Fréttablaðið - 14.05.2008, Blaðsíða 19
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA VEIÐI VINNUVÉLAR O.FL.
Sandra Daðadóttir, nemandi í áttunda bekk í
Áltamýrarskóla, er með brennandi ferðaáhuga,
þrátt fyrir ungan aldur, og hefur farið víða.
Sandra æfir fimleika hjá íþróttafélaginu Gerplu
og hefur ferðast mikið með félaginu.
Af öllum þeim ferðum sem Sandra hefur farið í stend-
ur ein upp úr og mun lifa lengi í minni hennar. Daginn
eftir fermingu hennar fór hún nefnilega í ferðalag
ásamt fjölskyldu sinni til Dóminíska lýðveldisins.
„Í Dóminíska lýðveldinu gat ég gert nokkuð sem
mig hefur dreymt um frá fjögurra ára aldri en það er
að synda með höfrungum,“ segir Sandra ánægð.
„Þegar ég og foreldrar mínir vorum að ræða ferm-
inguna og hvernig henni skyldi háttað kom til tals að
sameina ferminguna og þennan draum minn um að
synda með höfrungum. Ég fór inn á netið og fann stað
þar sem boðið var upp á atriði og samveru með höfr-
ungum og ýmsum sjávardýrum,“ útskýrir Sandra.
Með Söndru í för voru foreldrar hennar og bróðir
ásamt föðursystur og eiginmanni hennar. Alls var
fjölskyldan úti í ellefu daga og fóru þau út strax dag-
inn eftir fermingu Söndru. Veislan sem Sandra hélt
var fyrir hennar allra nánustu og var fámenn en
góðmenn.
„Fyrir mér var þessi ferð stór og mikil fermingar-
veisla sem varði í ellefu daga. Ég var aldrei í vafa um
hvernig ég vildi hafa ferminguna og páskana eftir að
ég fann þessa ferð,“ segir Sandra og bætir við: „Það
sem stóð upp úr annars frábærri ferð var dagurinn í
Sea World þar sem við syntum með höfrungum og
einnig stingskötum, hákörlum, sæljónum og fiskum.
Upplifunin í Sea World var stórkostleg og ég og bróð-
ir minn gleymum henni aldrei. Við vorum hræddust
við stingsköturnar en það var víst búið að klippa
eituroddinn af þeim.“
Í sumar bíður Söndru unglingavinnan en í júlí fer
hún í sína næstu ferð sem er keppnisferð í fimleikum
með Gerplu til Frakklands.
mikael@frettabladid.is
Í sundi með höfrungum
Gamall draumur Söndru varð að veruleika þegar hún fékk að synda með höfrungum. MYND/DAÐI
Smiðjuvegur 38 rauð gata • Sími 564 0606 • Fax 564 0636
www.bilastod.is • bilastod@simnet.is
GERUM VIÐ ALLAR TEGUNDIR BÍLA
Japan/U.S.A.
STÝRISENDAR,
SPINDILKÚLUR
OG FÓÐRINGAR
í jeppa í miklu úrvali
Vagnhöfða 7
110 Reykjavík
Sími: 517 5000
ÞÆGILEGAR, FLOTTAR
OG HAGKVÆMAR
Vespur verða stöðugt
vinsælli hjá Íslend-
ingum.
BÍLAR 6
Í EIGIN RÚMI
Að ýmsu þarf að huga þegar
fyrsta alvörurúmið er
keypt.
HEIMILI 4