Fréttablaðið - 25.04.2008, Blaðsíða 62
30 25. apríl 2008 FÖSTUDAGUR
menning@frettabladid.is
Sýning
Gunnar Kr. Jónasson myndlistar-
maður stendur fyrir sýningunni
Blýsólir í Listhúsi Ófeigs á
Skólavörðustíg 5, en þar sýnir
hann blýteikningar á pappír.
Sýningin stendur til mánaða-
mótanna næstu og því fer hver að
verða síðastur að berja hana
augum. Listhús Ófeigs er opið alla
daga vikunnar nema sunnudaga.
Tríóið Prisma heldur áhugaverða tónleika í Hvera-
gerðiskirkju næstkomandi sunnudag kl. 15. Tríóið
skipa þau Herdís Anna Jónsdóttir sem leikur á víólu,
Steef van Oosterhout sem leikur á slagverk og
Sólveig Anna Jónsdóttir sem leikur á píanó. Herdís
og Steef eru tónlistarunnendum væntanlega að
góðu kunn þar sem þau leika jafnframt með Sin-
fóníuhljómsveit Íslands og koma einnig fram undir
nafninu Dúó Stemma. Sólveig er píanókennari og
meðleikari að aðalstarfi. Öll hafa þau leikið með
ýmsum kammerhópum.
Á efnisskrá tónleikanna eru íslensk og erlend
verk, sem öll eru ágætlega þekkt. Flutt verða þjóð-
lög úr bók Bjarna Þorsteinssonar og leikin á óvenju-
leg slagverkshljóðfæri, meðal annars á steinaspil frá
Páli Guðmundssyni frá Húsafelli. Íslensk tónskáld
eru einnig fyrirferðamikil á efnisskránni; þar koma
við sögu þeir Snorri Sigfús Birgisson, Hallgrímur
Helgason og Atli Heimir Sveinsson. Verkin sem flutt
verða eru sannkallaðar litlar perlur úr listasmiðju
þeirra. Hlé skiptir tónleikunum í tvennt, en á seinni
hluta þeirra verður meðal annars leikinn Sverð-
dansinn eftir Katsjaturian og Tríóþættir Schostakov-
itch, sem hljóma einsktaklega vel fyrir hljóðfæra-
skipanina víólu, marimbu og píanó.
Tónleikarnir eru haldnir af Tónlistarfélagi Hvera-
gerðis og Ölfuss í samstarfi við FÍT og FÍH með
styrk úr Tónlistarsjóði. Aðgangseyrir er 1.000 kr.
fyrir félagsmenn í tónlistarfélaginu, börn og eldri
borgara, en 1.500 kr. fyrir aðra. - vþ
Slagverk, píanó og víóla
TRÍÓ PRISMA Koma fram í Hveragerðiskirkju á
sunnudag.
Ljósmyndasýningin Litli
verður opnuð í aðalúti-
búi Borgarbókasafnsins,
Tryggvagötu 15, í dag
kl. 17. Á sýningunni, sem
Borgarbókasafnið stendur
að ásamt Sendiráði Frakk-
lands, má sjá ljósmyndir
eftir frönsku listakonuna
Séverine Thévenet af brúð-
unni Litla, en þau ferðuðust
saman um íslenska náttúru
sumarið 2003.
Út frá ljósmyndunum varð til
barnabókin Litli Soliquiétude,
sem á íslensku myndi útleggjast
sem Einfriðsemd Litla. Séverine á
heiðurinn af myndunum í bókinni,
en textann samdi Catherine
Leblanc. „Þetta verkefni hófst í
raun með því að ég kom til Íslands
árið 2001 til að taka myndir tengd-
ar norrænni goðafræði, sem ég
hef mikinn áhuga á. Ég var hér í
mánuð og heillaðist algerlega af
náttúrunni. Ferðalagið var mikil
upplifun fyrir mig, hálfgerð end-
urfæðing og þegar ég sneri aftur
til Frakklands fann ég að ég varð
að komast aftur til Íslands; nátt-
úran hér á Íslandi er alveg einstök
og mér fannst ég tengjast henni
sterkum böndum. Mig langaði að
auki mikið til að segja frá upplif-
un minni með ljósmyndum. Árið
2003 fékk ég svo tækifæri til þess
þar sem ég fékk vinnu sem kokk-
ur fyrir ferðahópa á hálendi
Íslands. Rétt áður en ég kom til
Íslands fann ég brúðuna Litla og
hafði hann með mér í ferðalagið.
Svo myndaði ég hann í náttúrunni
hvenær sem tækifæri gafst, og
má því segja að hann sé hálfgerð-
ur staðgengill minn á myndun-
um,“ útskýrir Séverine.
Bókin um ferðalag Litla sam-
tvinnar megináhugasvið Séverine
þar sem hún hefur mikið unnið við
ljósmyndun og með brúður í gegn-
um tíðina. „Ég vann í mörg ár í
brúðuleikhúsi í Frakklandi. Ég er
heilluð af barnæskunni og mætti
segja að heimur listsköpunar
minnar vegi salt á milli þess barns-
lega og þess ævintýralega. Það var
því hálfpartinn rökrétt framvinda
að ég skapaði myndefni í barna-
bók,“ segir Séverine. „Í fyrstu ætl-
aði ég að hafa bókina með miklum
texta og markvissum söguþræði.
Mér þótti það þó ekki eiga við
myndirnar og prófaði því líka að
setja bókina upp sem myndabók
með engum texta. Það fór þó svo
að útgefandinn minn lagði til að
Catherine semdi textann og mér
fannst orð hennar ganga vel upp
með myndunum. Saman skapa
myndirnar og textinn ramma sem
leyfir lesendum bókarinnar að
nota ímyndunaraflið og skapa sína
eigin sögu um Litla.“
Séverine verður með dagskrá
fyrir börn í Borgarbókasafninu á
sunnudaginn kl. 15 þar sem þau fá
tækifæri til að tjá sögu Litla í
orðum út frá ljósmyndunum. Hún
mun einnig heimsækja nokkra
skóla sem og Alliance française.
Hún segist spennt fyrir því að
upplifa viðbrögð íslenskra barna
við ævintýrum Litla. „Við höfum
fengið viðbrögð út á bókina frá
frönskum börnum og það verður
áhugavert að sjá hvernig íslensk
börn taka myndunum. Það er mér
afar dýrmætt að heyra að börn
kunni að meta bókina; til að mynda
frétti ég af litlum dreng sem sefur
með hana undir koddanum sínum
og er því ekki lengur myrkfælinn.
En sérlega gaman er að heyra að
bókin leyfir hverju barni að gefa
sköpunargáfunni lausan tauminn
og að túlka ævintýri Litla á sinn
hátt.“ vigdis@frettabladid.is
Ferðalag brúðunnar Litla
um íslenska náttúru
LITLI Á ÍSLANDI Ein af ljósmyndum
Séverine af Litla á ferðalagi sínu.
SÉVERINE THÉVENET OG YUMI DÓTTIR HENNAR Í bakgrunni má sjá glitta í ljósmynda-
sýninguna Litli. FRÉTTABLAÐIÐ/STEFÁN
Rithöfundurinn Einar Már Guð-
mundsson flytur erindi sem hann
kallar „Sumarhúsasyndrómið:
Bjartur í Sumarhúsum og gremj-
an í samfélaginu“ á Gljúfrasteini
á sunnudag kl. 16.
Eins og titill erindisins ber með
sér er það bókin Sjálfstætt fólk
sem er verk mánaðarins á Gljúfra-
steini að þessu sinni. Uppákoman
verður ekki í fyrsta skipti sem
Einar Már fjallar um bókina opin-
berlega þar sem Bjartur í Sumar-
húsum kemur mikið við sögu í
grein hans sem nefnist „Hin
frjálsa frásögn“ og birtist í Skírni
vorið 2007. Það verður því fróð-
legt að heyra hvað Einar Már
hefur að segja um bókina sem
kom út á árunum 1934-35 og er
líklega sú bók Halldórs Laxness
sem borið hefur hróður hans víð-
ast.
Sagan gerist í upphafi 20. aldar
og segir frá einyrkjanum Guð-
bjarti Jónssyni sem lætur gamlan
draum rætast með því að kaupa
lítið kot sem hann nefnir Sumar-
hús. Bjartur er loksins orðinn
sjálfstæður maður eftir sautján
ára vinnumennsku, sjálfs sín
herra sem þarf ekki að sækja neitt
til ókunnugra. Hann berst við að
halda svokölluðu sjálfstæði sínu
allt til enda en færir fyrir sjálf-
stæðið óbætanlegar fórnir. Segja
má að söguþráður bókarinnar
kristallist í eftirfarandi tilvitnun:
„Það er til í útlendum bókum ein
heilög saga af manni sem varð
fullkominn af því að sá í akur
óvinar síns eina nótt. Sagan af
Bjarti í Sumarhúsum er saga
mannsins, sem sáði í akur óvinar
síns alt sitt líf, dag og nótt. Slík er
saga sjálfstæðasta mannsins í
landinu.“
Aðgangur að spjallinu á Gljúfra-
steini er ókeypis og öllum opinn á
meðan húsrúm leyfir. - vþ
Einar Már um Sum-
arhúsasyndrómið
EINAR MÁR GUÐMUNDSSON Fjallar um
Guðbjart Jónsson og lundarfar hans á
Gljúfrasteini á sunnudag.
Alþjóðleg ráðstefna sem ber yfir-
skriftina „Hafnarborgir: Endur-
bygging hafnarsvæða og mið-
borga“ hefst í Norræna húsinu í
kvöld kl. 18. Ráðstefnan hefur
það markmið að opna umræður
og beina sjónum viðstaddra að
borgarhönnun og hlutverki lista í
opinberu rými hafnarborga.
Frummælendur í kvöld eru þeir
Christopher Marcinkoski, arki-
tekt frá New York, og myndlistar-
maðurinn Ólafur Elíasson.
Hafnarborgir hafa í gegnum
tíðina mótast af iðnvæðingu og
alþjóðaviðskiptum. Síðustu ár
hafa hafnir og starfsemi í kring-
um þær flust í auknum mæli í
úthverfi, en um leið hafa eldri
hafnarsvæði fengið nýtt hlut-
verk. Við þessar breytingar opn-
ast fyrsta flokks svæði við sjó-
inn, sem yfirleitt eru tengd
miðborgum og nýtast vel fyrir
viðskipti, íbúðir eða afþreyingu.
Þannig eru stór hverfi endurlífg-
uð og um leið eru samskipti ein-
staklinga og samfélags við og
innan borgarumhverfisins í
stöðugri endurskoðun. Reykjavík
er aðeins ein fjölmargra borga
um heim allan sem er stöðugum
breytingum háð þar sem alþjóða-
viðskipti, ferðaþjónusta og sam-
tímamenning hafa mótandi áhrif
á þróun borga. Ráðstefnunni í
Norræna húsinu er ætlað að auka
framlag Íslands til alþjóðlegrar
umræðu um framtíð hafnar-
borga.
Með því að leiða saman fagað-
ila, listamenn, almenning og fjöl-
miðla er velt upp ólíkum sjónar-
hornum á hlutverk lista,
listamanna og hönnuða í alþjóð-
legu borgarumhverfi.
Ráðstefnan fer fram á ensku
og er síðari hluti hennar laugar-
daginn 10. maí næstkomandi.
Ráðstefnan er haldin á vegum
Kynningarmiðstöðvar íslenskrar
myndlistar í samvinnu við mynd-
listardeild og hönnunar- og arki-
tektúrdeild Listaháskóla Íslands
og Norræna húsið. - vþ
Eftirsóknarverð
borgarsvæði
ÓLAFUR ELÍASSON Tekur þátt í ráðstefnu
um hafnarsvæði í Norræna húsinu í
kvöld.
Þeir Guido Bäumer saxófónleikari
og Aladár Rácz píanóleikari koma
fram á tónleikum í 15.15 tónleika-
syrpunni í Norræna húsinu á
sunnudag kl. 15.15.
Á efnisskrá er mið-evrópsk
saxófóntónlist sem endurspeglar
vel tíðarandann í Evrópu um miðja
síðustu öld. Tónleikarnir hefjast á
Suite op. 102 eftir ungverska tón-
skáldið Hans Gal. Verkið er sér-
stök blanda af elegans og hress-
leika, oft dálítið viðkvæmnislegt
og með þokkafullri fortíðarþrá
þar sem mjúkur saxófóntónninn
fær að njóta sín. Þá verður leikin
Hot-Sonate frá 1930 eftir tékkneska
tónskáldið og djasspíanistann
Erwin Schulhoff. Hot-Sonate er
samin undir áhrifum af djassi og er
með skemmtilegum og óvanalegum
hryn og miklum og þykkum hljóm-
um í píanóröddinni. Guido og Ala-
dár flytja einnig sónötu eftir Paul
Hindemith frá árinu 1943. Sónatan
er í fjórum þáttum sem eru eins og
litlar stemningsmyndir. Tónleikun-
um lýkur svo á hröðu og frísklegu
verki; Sonata in Jazz frá 1959 eftir
þýska tónskáldið, píanóleikarann
og hljómsveitarstjórann Werner
Heider. Sónatan er eins og verk
Schuloffs skrifuð undir áhrifum af
djassi og er tæknilega krefjandi
fyrir báða hljóðfæraleikarana.
Flytjendur eru báðir sannir Mið-
Evrópumenn þótt þeir hafi búið og
starfað undanfarin ár á Íslandi,
Guido Bäumer er frá Norður-Þýska-
landi og Aladár Rácz frá Rúmeníu.
- vþ
Mið-evrópsk tónlist á 15.15
ALADÁR RÁCZ OG GUIDO BÄUMER
Leika í Norræna húsinu á sunnudag.
> Ekki missa af...
Sérstakri aukasýningu á
leikritinu 39½ vika eftir Hrefnu
Friðriksdóttur í flutningi áhuga-
mannaleikhópsins Hugleiks.
Leikritið er farsakenndur
gamanleikur sem snýst að
miklu leyti um barneignir og
sauðfjárrækt. Sýningin fer fram
í kvöld í Möguleikhúsinu við
Hlemm og hefst kl. 20.