Fréttablaðið - 29.05.2008, Blaðsíða 82
29. maí 2008 FIMMTUDAGUR
TM styður kvennaknattspyrnu
FÓTBOLTI Íslenska kvennalandslið-
ið í fótbolta er aftur komið á sigur-
braut í undankeppni EM eftir
flottan 4-0 sigur á Serbum í 35
stiga hita í Serbíu í gær. Íslenska
liðið komst yfir strax í upphafi
leiksins en þurfti að bíða fram í
seinni hálfleik eftir fleiri mörk-
um.
Margrét Lára Viðarsdóttir skor-
að tvö mörk og hin 18 ára Sara
Björk Gunnarsdóttir og varamað-
urinn Katrín Ómarsdóttir skoruðu
hin mörkin. Þóra Björg Helgadótt-
ir hélt hreinu í sínum fyrsta leik
eftir að hún gaf aftur kost á sér í
landsliðið. Ísland er nú í öðru sæti
riðilsins, sex stigum á eftir Frökk-
um og þremur stigum á undan Sló-
veníu sem er næsti mótherji liðs-
ins á Laugardalsvellinum 21. júní.
„Við pressuðum þær framar-
lega og þær náðu aldrei almenni-
lega að spila í gegnum okkur. Við
vorum síðan mjög beittar, sköpuð-
um okkur fullt af færum og skor-
uðum fjögur mörk. Við hefðum
getað skorað fleiri mörk en það er
mjög jákvætt að halda hreinu og
skora fjögur mörk á útivelli og ég
er því mjög ánægður,“ sagði Sig-
urður Ragnar Eyjólfsson lands-
liðsþjálfari.
Ísland tapaði óvænt fyrir Sló-
veníu í síðasta leik sínum í undan-
keppninni og það var ljóst að
íslensku stelpurnar ætluðu ekki
að láta slíkt „slys“ koma fyrir
aftur. „Við lærðum mikið af úrslit-
unum í Slóveníu og ég held að sú
reynsla hafi hjálpað okkur mikið í
þessum leik. Stelpurnar voru ein-
beittar frá byrjun,“ sagði Sigurð-
ur.
Leikurinn fór fram við mjög
erfiðar aðstæður og þjálfarinn
játar að hafa haft smá áhyggjur af
því. „Við sáum það strax í upphit-
uninni að hitinn var gríðarlega
mikill og það er erfitt að spila
hápressu í svona miklum hita. Það
kólnaði aðeins í seinni hálfleik
sem betur fer og þá gekk okkur
betur. Seinni hálfleikurinn var
mjög góður. Ég vil hrósa stelpun-
um fyrir að vera mjög einbeittar
og einnig að halda út allan leikinn.
Við héldum áfram að skapa okkur
færi fram á síðustu mínútu,“ sagði
Sigurður Ragnar.
Árangur íslenska liðsins undir
stjórn Sigurðar hefur verið frá-
bær og þá fer það ekki milli mála
að undir hans stjórn er varnarleik-
urinn mjög sterkur. „Varnarleikur
liðsins er til fyrirmyndar. Það er
metnaðarmál hjá liðinu að halda
hreinu í hverjum einasta leik,“
sagði Sigurður.
„Slóvenía vann sinn leik á móti
Grikklandi 3-1 og er núna orðinn
aðalkeppinautur okkar í riðlinum
fyrir utan Frakkana. Við eigum
þær í næsta leik og það verður
hörkuleikur. Við eigum harma að
hefna á móti þeim og ég vona að
við fáum góðan stuðning frá áhorf-
endunum heima. Stelpurnar töluð-
um um það eftir leikinn við Serbíu
í fyrra að það væri eins og að hafa
tvo aukamenn að fá svona góðan
stuðning.“ ooj@frettabladid.is
Stórsigur í sjóðandi hita
Þóra Björg Helgadóttir hélt hreinu í endurkomu sinni í íslenska kvennalandslið-
inu þegar íslenska liðið vann öruggan 4-0 sigur í 35 stiga hita í Serbíu í gær.
MIKILVÆGT MARK Sara Björk Gunnars-
dóttir stóð sig vel í gær og kom Íslandi í
2-0. FRÉTTABLAÐIÐ/ ALEKSANDAR DJOROVIC
FJÖGUR MÖRK Margrét Lára Viðarsdóttir, Sara Björk Gunnarsdóttir og Hólmfríður
Magnúsdóttir fagna einu af mörkunum í gær. FRÉTTABLAÐIÐ/ ALEKSANDAR DJOROVIC
FÓTBOLTI Margrét Lára Viðars-
dóttir hélt áfram uppteknum
hætti í undankeppninni og skor-
aði tvö mörk í gær.
Margrét Lára hefur skorað í
öllum fimm leikjum Íslands í
undankeppninni og er marka-
hæsti leikmaður riðilsins með
sex mörk, einu meira en franska
stúlkan Camille Abily.
„Við höfum frábæra leikmenn
fram á við eins og Margréti Láru
sem skorar endalaust. Hún er að
spila frábærlega vel fyrir liðið
líka og leggur upp færi fyrir leik-
mennina í kringum sig,“ sagði
Sigurður Ragnar Eyjólfsson
landsliðsþjálfari eftir leikinn í
gær en Margrét spilaði þrátt
fyrir að finna til aftan í læri.
„Hún fann fyrir sársauka og
þjösnaðist aðeins á þessu en ég
ræddi við hana í seinni hálfleik
um það hvort hún vildi klára
dæmið og hún vildi gera það,“
sagði Sigurður Ragnar.
Margrét Lára skoraði fernu í
síðasta leik Íslands í síðustu und-
ankeppni og hefur þar með skor-
að í sex „alvöru“ landsleikjum í
röð og alls 23 mörk í 23 leikjum í
undankeppni HM eða EM. Alls
hefur þessi mikla markadrottn-
ing skorað 37 mörk fyrir A-lands-
liðið í aðeins 41 leik.
- óój
Margrét Lára Viðarsdóttir skoraði í sjötta „alvöru“ landsleiknum í röð í gær:
Hún skorar bara endalaust
MARKAHÆST Margrét Lára hefur
skorað mest allra í riðli Íslands.
FRÉTTABLAÐIÐ/ALEKSANDAR DJOROVIC
FÓTBOLTI Katrín Jónsdóttir lék sinn 73. landsleik
í gær og hún segir hitann hafa gert þennan leik
af einum þeim erfiðasta af þessum leikjum.
„Ég er mjög ánægð með þennan leik. Við
skorum fjögur mörk, höldum hreinu og tökum
þrjú stig á útivelli í Serbíu. Það er mjög góður
árangur og við erum mjög sáttar við það,“ sagði
Katrín. „Auðvitað eru ýmis atriði sem við
getum lagfært í okkar leik og betri andstæð-
ingur hefði refsað okkur fyrir. Ég held að hita-
stigið hafi spilað þar inn í því þetta gekk mjög
vel í seinni hálfleik eftir að hitastigið datt
aðeins niður,“ segir Katrín.
„Fyrri hálfleikur, og þá sérstaklega lok
hans, gerði þetta klárlega að einum erfiðasta
leik sem ég hefur spilað. Hitinn var gríðar-
legur og hann tók úr manni þrótt og kraft.
Við vorum heldur ekki alveg nógu skyn-
samar í lok fyrri hálfleiks enda var kannski rök-
hugsunin ekki alveg í lagi í þessum hita. Það hjálp-
aði okkur samt mikið að hitastigið var aðeins
skárra í seinni hálfleik,“ sagði Katrín.
„Við mundum allar eftir Slóveníuleiknum
og það vildi engin í liðinu upplifa sömu stemn-
ingu og eftir þann leik. Við höfum lært af
þeim mistökum og horfum bara fram á við.
Það voru allar í liðinu með 150 prósent ein-
beitingu á þennan leik,“ sagði Katrín sem var
kát með leikinn eins og aðrar í liðinu.
„Við komum heim brosandi og svolítið
brúnar enda búnar að fá smá sól,“ sagði
Katrín í léttum tón að lokum.
Fram undan eru tveir heimaleikir og
hún segir stelpurnar ætla sér að taka þrjú stig í
þeim báðum. - óój
Hitinn gerði leikinn í gær að einum erfiðasta leik fyrirliðans Katrínar Jónsdóttur:
Brosandi og svolítið brúnar