Fréttablaðið - 29.05.2008, Blaðsíða 72

44 29. maí 2008 FIMMTUDAGUR
bio@frettabladid.is
Allt útlit er fyrir að þeir Viggo Morten-
sen, Andy Serkis og Ian McKellen
endurtaki hlutverk sín frá hinum
vinsæla þríleik Peters Jackson eftir
Hringadróttinssögu Tolkiens. Nú
stendur fyrir dyrum að gera tvær
kvikmyndir, eina eftir Hobbitanum,
og eina sem tengir saman Hobbit-
ann og Hringadróttinssögu.
Mortensen mun væntanlega
bara koma fram í seinni
myndinni því eins og kunnugt
er þá kemur persóna hans,
Aragorn, ekki fyrir í
Hobbitanum. Mexíkóski leikstjórinn Guillermo
del Toro heldur um stjórnartaumana. Peter
Jackson er að sjálfsögðu í framleiðendateym-
inu og nú er verið að leggja lokahönd á
handritin.
Þremenningarnir Mortensen, Serkis og
McKellen voru ákaflega eftirminnilegir sem
Aragorn, Gollum og Gandálfur og væntanlega
eiga margir erfitt með að ímynda sér
einhverja aðra í hlutverki þeirra.
SNÝR AFTUR Viggo Mortensen gæti
snúið aftur í hlutverk Aragorns í Hobb-
ita-kvikmyndum del Toro.
Hetjur, af öllum stærðum
og gerðum, eru og verða
vinsælt umfjöllunarefni
kvikmyndamanna í Holly-
wood. CNN tók saman tíu
mestu hetjurnar í kvik-
myndasögunni og þar trónir
á toppnum óvæntur sigur-
vegari. Tvær konur eru á
listanum.
Athygli vekur að engin ofurhetja á
sæti á lista CNN yfir tíu mestu hetj-
ur kvikmyndasögunnar. Sem sagt
enginn Superman, Batman eða
Spiderman. Enda hafa þessar fíg-
úrur svo sem gefið út yfirlýsingar
þess efnis að þær séu hetjur sem
standa í ströngu daginn inn og út og
hafa í raun ekkert annað fyrir
stafni en að vera hetjur. John
McClane í líki Bruce Willis er ekki
heldur á lista þótt hann hafi í fjór-
gang bjargað Bandaríkjunum frá
stórslysi.
Bond og Indiana
Listi CNN er fyrir margra sakir
mjög merkilegur. Þar má finna
James Bond í níunda sæti fyrir
hetjudáðir sínar í Dr. No. Í umsögn
CNN segir að fáir ef einhverjir hafi
jafn lítið fyrir því að skella sér í
blautbúning, bjarga heiminum og
koma sér síðan aftur í smóking, allt
á mettíma. Auk þess að fara alltaf
heim með sætustu stelpunni af ball-
inu.
Ef marka má fréttir síðustu vikna
þá er ljóst að Jodie Foster vill líka
fara heim með sætustu stelpunni af
ballinu en það er svo sem önnur
saga. Persóna hennnar, Clarice
Sterling, sem eltist við Buffalo Bill
og Hannibal Lecter í Silence of the
Lambs þykir hafa sýnt af sér
fádæma hugrekki í baráttunni við
kolgeðveika raðmorðingja. Meðal
annarra sem skipa sér í sjö neðstu
sætin má nefna hinn hefnigjarna
Jason Bourne í meðförum Matts
Damon og þá félaga Indiana
Jones og Dirty Harry þótt meðöl
þeirra og aðferðir eigi kannski
ekki margt sameiginlegt og fjár-
sjóðir þeirra ólíkir.
Tíunda sætið er hins vegar
öruggt í höndunum á Neo sem
reif niður veggi Matrix-for-
ritsins í fyrstu kvikmyndinni.
Ef Wachowski-bræðurnir Andy og
Larry hefðu ekki verið svona vit-
lausir þá væri Neo eflaust ofar á
lista en framhaldsmyndirnar tvær
eru einfaldlega svo vondar að Neo
og Keanu Reeves geta unað sáttir
við sitt.
Kona meðal þriggja efstu
Topp þrjú sætin koma eflaust
mörgum kvikmyndaáhugamannin-
um á óvart. Enda væru sennilega
margir búnir að gera sér upp fyrir-
fram ákveðna skoðun á því að ein-
hver ofurhetjan ætti nafnbótina
skilið fyrir fórnfúst starf í dular-
gervi. En svo er nú aldeilis ekki. Í
þriðja sætinu situr geimfarinn
Ellen Ripley, einhver mesta kven-
hetja kvikmyndasögunnar sem
slökkti allar vonir geimvera um að
ná yfirráðum yfir mannkyninu með
hinni ódauðlegu setningu: „Get a
away from her, you bitch.“ Sig-
ourney Weaver tók með þessu hlut-
verki sínu af allan vafa að
hún væri fremst meðal
jafningja á níunda áratugnum en
því miður hefur Weaver, líkt og svo
margar konur í Hollywood, mátt
þola öll þau innihaldsrýru hlutverk
sem til eru handa miðaldra konum
og nær sér í salt í grautinn með
fremur lélegum myndum.
Annað sætið er frátekið af sjálf-
um Atticus Finch, lögfræðinginum
réttsýna, sem neitaði að hlusta á
háværa meirihlutann og varði
svarta manninn, sem múgurinn
vildi hengja án dóms og laga. Þessi
aðalpersóna myndarinnar To Kill a
Mockingbird í meðförum Gregory
Peck er einhver áhrifamesta per-
sóna kvikmyndasögunnar og ósjald-
an er vitnað til afreka Finch í öðrum
bíómyndum sem fæstar komast þó
með tærnar þar sem meistaraverk
Roberts Mulligan hefur hælana.
Sigurvegari þessarar kosningar
CNN er hins vegar verksmiðjueig-
andinn Oscar Schindler úr magn-
aðri kvikmynd Stevens Spielberg,
Schindler‘s List. Liam Neeson er
hreint út sagt magnaður í hlutverki
Schindlers sem sér að þriðja ríkið
er bæði ómannúðlegt og dýrslegt
og leggur sig í mikla hættu til að
koma í veg fyrir að þúsundir gyð-
inga verði sendir í útrýmingarbúð-
ir nasista. Þrátt fyrir að Schindler
hafi verið drykkfelldur stríðs-
mangari sem var veikur fyrir
konum og háum fjárhæðum þá
lét hann lesti sína ekki aftra því
að gera allt sem í hans valdi
stæði til að láta ekki starfsfólk
sitt lenda í höndunum a nasistun-
um.
Schindler er mesta hetjan
MESTA HETJAN Liam Neeson
hefur sennilega ekki búist við því
að Oscar Schindler yrði valin mesta
hetja kvikmyndasögunnar
MESTA KVENHETJAN Ellen Ripley er
mesta kvenhetja kvikmyndasögunnar
samkvæmt óvísindalegum lista CNN.
Hún skýtur Indiana Jones, James
Bond og Jason Bourne ref fyrir rass.
RÉTTLÁTUR OG GÓÐUR Atticus Finch og frammistaða Gregory Peck situr lengi eftir og
hann er „elsta“ hetja hvíta tjaldsins á lista CNN.
Blásið verður til mikillar veislu í
kvöld í Kringlubíói en þá keppa
fimmtán íslenskar stuttmyndir um
aðalverðlaun Stuttmyndadaga.
Aðstandendur hátíðarinnar kynntu
kvöldið í umferðarmiðstöð BSÍ í
gær og þar kom fram að yfir fjöru-
tíu stuttmyndir hefðu borist þetta
árið. Dómefndin, skipuð þeim Mart-
eini Þórssyni, Gunnari Birni Guð-
mundssyni og Jóhanni Ævari Gríms-
syni, hafði því úr nægu að moða
þegar kom að því að velja fimmtán
stuttmyndir inn í keppnina.
Aðgangur í kvöld er ókeypis og
hefst veislan klukkan sjö en verð-
launin verða veitt í lok kvöldsins.
Stuttmyndaveisla í
Kringlubíói
LOTR snúa aftur
Í síðustu viku var það Indiana Jones
handa karlpeningnum. En núna eru
það þær Carrie Bradshaw, Miranda,
Charlotte og Samantha sem eiga
stóra sviðið í kvikmyndahúsum
borgarinnar. Þessar fjórar konur
hafa árum saman heillað sjónvarps-
áhorfendur upp úr skónum í sjón-
varpsþáttunum Sex and the City
eða Beðmálum í borginni eins og
RÚV þýddi heitið svo skemmti-
lega. Hafi konurnar farið með
semingi á miðaldra fornleifafræð-
inginn má búast við svipuðum
trega hjá karlpeningnum þegar
húsfreyjan stingur upp á kvöld-
skemmtun það kvöldið.
Konurnar fjórar hafa lítið
vitkast síðan aðdáendur þátt-
anna skildu við þær. Carrie er
alveg jafnleitandi og óviss um stóru
ástina í sínu lífi; ólíkindatólið Mr.
Big. Miranda á í svipuðum vanda-
málum með ástarlífið og síðast,
Charlotte hamast og hamast við að
verða ólétt og Samantha er enn við
sama heygarðshornið; táldregur
táninga eins og Mrs. Robinson hér
um árið. Áhorfendur fá að skyggn-
ast inn í heim félagslífsins í New
York og það hefur síður en svo dott-
ið niður þrátt fyrir töluverða fjar-
veru Beðmáls-drottninganna.
Beðmálin í borginni komin til Íslands
BEÐMÁLSSTÚLKURNAR Þær Carrie,
Miranda, Samantha og Charlotte hafa
litlu gleymt síðan þær voru á skjánum og
glíma enn við sömu vandamál.
HINAR ÚTVÖLDU FIMMTÁN
Friðardúfan
Leikstjórn: Grímur Jón Sigurðsson
Post it
Leikstjórn: Hlynur Pálmason
Reflections
Leikstjórn: Gísli Darri Halldórsson
Kassinn
Leikstjórn: Halldór Halldórsson og
Helgi Jóhannsson
Monsieur Hyde
Leikstjórn: Vera Sölvadóttir
Hux
Leikstjórn: Arnar M. Brynjarsson
Uniform Sierra
Leikstjórn: Sigríður Soffía Níelsdóttir
The Bird Watcher
Leikstjórn: K. Newman
Miska
Leikstjórn: Grímur Örn Þórðarson
Lion King and Vodka
Leikstjórn: Sandra Guðrún Guð-
mundsdóttir
Smásaga:
Leikstjórn: Magnús Unnar
Fullkominn
Leikstjórn: Baldvin Kári Svein-
björnsson
Morgunmatur
Leikstjórn: Leó Ásgeirsson
Ties
Leikstjórn: Baldvin Kári Svein-
björnsson
Lumpy Diversity:
Leikstjórn: Anna Hallin
> ENGIN FRAMHALDS-
MYND HJÁ MCGREGOR
Ewan McGregor hefur útilokað að
hann muni taka að sér hlutverk í
framhaldsmynd af Trainspotting
sem skaut honum upp á stjörnu-
himininn. „Mér fannst
seinni bók Irvines Welsh
ekki góð; hún virkaði á
mig eins og framhald
af myndinni en ekki
bókinni.“
ÆRIÐ VERKEFNI Þeir Marteinn Þórsson,
Gunnar Björn og Jóhann Ævar þurftu
að velja úr fjörutíu stuttmyndum og eru
hér ásamt leikstjórum stuttmyndanna
fimmtán.