Fréttablaðið - 29.04.2008, Blaðsíða 34

● fréttablaðið ● kópavogsdagar 29. APRÍL 2008 ÞRIÐJUDAGUR14
Myndlistarskóli Kópavogs á
tuttugu ára afmæli í ár og af
því tilefni verður sýning á verk-
um nemenda skólans opnuð í
Listasafni Kópavogs – Gerðar-
safni á laugardaginn.
Verk nemenda við Myndlistarskóla
Kópavogs verða sýnd í Gerðar-
safni á Kópavogsdögum í tilefni af
tuttugu ára afmæli skólans. „Á sýn-
ingunni verða sýnd verk eftir alla
nemendur frá fimm ára aldri og
upp úr,“ segir Ingunn Erna Stefáns-
dóttir, annar tveggja skólastjóra
Myndlistarskóla Kópavogs. „Þarna
eru verk eftir fólk sem hefur feng-
ist við grunnmenntun í myndlist,
málun, vatnslitamálun, glermótun
og módelteikningu. Þetta verður
rosalega skemmtileg sýning, það
er enginn vafi á því. Undanfarin ár
hefur nemendum fjölgað og munu
verk þeirra fylla Gerðarsafn.“
Myndlistarskóli Kópavogs var
stofnaður árið 1988 af Sólveigu
Helgu Jónas dóttur og Sigríði Ein-
arsdóttur, sem vildu bæta úr skorti
á myndlistarkennslu að sögn Ing-
unnar. „Skólinn var fyrst rekinn á
þeirra vegum en var svo gerður að
sjálfseignarstofnun. Svo skólafélag
kemur nú að rekstri skólans. Kópa-
vogsbær hefur styrkt okkur í gegn-
um árin með því að leigja okkur
húsnæði í Fannborg. En nú þurfa
þeir á því að halda og hafa útvegað
okkur stórt og glæsilegt húsnæði
sem verið er að innrétta á Smiðju-
vegi. Myndlistarskólinn flytur þar
inn í júlí.“
Sigurrós Þorgrímsdóttir, formað-
ur lista- og menningarráðs Kópa-
vogs, mun setja hátíðina klukkan 15
laugardaginn 3. maí í Gerðarsafni.
Því næst mun Gunnar Birgisson,
bæjarstjóri Kópavogs, opna mynd-
listarsýninguna. Sýningin stendur
til 10. maí og verður húsið opið frá
klukkan 11 til 17 alla virka daga.
„Og þeir sem hafa áhuga geta feng-
ið leiðsögn um sýninguna á laugar-
daginn og sunnudaginn klukkan 14,
og svo á miðvikudaginn og laugar-
daginn í næstu viku klukkan 15,“
bætir Ingunn við. - nrg
Stoppleikhópurinn forsýnir Mjög
er tungan málaóð – líf og ljóð Bólu-
Hjálmars, nýtt leikrit, fyrir nem-
endur efri bekkja í grunnskólum
Kópavogs á Kópavogsdögum. Sýn-
ingin hefur mælst vel fyrir, bæði
hjá yngri og eldri áhorfendum, en
nálgunin þykir nokkuð nýstárleg.
„Í leikritinu er brunað í gegn-
um Bólu-Hjálmar, eins og sagt er.
Við förum í gegnum lífshlaupið á
fimmtíu mínútum; stiklum á stóru
í hans lífi og sleikjum rjómann
af hans bestu ljóðum sem henta
okkur í sýninguna,“ segir Eggert
Kaaber, leikari í Stoppleikhópnum,
um verkið.
Aðalsöguhetja þess, Bólu-
Hjálmar, var kotbóndi á Norður-
landi á fyrri hluta nítjándu aldar
sem þurfti að þola yfirgang
betur settra bænda, fyrirlitningu
sveitunga sinna og dylgjur um
óheiðarleika.
„Þetta er leiksýning sem við
sýnum ungmennum á aldrinum
tólf til sautján ára. Það er ferða-
sýning ætluð grunn- og framhalds-
skólum. Við mætum í skólana svo
nemendur sjá okkur allir á virk-
um dögum,“ heldur hann áfram
og bætir við að Bólu-Hjálmar
og hans list snerti áhorfendur á
öllum aldri.
„Sýningar hafa verið prófaðar
á nokkrum stöðum, meðal ann-
ars á krökkum í Skagafirði um
síðustu mánaðamót og einnig á
hjúkrunarheimilum. Við frumsýn-
um hins vegar ekki fyrr en í maí
og munum sýna þar sem nærveru
okkar er óskað.“
Stoppleikhópurinn fékk fjóra
höfunda til að semja leikritið, þá
Ármann Guðmundsson, Sævar
Sigurgeirsson, Snæbjörn Ragn-
arsson og Þorgeir Tryggvason.
Leikstjóri er Ágústa Skúladóttir
en leikmynd og búningar eru í
höndum Guðrúnar Öyahals. Egg-
ert segir jafnframt að höfundar
leikritsins hafi samið sönglög
við leikritið sem verða sungin án
undirleiks. Verður því fróðlegt
að fylgjast með ævintýrum Bólu-
Hjálmars á Kópavogsdögum. - nrg
Brunað í gegnum
Bólu-Hjálmar
Eggert Kaaber leikari tekur þátt í uppsetningu á nýju verki um Bólu-Hjálmar.
FRÉTTABLAÐIÐ/ANTON
Ingunn Erna Stefánsdóttir og Sigríður
Einarsdóttir eru skólastjórar Myndlistar-
skóla Kópavogs. FRÉTTABLAÐIÐ/GVA
Margbrotin myndlistarsýning