Fréttablaðið - 29.04.2008, Qupperneq 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Í annasömum hversdeginum situr heilsan oft á
hakanum. Sif Sigfúsdóttir skipuleggur heilsu-
ræktina innan um fundi í dagbókina sína.
Sif Sigfúsdóttir situr fundi og eyðir talsverðum tíma
fyrir framan tölvuna í starfi sínu sem markaðsstjóri
viðskipta- og hagfræðideildar Háskóla Íslands. Hún
segir nauðsynlegt að skipuleggja sig og gefa sér tíma
til að sinna heilsunni.
„Ég er líka stundakennari í HÍ og svo er ég vara-
borgarfulltrúi fyrir Sjálfstæðisflokkinn og sit í vel-
ferðarráði Reykjavíkurborgar svo þetta eru margir
fundir,“ segir Sif brosandi. „Það þarf virkilega að
gefa sér tíma fyrir heilsuna og skrifa hann niður í
dagbókina eins og hvern annan fund, annars verður
ekkert úr þessu.“
Sif á kort í Hreyfingu og segir gott að koma þangað
að æfa. Krakkarnir geti komið með því góð aðstaða
sé fyrir þau þar sem þau geta verið á meðan
foreldrarnir púla. Undanfarið segist Sif þó hafa
slegið slöku við en nú er hún í sérstöku átaki.
„Mér finnst gott að koma mér af stað með því að
byrja í svona átaki. Þessa dagana er ég á sex vikna
námskeiði í Grand Spa og mæti þar á hverjum degi í
klukkutíma sem er mjög hressandi. Á námskeiðinu
er mataræðið líka tekið fyrir og svo eru þrekæfingar
þrisvar í viku og tvisvar í viku æfum við með lóð.“
Hún segir alla fjölskylduna taka þátt í átakinu í
mataræðinu og búið sé að skipta sykrinum út fyrir
lífrænt síróp og lífrænir hafrar notaðir í hafragrautinn
sem bragðist miklu betur fyrir vikið. Auk þess fer
fjölskyldan út að hjóla í góða veðrinu en dæturnar
tvær, fjögurra ára og átta ára, eiga sín hjól.
„Það er rosa gaman að hjóla í Reykjavík. Við fjöl-
skyldan hjólum oftast meðfram Sæbrautinni niður á
Kirkjusand. Það er mjög skemmtileg leið og fallegt í
kringum Listasafn Sigurjóns. Það er eini staðurinn í
Reykjavík þar sem vaxa villtar baldursbrár á
sumrin.“ heida@frettabladid.is
Ræktin skráð í dagbókina
Sif er markaðsstjóri viðskipta- og hagfræðideildar Háskóla Íslands og stundakennari. FRÉTTABLAÐIÐ/GVA
Krókhálsi 16, Reykjavík - Gleráreyrar 2, Akureyri - Sími 588 2600
Slitsterk og endingargóð gúmmíbelti undir
flestar gerðir mini og midi beltavélar
Á súperverði!
STÆRÐIN MIKILVÆG
Brjóstahaldari af réttri
stærð sem veitir nægileg-
an stuðning getur komið
í veg fyrir bakverki hjá
konum með stór brjóst.
HEILSA 3
SJÁANLEGUR ÁRANGUR
Combat Conditioning er
líkamsræktarnámskeið sem
er kennt hjá Mjölni og er
hugsað fyrir þá sem vilja
ná hámarksárangri í
líkamsþjálfun.
HEILSA 2