Fréttablaðið - 14.05.2008, Blaðsíða 40

20 14. maí 2008 MIÐVIKUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
MERKISATBURÐIR
1643 Loðvík XIV tók við völdum
í Frakklandi fjögurra ára
gamall.
1912 Friðrik VIII Danakonungur
fannst látinn í Hamborg.
Það var ekki fyrr en dag-
inn eftir að menn áttuðu
sig á því hver þetta væri.
Kristján X, sonur hans, tók
við krúnunni.
1919 Átta klukkustunda vinnu-
dagur var lögfestur í Dan-
mörku.
1955 Varsjárbandalagið er
stofnað í Varsjá í Póllandi.
Stofnríki voru: Sovétríkin,
Pólland, Austur-Þýska-
land, Tékkóslóvakía, Ung-
verjaland, Rúmenía, Búlg-
aría og Albanía. Tilgangur
þess var að vera mótvægi
við Atlantshafsbandalagið
(NATO).
SOFIA COPPOLA KVIKMYNDA-
LEIKSTJÓRI ER 37 ÁRA.
„Listir og kvikmyndir
eru mikilvæg fyrirbæri í
minni fjölskyldu og þar
þótti sjálfsagt að rækta
þá hæfileika. “
Sofia Coppola hefur sent frá
sér myndir á borð við The
Virgin Suicides, Marie Ant-
oinette og Lost in Translat-
ion, en fyrir þá síðastnefndu
fékk hún Óskarsverðlaun
fyrir handrit árið 2004.
Innilegar þakkir fyrir auðsýnda samúð og
vinarhug við fráfall móður okkar,
Sigríðar G. Schiöth.
Starfsfólk á dvalarheimilinu Hlíð fær alúðarþakkir fyrir
kærleiksríka umönnun. Allir sem önnuðust tónlistar-
flutning við útför hennar fá einnig hjartans þakkir.
Guð blessi ykkur öll.
Reynir Schiöth Þuríður Schiöth
Margrét Schiöth Árni Sigurðsson
Valgerður Schiöth Gunnar Jónasson
og fjölskyldur.

Eiginmaður minn, faðir okkar,
tengdafaðir og afi,
Hjörleifur Þórðarson
Skógarseli 17, Reykjavík,
lést á Landspítalanum sunnudaginn 4. maí.
Sérstakar þakkir færum við starfsfólki 11-E.
Útförin fer fram 15. maí kl. 13.00 í Bústaðakirkju.
Jensína Guðrún Magnúsdóttir
Þórður Georg Hjörleifsson Emelía Blöndal
Þórdís Hjörleifsdóttir Haukur Þór Bjarnason
og barnabörn.
Ástkær móðir okkar, tengdamóðir,
amma og langamma,
Sigurveig Sigurðardóttir
lést á Sjúkrahúsi Suðurlands föstudaginn 9. maí.
Útför hennar fer fram frá Selfosskirkju laugardaginn
24. maí kl. 13.30.
Sverrir Hjaltason Guðrún Eyja Erlingsdóttir
Sigurður Hjaltason Aagot F. Snorradóttir
Anna Hjaltadóttir Guðmundur Þorsteinsson
Þorvarður Hjaltason Ólafía Sigurðardóttir
barnabörn og barnabarnabörn.
Þökkum auðsýnda samúð og hlýhug vegna
andláts og útfarar elskulegs föður okkar,
tengdaföður, afa, langafa og langalangafa,
Jónasar Aðalsteinssonar
Brúarlandi, Þistilfirði,
sem lést laugardaginn 19. apríl.
Arnþrúður Margrét Jónasdóttir Sigurvin Hannibalsson
Eðvarð Jónasson Kristjana Benediktsdóttir
Jóhannes Jónasson Svanhvít Kristjánsdóttir
Sigrún Lilja Jónasdóttir Rúnar Guðmundsson
Sólveig Þórðardóttir
barnabörn, barnabarnabörn og barnabarnabarnabörn.
Árbæjarsöfnuður var stofnaður á því
herrans ári 1968 og fagnar því fjörutíu
ára afmæli í ár. Af því tilefni tók Frétta-
blaðið séra Þór Hauksson sóknarprest
tali.
„Söfnuðurinn var sem fyrr sagði
stofnaður árið 1968 og varð að sér-
stöku prestakalli í byrjun janúar árið
1971. Fyrsti sóknarpresturinn var séra
Guðmundur Þorsteinsson, en hann
varð síðar dómprófastur. Fyrstu árin
bjó hann við ákveðið aðstöðuleysi, en
fékk fljótlega starfsaðstöðu í Árbæj-
arskóla, þar sem hann var með guðs-
þjónustu, sunnudagaskóla og æsku-
lýðsstarf. Síðan fór fór starf safnaðar-
ins einnig fram í litlu húsi við Hlaðbæ
sem þáverandi Framfarafélag hverf-
isins átti,“ segir Þór og heldur áfram:
„Safnkirkjan í Árbæjarsafni kom einn-
ig í góðar þarfir og af henni fengust
afnot, svo og af dómkirkjunni þar sem
meðal annars var fermt, en fram að
því höfðu allar athafnir í sóknni farið
fram í safnkirkjunni“
Um 1960 var byggðin í Árbæ að farin
að myndast að einhverju leyti og taldi
kannski um tvö til þrjú hundruð íbúa,
að því er Þór telur. Þegar söfnuðurinn
tók til starfa var hins vegar kominn
ágætis skriður á byggð og Þór segir
meðlimi Árbæjarsafnaðar fyrstu árin
hafa verið á bilinu eitt til tvö þúsund
talsins.
„Söfnuðurinn hefur stækkað gríðar-
lega og í dag eru meðlimir um tíu þús-
und talsins. Aðsókn hefur aukist gríð-
arlega síðastliðin ár og starfið er nú
mun fjölbreyttara en fyrr,“ segir Þór
og nefnir þar meðal annars öflugt starf
fyrir börn og unglinga auk eldri borg-
ara. „Æskulýðsstarfið er í miklum
blóma, bæði sunnudagaskóli og ann-
ars konar starf fyrir börn og unglinga.
Þar get ég einnig nefnt að við erum svo
heppin að hafa alltaf verið í góðu sam-
starfi við leik- og grunnskóla frá upp-
hafi safnaðarins. Þess vegna fer nokk-
uð mikið af æskulýðsstarfi fram í skól-
um hverfisins þar sem við höfum góða
aðstöðu,“ segir Þór sem nefnir einn-
ig gríðarlega öflugt starf eldri borg-
ara. „Við erum með tvo fulltrúa eldri
borgara hér í fullu starfi við söfnuð-
inn. Þar er einnig blómleg starfsemi
og má þar nefna opið hús einu sinni í
viku og hin ýmsu ferðalög. Þessi hópur
er mjög duglegur að sækja þjónustu til
okkar og sumir hafa fylgt söfnuðinum
í fjölda ára, jafnvel frá upphafi. Enda
sést að fólki þykir gott að búa í Árbæn-
um og nú eru heilu kynslóðirnar að
koma sér þar fyrir. Unga fólkið hleyp-
ir gjarnan heimdraganum og kaupir
sína fyrstu íbúð annars staðar, en snýr
síðan aftur heim í Árbæinn,“ segir Þór
og nefnir auðvelt aðgengi að náttúr-
unni sem helsta kost hverfisins. „Þetta
er svona samblanda af borg og sveit.
Hefur hvoru tveggja. Það er stutt að
fara út í guðsgræna náttúruna og njóta
þess sem hún hefur að gefa, og síðan
er borgin með öllu sem hún hefur að
bjóða,“ útskýrir Þór sem hefur nú hug
á að ná tengslum við nýjan hóp. „Bæði
eldri borgarar, börn og unglingar eru
dugleg að sækja í söfnuðinn, en á af-
mælisárinu langar okkur að reyna ná í
þennan millialdur og ætlum við að fara
að vinna svolítið í því.“
Fram undan er safnaðarferð í Sól-
heima sem verður farin næstkomandi
sunnudag. Þór segir að markmiðið sé
að brúa kynslóðabilið, enda allir vel-
komnir með. „Ferðinni er heitið í Sól-
heima þar sem við heilsum upp á fólk
þar, kíkjum í kaffi á Grænu könnuna
og verðum með guðsþjónustu kl. 14.
Það er alltaf voðalega gaman að fara
í svona ferðir með söfnuðinum og ég
held þessi verði engin undantekning.“
segir Þór sem reiknar með að afmæl-
inu verði fagnað í kringum kirkju-
daginn sem verður haldinn hátíðlegur
seinna á árinu.
Allar nánari upplýsingar um Árbæj-
arsöfnuð má finna á: www.arbaejar-
kirkja.is rh@frettabladid.is
ÁRBÆJARSÖFNUÐUR: FJÖRUTÍU ÁR FRÁ STOFNUN
Langar að brúa kynslóðabilið
SÖFNUÐUR Í BLÓMA Safnaðarstarfið er öflugt í Árbæjarkirkju og aðsókn hefur aldrei verið
meiri, að sögn séra Þórs Haukssonar sóknarprests. FRÉTTABLAÐIÐ/GVA
Rauðu herdeildirnar var nafn
vinstrisinnaðra þýskra hryðju-
verkasamtaka öfgamanna. Þau
urðu til í Vestur-Þýskalandi
snemma á sjötta áratug síðustu
aldar, en voru formlega lögð
niður árið 1998.
Samtökin stóðu fyrir fjölda
hryðjuverka, sprengjutilræða,
íkveikja, bankarána, mannrána,
gíslatöku og morða á áberandi
stjórnmálafólki, embættismönn-
um og viðskiptafólki í Þýska-
landi. Árið 1977 ollu samtökin
mikilli ringulreið í þýsku samfé-
lagi vegna þessara voðaverka og
er það talið eitt versta tímabil
samtakanna. Fyrirmyndir Rauðu herdeildarinn-
ar voru meðal annars vinstrisinnaðir suður-amer-
ískir öfgahópar, og má þar nefna
Tupamaros í Úrúgvæ.
Markmiðið var að beita vopn-
um í baráttu við „kerfið“, kapítal-
ismann og amerískan imperíal-
isma. Einnig héldu þeir fram
að NATO-löndunum, sérstak-
lega þáverandi Vestur-Þýskaland,
væri stjórnað af fasistum. Aðal-
sprautur samtakanna voru Andr-
eas Baader og Ulrike Meinhof,
en undir því nafni gengu einnig
samtökin: Hryðjuverkasamtök-
in Baader-Meinhof. Flestir for-
sprakkarnir náðust og árið 1977
skýrðu yfirvöld frá því að Mein-
hof hefði svipt sig lífi. Í kjölfarið
fylgdi Baader sömu leið. Eini upphaflegi meðlim-
ur samtakanna sem er á lífi er Irmgard Möller.
ÞETTA GERÐIST: 14. MAÍ 1970
Rauðu herdeildirnar stofnaðar