Fréttablaðið - 14.05.2008, Síða 8

14. maí 2008 MIÐVIKUDAGUR
BEÐIÐ EFTIR AÐSTOÐ Nemandi í framhaldsskóla sem hrundi í Beichuan sinnir skóla-
félaga sínum, sem bíður þess að björgunarmenn hjálpi honum upp úr rústunum.
FRÉTTABLAÐIÐ/AP
KÍNA „Kínverjar eru mjög stoltir
af ríkisstjórninni akkúrat núna,“
segir Arnar Ágústsson, ungur
Íslendingur sem býr í Peking.
„Samkvæmt mínum heimildum
voru fyrstu hermennirnir sendir á
staðinn klukkan 15 að staðartíma,
aðeins hálftíma eftir skjálftann.
Þetta eru töluvert betri viðbrögð
en til dæmis þegar fellibylurinn
Katarína reið yfir New Orleans í
Bandaríkjunum.“
Sjálfur fann Arnar ekki fyrir
skjálftanum á sunnudag, enda er
Peking í 1.500 kílómetra fjarlægð
frá upptökunum. Margir íbúar
Peking fundu þó fyrir skjálftanum
og byggingar voru margar hverj-
ar rýmdar í höfuðborginni af ótta
við eftirskjálfta.
Fimmtíu þúsund lögreglumenn
og hermenn unnu að því að bjarga
fólki úr rústum skóla og annarra
bygginga á jarðskjálftasvæðunum
í Sechuan-héraði, þar sem tjónið
varð mest eftir jarðskjálftann á
mánudag. Skjálftinn mældist 7,9
stig og voru upptök hans skammt
norðan við Chengdu, höfuðstað
héraðsins.
Stjórnvöld í Kína sögðu að
minnsta kosti tólf þúsund manns
hafa farið í þessu eina héraði, en
líklegt þykir að tala látinna eigi
enn eftir að hækka mikið.
Hermenn, sem þurftu að fara
gangandi til bæjarins Yinxiu, þar
sem 9.000 manns hafa búið, segja
að líklega hafi einungis um 2.300
bæjarbúa lifað af hildarleikinn.
Vegir til bæjarins eru ófærir
vegna skemmda af völdum jarð-
skjálftans.
Víða hefur fólk enn ekki hætt
sér inn í þau hús sem enn standa,
heldur bjó sig í gær undir að sofa
úti aðra nóttina í röð af ótta við
eftirskjálfta.
Víða skipuðu stjórnvöld fólki að
halda sig úti við og settu öryggis-
verði á vakt til að fylgja því banni
eftir.
Aðkoman var víða skelfileg. Í
Beichuan er til dæmis talið að um
þúsund nemendur og kennarar í
framhaldsskóla hafi farist þegar
skólabyggingin hrundi. Í Dujiang-
yan hrundi sömuleiðis skólabygg-
ing, og er talið að þar hafi um 900
nemendur grafist undir.
Í Gansu-héraði kviknaði í fjöru-
tíu vagna flutningalest sem fór út
af teinunum. Þrettán tankvagnar
fullir af bensíni brunnu enn, meira
en sólarhring síðar.
gudsteinn@frettabladid.is
Sífellt fleiri
finnast látnir
Björgunarstarf á skjálftasvæðunum í Kína fór hratt
og vel af stað. Tugir þúsunda liggja enn grafnir
undir rústum. Óttast er að margir þeirra séu látnir.
STJÓRNMÁL Samband íslenskra
sveitarfélaga og Stofnun
stjórnsýslufræða og stjórnmála
við HÍ standa fyrir málþingi á
föstudag klukkan 16. Þar verður
skeggrætt um það hvernig
lýðræði virkar í sveitarfélögum.
Fjallað verður um með hvaða
hætti sveitarstjórnir á Íslandi
haga samstarfi við ólíka aðila í
samfélaginu. Fjöldi fyrirlesara
tekur til máls, meðal annarra
Sigrún Björk Jakobsdóttir,
bæjarstjóri á Akureyri, og
Hanna Birna Kristjánsdóttir,
forseti borgarstjórnar. Mál-
þingsstjóri er Dagur B. Eggerts-
son.
Áhugasamir geta skráð sig á
heimasíðunni www.stjornsyslu-
stofnun.hi.is. - kóp
Málþing um lýðræði:
Skeggrætt um
lýðræðismál hjá
sveitarstjórnum
OLÍUSLYS Yfirfull safnþró gerði það
að verkum að olíubrák barst að
ósum Elliðaánna í gær.
Um 300 til 600 lítrar af svartolíu
fóru í sjóinn úr skipinu Medemborg
við Vogabakka á mánudag. Slökkvi-
lið eyddi deginum við hreinsistörf
og nýtti safnþró á Gelgjutanga til
að þrífa hreinsibúnaðinn. Vegna
mikillar úrkomu yfirfylltist þróin í
fyrrinótt með þeim afleiðingum að
olía úr búnaðinum og hreinsiefni
rak að ósum Elliðaánna.
Höskuldur Einarsson, deildar-
stjóri mengunarvarna slökkviliðs
höfuðborgarsvæðisins, segir brýnt
að aðstaða liðsins til þrifa verði
bætt. „Við getum ekki tekið olíu-
blautar dælur og þess háttar upp á
slökkvistöð og smúlað þær þar því
þá fer allt í niðurfallið, sem við vilj-
um ekki. Aðstaða til að þrífa búnað
eftir olíuslys er ekki til staðar. Þetta
er mál sem allir aðilar, slökkvilið,
Faxaflóahöfn, Umhverfisstofnun
og fleiri, þurfa að finna lausn á í
sameiningu.“
Í gær voru ekki merki þess að
mengunin ógnaði lífríki Elliðaánna.
Guðni Guðbergsson, deildarstjóri
hjá Veiðimálastofnun, vonast til að
laxaseiði í ánni hafi sloppið. „Við
vitum ekki hvort gönguseiðin eru
lögð af stað en það gerist yfirleitt
um þetta leyti. Hefði þetta gerst á
miðjum göngutíma með tugi þús-
unda seiða syndandi úti á sundum
hefði þetta getað haft áhrif, en það
er afar erfitt að giska á svona lagað.
Það kemur ekki í ljós fyrr en á
næsta ári þegar seiðin verða
fullorðnir laxar,“ segir Guðni. - kg
Olía og hreinsiefni bárust að ósum Elliðaánna í gærmorgun:
Aðstöðuleysi ástæða lekans
HREINSUNARSTARF Olían lak úr Medem-
borg, hátt í 600 lítrar. FRÉTTABLAÐIÐ/VILHELM
Vátryggingafélag Íslands Ármúla 3 108 Reykjavík Sími 560 5000 vis.is
Þar sem tryggingar
snúast um fólk
VERTU MEÐ ALLAR
TENGINGAR Í LAGI
HÚSVAGNATRYGGING VÍS
Húsvagnatrygging VÍS er alhliða trygging fyrir tjaldvagna, fellihýsi
og hjólhýsi, sem tekur m.a. til áreksturs, veltu, útafaksturs, eldsvoða,
skriðufalls og innbús svo eitthvað sé nefnt.
Hafðu samband við þjónustuver VÍS í síma 560 5000 eða komdu
við á næstu þjónustuskrifstofu og fáðu nánari upplýsingar.
F
í
t
o
n
/
S
Í
A
HVERNIG Á AÐ
BREGÐAST VIÐ KRÍSUM?
Þegar slæmir hlutir henda góð fyrirtæki eða stofnanir
getur gott orðspor glatast á einu augnabliki. Nauðsynlegt
er að fyrirtæki hafi neyðaráætlun reiðubúna, jafnvel
gagnvart fyrirsjáanlegum vandamálum eins og því slæma
efnahagsástandi sem nú ríkir.
Fyrirlesarinn er Mary Schnack, en hún hefur starfað sem
sérfræðingur í almannatengslum og samskiptum í tæp 30
ár. Hún hefur yfirgripsmikla þekkingu og reynslu af
rekstri almannatengslafyrirtækja og er margverð-
launaður rithöfundur, fréttamaður og ráðgjafi.
MÁLÞING Í HÁSKÓLANUM Í REYKJAVÍK 16. MAÍ
Frekari upplýsingar og
skráning:
Lóa Ingvarsdóttir
li@ru.is, sími 599-6350
Verð kr. 19.800,-
Meðal umræðuefnis
• Neyðaráætlun
• Þjálfun í samskiptum við fjölmiðla
• Frumkvæði í fjölmiðla-/samfélagstengslum
• Lykilatriði í tilkynningum
Stund:
Föstudaginn 16. maí kl. 9:00 - 12:00
Boðið verður upp á morgunmat
frá kl. 8:30
Staður:
Háskólinn í Reykjavík
Ofanleiti 2, stofa 201