Fréttablaðið - 14.05.2008, Blaðsíða 26
14. MAÍ 2008 MIÐVIKUDAGUR8 ● fréttablaðið ● fl utningar
Hestamenn ferðast oft landshluta á milli með
gæðinga sína, reiðtygi og viðleguútbúnað.
Ingimar Baldvinsson, hjá IB ehf. á Selfossi, flytur
inn hjólhýsi sem rúma þetta allt.
Ingimar er að bjástra við að koma nýja lúxusvagnin-
um sínum á götuna þegar ljósmyndara Fréttablaðsins
ber að garði. Vagninn er með básum fyrir fimm hesta
ásamt því að vera íbúð fyrir litla fjölskyldu með
rúmum, eldunarútbúnaði, miðstöð og sturtu. „Ég er
ekki farinn að nota vagninn en við erum að setja hann
á númer eftir nokkra daga,“ segir hann ánægður.
Þetta er enn sem komið er eini vagninn sinnar
tegundar á landinu en Ingimar hóf í fyrrahaust að
flytja inn áþekka vagna sem rúma frá fimm upp í
tíu hross. Auk þess er þar hugguleg kaffistofa með
tveimur hellum, köldu vatni, litlum ísskáp, svefn-
plássi og miðstöð. Sjö slíkir eru komnir til landsins
og sá áttundi er á leiðinni. „Vagnarnir eru sérhann-
aðir fyrir okkur í Ameríku og básarnir passa fyrir ís-
lenska hesta,“ lýsir Ingimar. „Við breyttum vögnun-
um með því að mjókka þá og lækka þakið svo þeir
tækju minni vind á sig. Auk þess látum við setja í þá
ABS-bremsur sem evrópskar reglur kveða á um að
séu notaðar.“
Ingimar kveðst hafa teiknað upp þær breytingar
á amerísku vögnunum sem honum þótti við þurfa
meðan hann var staddur hjá framleiðanda þeirra í
Indiana. „Ég var bara með hönnuði fyrirtækisins í
tvo daga við að sauma þetta saman. Hann var svo
einstaklega jákvæður og sagði alltaf: „Já, ég get gert
þetta,“ og stóð við það. Útkoman smáþróaðist í að
verða svona glæsileg og nú er fyrirtækið farið að
markaðssetja kaffistofuna ytra sem við létum hanna
fyrir okkur.“
Ingimar segir vagnana það þunga að engin hætta
sé á að þeir fjúki. En hvernig bíl skyldi fólk þurfa að
eiga til að draga þá? „Amerískan Pickup og það vill
svo til að hestamenn eiga flestir þannig bíla,“ segir
Ingimar og upplýsir að vagnarnir kosti frá fimm til
sjö milljónir, eftir gengi krónunnar. - gun
Grétar Guðni Guðmundsson hefur keyrt sendibíl í 34 ár. Hann
segir bílstjórastarfið fjölbreytt og skemmtilegt enda hefur hann
farið í margar eftirminnilegar sendiferðir um dagana.
„Ég flyt allt frá skilaboðum upp í fleiri tonna sendingar,“ segir Grétar
Guðni Guðmundsson bílstjóri hjá Sendibílastöðinni hf.
Grétar hefur tvo bíla til umráða, lítinn Toyota Hiace og Volvo kassa-
bíl fyrir stærri farm. Hann þjónustar aðallega fyrirtæki og segir að um
sjötíu til áttatíu fyrirtæki og stofnanir versli við hann á ári. „Verkefn-
in eru eins misjöfn og þau eru mörg og sumar ferðirnar eru eftirminni-
legri en aðrar. Einu sinni tók ég til dæmis með mér 6.000 farþega vestur
í Dali,“ segir Grétar og útskýrir að þar hafi verið á ferðinni laxaseiði
sem átti að sleppa út í á.
Grétar hefur starfað sem bílstjóri í 34 ár og segist síður en svo orð-
inn leiður á starfinu. „Margir bílstjórar eru í einhæfum verkefnum og
aka kannski sama hringinn mánuðum eða árum saman. Það er eflaust
þreytandi. Ég veit hins vegar sjaldnast hvaða verkefni bíða mín og það
er skemmtilegt. Starfið er líflegt og maður hittir marga,“ segir Grétar
og bætir við að margt hafi breyst frá því hann byrjaði í starfinu. „Bíl-
arnir hafa stækkað mikið og flutningatækninni hefur fleytt fram. Áður
var allt lausavara og maður þurfti að tína allt í höndunum inn í bílana.
Það tók kannski fjórar klukkustundir að ferma bílinn sem tekur 20 mín-
útur núna með rafmagnslyftum og öðrum hjálpartækjum,“ segir Grétar
en bendir á að starfið reyni þó enn talsvert á þrekið.
Grétar sendist aðallega innanbæjar en hefur þó farið í ýmsar lang-
ar ferðir. „Árið 1993 fór ég alla leið til Korsíku. Ég hafði tekið að mér
verkefni fyrir franska sendiráðið og þegar verslunarfulltrúi á þeirra
vegum þurfti að flytja aftur til Frakklands leituðu þeir til mín með að
koma búslóðinni í gám. Ég spurði hvort þeir vildu ekki bara að ég kæmi
henni alveg á leiðarenda og gerði þeim tilboð sem þeir tóku,“ rifjar
Grétar upp. Hann lagði af stað frá Reykjavík á sendibílnum sínum og
ók til Seyðisfjarðar þar sem hann ók um borð í Norrænu. „Svo fór ég í
land í Danmörku og ók þaðan niður til Parísar og skilaði hluta af búslóð-
inni af mér. Síðan hélt ég áfram niður til Nice og tók ferju til Korsíku,
en þangað átti farmurinn að fara,“ segir Grétar, sem er sannfærður um
að þetta hljóti að vera lengsta sendiferð í sögu íslenskra sendibílstjóra,
enda tók hún heilan mánuð. - þo
Fór í eina lengstu
sendiferð sögunnar
Grétar flytur alls kyns farm fyrir fyrirtæki og einstaklinga. FRÉTTABLAÐIÐ/ANTON
Límbandsrúllan er mikið
þarfaþing þegar pakkað
er ofan í kassa.
Sérútbúinn húsvagn
fyrir hesta og menn
Hestakerra og hjólhýsi í einum pakka sem Ingimar á Selfossi flytur inn. Heimasíðan hans er www.ib.is. FRÉTTABLAÐIÐ/GVA
Það er ekki dónalegt að hafa svona aðstöðu á hestamanna-
mótunum.
Hvaða kassi er nú þetta? Veit einhver hvað
þessi veggur er langur? Var ekki hamar hérna
einhvers staðar? Þegar flutt er milli íbúða er
mikilvægt að hafa röð og reglu á hlutunum.
Nokkur einföld verkfæri ættu alltaf að vera til
taks og það er pínlegt að gleyma að útvega
nauðsynlega hluti eins og pappakassa. Hér eru
nokkur atriði sem gott er að muna eftir.
Allt við höndina
Verkfærataskan verður að vera við höndina. Þú veist
aldrei hvenær þarf að negla nagla eða bora í veggi.
Gott er að merkja alla
kassa vel og vandlega og skrifa
í hvaða herbergi þeir eiga að fara.
Málbandið kemur að góðum notum
við flutninga. Þú gætir jafnvel þurft
að mæla dyraopin til að vita hvort
húsgögnin þín komist inn eða hvort
þú neyðist til að kaupa ný.
Kassar eru nauðsynlegir. Víða í verslun-
um má fá gefins kassa en svo má líka
kaupa þá í öllum stærðum og gerðum.
Vonandi
slasarðu
þig ekki í
látunum
en það er
gott að hafa
plásturinn
tilbúinn.