmdastjóri fyrir-
tækisins bilaflutningar.is, sem leggur þó mest
upp úr bifreiðaflutningum.
„Allir bifreiðaeigendur geta einhvern tím-
ann lent í því að þurfa að láta að flytja bílinn
sinn, til dæmis ef bifreiðin bilar eða viðkom-
andi lendir í umferðaróhappi og þarf að koma
ökutækinu á verkstæði,“ bendir Rúnar á.
Bilaflutningur.is notast við Mercedes-Benz
Vario 815 sem er sérhannaður til að flytja bíla
og hafa eigendur fornbíla nýtt sér þjónustuna
í miklum mæli að sögn Rúnars.
„Við höfum flutt mikið af gömlum bílum og
töluvert farið með bíla sem verið er að sand-
blása. Þegar búið er að taka dekk og öxla
undan þessu, þá er bara skelin eftir, en við
getum flutt þetta á mjög öruggan og þægi-
legan máta.
Þá kemur kraninn sér líka sérstaklega vel.
Þegar búið er að taka öll hjólin undan bílun-
um þá hífum við boddíið upp á bíl hjá okkur.
Síðan er það flutt á þann stað þar sem vinna
á í boddíinu. Við erum með sérstakar græjur
í það.”
Sumir taka upp á því að draga bílinn sjálfir
en Rúnar segir það geta verið varasamt og
beinlínis hættulegt bæði fyrir þá sem ætla sér
að draga bílinn og aðra vegfarendur.
„Mörg ökutæki sem bila og þarf að draga
burt, hafa skerta ökuhæfni og bremsugetu.
Því nýrri sem bílar eru því líklegra er að ekki
sé hægt að draga þá burt. Margir bílar, eins og
þeir sjálfskiptu, eru þannig útbúnir í dag að
það má bara alls ekki draga þá. Þá verður eitt-
hvað ónýtt í skiptingu eða millikassa.
Margir nýir bílar eru líka þannig úr garði
gerðir að það er einfaldlega ekki gott fyrir
drifbúnaðinn að þeir séu yfir höfuð dregnir.
Margir hafa hreinlega valdið stórtjóni á bún-
aði bíla með því að draga þá. Þetta eru oftast
dýr tjón sem þarf að borga úr eigin vasa.“
Til marks um þá fjölbreyttu þjónustu sem
fyrirtækið býður upp á, bætir Rúnar við að
starfsmennirnir geti sótt bíla sem fólk hafi
skilið eftir í miðbænum yfir helgi. „Svo er
sæti fyrir einn eða tvo ef þeir vilja fljóta
með,“ segir hann hress að lokum. - nrg
Allt sem kraninn getur híft
Rúnar segir að bilaflutningar.is flytji meira en bifreiðar. Í raun flytji starfsmenn fyrirtækisins allt sem kraninn getur
híft. FRÉTTABLAÐIÐ/ARNÞÓR
Víða um heim tíðkast sá siður
að gauka að flutningamönnum
einum köldum úr kælinum og
pitsusneið eftir vel unnin störf
og mikinn burð milli húsa.
Hvort sem einn öl er þakkar-
votturinn, pitsan, eða bara
súkkulaðimúffa og nýlagaður
kaffisopi, er sjálfsögð kurt-
eisi og einnig fallegt og vina-
legt að þakka fyrir sig með
persónulegri hætti en því að
reiða út seðlabúnt eftir dags-
verkið. Munum eftir að umb-
una hjálpar hellum okkar,
hvort sem það eru aðkeyptir
flutningsmenn eða vinir og
ættingjar, og stöndum klár
með notalegan glaðning í lok
flutningsdags.
Takk fyrir
hjálpina!
Eftir burð þungra húsmuna er gott
að gæða sér á pitsu.
NORDICPHOTOS/GETTY