Fréttablaðið - 14.05.2008, Blaðsíða 2

2 14. maí 2008 MIÐVIKUDAGUR
FANGELSISMÁL „Sonur minn var mjög langt leiddur
fíkill þegar hann fór inn á Litla-Hraun. Í fangelsinu
hélt hann áfram í bullandi neyslu og var skiljanlega
settur á gang sem gekk undir nafninu neyslugang-
urinn í fyrstu,“ segir Svala Kristín Pálsdóttir,
móðir ungs fanga. Hún segir líf sonar síns hafa
breyst mjög til batnaðar eftir að hann komst inn á
meðferðarganginn á Litla-Hrauni.
„Það er ekkert leyndarmál að það hafði mikil
áhrif á mig að skoða aðstæður á Litla-Hrauni. Á
meðferðarganginum er jákvætt andrúmsloft og
hefur reynslan af því starfi sem þar hefur verið
unnið sýnt að það ber að halda því áfram,“ segir
Guðlaugur Þór Þórðarson heilbrigðisráðherra.
Guðlaugur undirritaði fyrir skömmu samning
ásamt Birni Bjarnasyni dómsmálaráðherra sem
tryggir fé til að standa undir rekstri meðferðar-
gangsins á Litla-Hrauni. Guðlaugur segir hvort
ráðuneyti leggja fram sjö og hálfa milljón fyrir
rekstrinum þetta ár.
Fréttablaðið fjallaði um rekstur meðferðargangs-
ins snemma á þessu ári. Í þeirri umfjöllun kom
fram að í átta ár höfðu fangelsismálayfirvöld óskað
eftir fjármagni til reksturs gangsins en án árang-
urs. Seint á síðasta ári leiddi úttekt Fangelsismála-
stofnunar í ljós að rúmlega 70 prósent fanga á
Litla-Hrauni voru með fíkniefni í blóði. Þótti
starfsmönnum þá sýnt að ekki væri hægt að bíða
lengur eftir fjármagni og var meðferðargangi
komið á í tilraunaskyni. Með samningi ráðuneyt-
anna er ljóst að starfinu verður áfram haldið úti.
Sonur Svölu var langt frá því að vera fyrirmynd-
arfangi í byrjun fangelsisvistarinnar. Síðasta sumar
lenti hann í útistöðum við samfanga sinn og slasaði.
Við það var hann settur í einangrun í rúmar tvær
vikur. Þegar hann losnaði úr henni varð honum ljóst
að hann yrði að hætta neyslu fíkniefna. Það var þó
vitanlega erfitt þar sem framboðið á fíkniefnum í
fangelsinu hefur verið mikið. Þegar meðferðar-
gangurinn opnaði í nóvember á síðasta ári fékk
hann þar inni. „Veran þar gerði honum kleift að
halda sig við sett markmið og styrkti hann mikið,“
segir Svala. Sonur hennar er nú á Kvíabryggju sem
ætlað er fyrirmyndarföngum og segir hún skammt í
að hann komist á áfangaheimilið Vernd. Þennan
árangur megi þakka því að hann hafi náð tökum á
fíkn sinni á meðferðarganginum. karen@frettabladid.is
STJÓRNSÝSLA Alþingi hefur fram-
lengt umsóknarfrest um embætti
ríkisendurskoðanda þar sem
ábendingar bárust um að fyrri
auglýsing hefði farið framhjá
fólki sem kynni að hafa áhuga á
starfinu.
Embættið var upphaflega aug-
lýst í Lögbirtingablaðinu 11. apríl
og í Morgunblaðinu 13. apríl. Var
umsóknarfrestur auglýstur til 5.
maí.
7. maí var framlengdur umsókn-
arfrestur til 16. maí auglýstur í
Morgunblaðinu og hinn 8. var aug-
lýsing sett á starfatorg.is.
Samkvæmt upplýsingum Frétta-
blaðsins höfðu fimm umsóknir
borist þegar fyrri frestur var
útrunninn.
„Ástæða þess að umsóknarfrest-
ur um embætti ríkisendurskoð-
anda var framlengdur er sú að
ábendingar höfðu komið fram um
að fyrri auglýsing hefði farið
framhjá einhverjum og því ekki
borið fyrir augu allra sem áhuga
kynnu að hafa á embættinu,“ sagði
Þorsteinn Magnússon, aðstoðar-
skrifstofustjóri Alþingis, í svari
við fyrirspurn Fréttablaðsins um
málið.
Spurður hvort seinni auglýsing-
in hefði birst víðar eða í sömu
miðlum svaraði hann því til að
Morgunblaðið væri rótgróinn og
velþekktur miðill fyrir atvinnu-
auglýsingar og að líklegast væri
að þeir sem hefðu hug á embætti
ríkisendurskoðanda læsu það blað.
- bþs
Fimm sóttu um embætti ríkisendurskoðanda en ákveðið var að auglýsa aftur:
Auglýsingin fór framhjá fólki
ALÞINGISHÚSIÐ Umsóknarfrestur um
embætti ríkisendurskoðanda rennur út
á föstudag.
Umsóknarfrestur er til 30. maí
Kynntu þér námið á www.hr.is
H
V
ÍT
A
H
Ú
S
IÐ
/S
ÍA
–
0
8
-0
6
0
8
ATVINNUMÁL Skráð atvinnuleysi á
Íslandi í apríl 2008 var eitt
prósent. Þannig voru að meðaltali
1.717 manns atvinnulausir í apríl,
að sögn Vinnumálastofnunar. Það
eru 43 fleiri en í mars.
Samkvæmt tölum Vinnumála-
stofnunar var atvinnuleysi í apríl
um átta prósentum minna en á
sama tíma í fyrra.
Atvinnuleysi á höfuðborgar-
svæðinu er 0,8 prósent eða það
sama og í mars. Á landsbyggðinni
minnkar atvinnuleysi örlítið og er
1,4 prósent, en var 1,5 prósent.
Atvinnuleysi karla er 0,9 prósent
og atvinnuleysi kvenna er 1,3
prósent eins og í mars. - gar
Tölur Vinnumálastofnunar:
Atvinnuleysi
minna en 2007
STJÓRNMÁL Að beiðni Ríkisútvarps-
ins verða eldhúsdagsumræður að
kvöldi þriðjudagsins 27. maí en
ekki miðvikudagsins 28. maí eins
og áður var ákveðið og ráðgert var
í starfsáætlun þingsins.
Eldhúsdagsumræður eru
almennar stjórnmálaumræður
með þátttöku allra flokka á
Alþingi. Skal þeim bæði útvarpa og
sjónvarpa.
Að sögn Sturlu Böðvarssonar,
forseta Alþingis, óskaði Ríkisút-
varpið eftir því að umræðurnar
yrðu fluttar um dag. Ástæðan er sú
að á miðvikudagskvöldinu eigast
við Ísland og Wales í knattspyrnu
og verður leikurinn í beinni
útsendingu Sjónvarpsins. - bþs
Eldhúsdegi flýtt að ósk RÚV:
Pólitíkin víkur
fyrir fótbolta
SKOÐANAKÖNNUN Ólafur F.
Magnússon borgarstjóri næði
ekki kjöri sem borgarfulltrúi,
samkvæmt nýrri könnun Gallup
um fylgi stjórnmálaflokka í
Reykjavík. Samfylkingin bætir
við sig þremur borgarfulltrúum
og er nálægt hreinu meirihluta-
fylgi. Sjálfstæðisflokkur tapar
tveimur mönnum. Framsóknar-
flokkurinn fengi engan mann
kjörinn.
Samkvæmt könnun Gallup
fengi Samfylkingin rúm 47
prósent, sem er aukning um 6,5
prósentustig frá fyrri könnun, en
Sjálfstæðisflokkurinn 31 prósent
og tapar átta prósentustigum.
Fylgi Vinstri grænna eykst um
2,5 prósent og Framsókn eykur
lítillega við sig. Fylgi F-lista er
nánast óbreytt. - shá
Könnun á fylgi í Reykjavík:
Borgarstjóri
næði ekki kjöri
Meðferðargangurinn
bjargaði syninum
Heilbrigðisráðherra og dómsmálaráðherra hafa undirritað samning sem tryggir
rekstur meðferðargangs á Litla-Hrauni. Móðir ungs fanga, sem var langt leiddur
fíkill, segir hann hafa náð tökum á lífi sínu á meðferðarganginum.
UNDIRRITUN Guðlaugur Þór Þórðarson heilbrigðisráðherra
og Björn Bjarnason dómsmálaráðherra ásamt Páli Winkel,
forstjóra Fangelsismálastofnunar. MYND/HELGI MÁR ARTHÚRSSON
FANGINN Þessi mynd var tekin þegar Fréttablaðið heimsótti
Litla-Hraun í byrjun þessa árs og ræddi þá meðal annars við
son Svölu. Hann er nú á Kvíabryggju sem ætluð er fyrirmynd-
arföngum. FRÉTTABLAÐIÐ/GVA
MENNTAMÁL Donna E. Shalala,
prófessor og fyrrverandi
heilbrigðisráðherra Bandaríkj-
anna, hefur hlotið heiðursdokt-
orsnafnbót frá Háskóla Íslands.
Dr. Shalala er rektor og
prófessor við Háskólann í Miami
á Flórída. Hún var heilbrigðis-
ráðherra Bandaríkjanna í átta
ára valdatíð Bills Clinton en
gegndi þar áður starfi prófess-
ors í stjórnmálafræði við
Wisconsin-háskóla. Kristín
Ingólfsdóttir rektor, ásamt
viðskipta- og hagfræðideild,
mun veita dr. Shalala heiðurs-
doktorsnafnbótina 11. júní
næstkomandi og heldur hún
fyrirlestur í hátíðarsal skólans
af því tilefni. - shá
Háskóli Íslands:
Ráðherra Clin-
tons útnefndur
heiðursdoktor
LÖGREGLUMÁL Ráðist var á
Guðmund Jónsson, kenndan við
Byrgið, við heimili hans í Gríms-
nesi um kvöldmatarleytið á
mánudag.
Fréttavefurinn
Vísir.is segir frá
þessu.
Samkvæmt
heimildum Vísis
hlaut Guðmund-
ur minni háttar
áverka og hyggst
kæra árásina.
Árásarmaðurinn
vann auk þess
nokkrar skemmdir á bifreið hans
þar sem hún stóð fyrir utan heimili
hans. Árásarmaðurinn var einn á
ferð og var á bak og burt þegar
lögregla kom á vettvang.
Guðmundur var á föstudag
dæmdur í þriggja ára fangelsi
fyrir kynferðisbrot gegn fjórum
konum sem voru skjólstæðingar
hans í Byrginu. - shá
Guðmundur í Byrginu:
Meiddist í árás
og hyggst kæra
GUÐMUNDUR
JÓNSSON
Guðmundur, byggirðu söguna
um svínið á reynslu þinni úr
pólitík?
„Nei ég þurfti ekki að kafa þangað
til að sækja efnivið. Þetta er bók
um lífið.“
Guðmundur Steingrímsson leggur nú
lokahönd á barnabók ásamt Halldóri
Baldurssyni. Aðalsöguhetjan er svínið
Pétur. Guðmundur hefur gegnt ýmsum
trúnaðarstörfum í stjórnmálum.
STJÓRNMÁL Aðild að Evrópusam-
bandinu og upptaka evru eru til
umræðu á vettvangi Sjálfstæðis-
flokksins og í undirbúningi er að
halda sérstaka fundi um málið á
vegum flokksins.
Geir H. Haarde, forsætisráð-
herra og formaður Sjálfstæðis-
flokksins, upplýsti þetta á opnum
fundi flokksins á Akureyri í
gær.
Sagði hann sjálfstæðismenn
ætla að fara nákvæmlega í gegn-
um kosti og galla málsins, enda
ætti fólk rétt á því.
Um leið og Geir ítrekaði að
hann teldi galla aðildar vega
þyngra en kostina og að afstaða
stjórnarflokkanna til málsins
væri ólík sagðist hann telja
heppilegra að tekist væri á um
það innan þar til gerðra hreyf-
inga fremur en stjórnmálaflokka.
Benti hann á að til væru samtökin
Heimsýn, sem eru andsnúin Evr-
ópusambandsaðild, og Evrópu-
samtökin, sem eru henni hlynnt.
Á fundinum fjallaði Geir um
efnahagsástandið og sagði unnið
að lántöku til að auka gjaldeyris-
varaforða Seðlabankans. Sagði
hann fleiri verkefni í vinnslu
sem tryggja mættu varnir
Íslands þegar vandi steðjaði að
efnahagskerfinu.
Geir sagði að við núverandi
aðstæður væri mikilvægt að rík-
isstjórnin hefði traustan þing-
meirihluta. Nú byði hann ekki í
að hafa haldið áfram stjórnar-
samstarfinu við Framsóknar-
flokkinn svo ekki væri minnst á
samstarf við VG. Rómaði hann
samstarfið við Samfylkinguna
og Ingibjörgu Sólrúnu Gísla-
dóttur, formann hennar. - bþs
Sjálfstæðismenn ætla að halda sérstaka fundi um málefni Evrópusambandsins:
Kostir og gallar ESB metnir
GEIR Á HÓTEL KEA Forsætisráðherra
sagði aðild að Evrópusambandinu og
upptöku evru til umræðu á vettvangi
Sjálfstæðisflokksins, á opnum fundi
Sjálfstæðisflokksins á Akureyri í gær.
Hann lofaði einnig samstarfið við Sam-
fylkinguna og Ingibjörgu Sólrúnu.
FRÉTTABLAÐIÐ/VÖLUNDUR
SPURNING DAGSINS