Fréttablaðið - 29.05.2008, Blaðsíða 22
22 29. maí 2008 FIMMTUDAGUR
hagur heimilanna
20
1
17
2
20
0
18
4
19
2
18
4
1998 2000 2002 2004 2006 2008
Tölur eru í krónum. Miðað er við
meðalverðlag á landinu öllu.
HEIMILD: HAGSTOFA ÍSLANDS
„Bestu kaupin gerði ég fyrir allnokkrum
árum í verslunarferð í Hagkaup-
um,“ segir Guðjón Arngrímsson,
upplýsingafulltrúi Icelandair. „Þá
sá ég drapplitaðan frakka sem var
svo afskaplega ódýr að ég skellti
honum í innkaupakörfuna með
matnum. Reyndar notaði ég hann
ekki mikið til að byrja með en svo
má segja að hans tími hafi komið
því hann komst allt í einu í tísku. Þá
fór ég að nota hann mikið og tók
mig bara nokkuð vel út.
Ég notaði hann í
mörg ár.“
Þessi góðu
kaup gerði
Guðjón í hálfkæringi en svo var meira lagt í
önnur kaup sem fóru ekki eins vel. Sú saga
segir Guðjón að gæti reynst sem víti til
varnaðar nú þegar verðbólgan hefur tekið
flugið.
„Verstu kaupin gerði ég einnig fyrir
mörgum árum. Það var þegar ég keypti
íbúð í Kópavogi. Þetta var árið 1983 að
mig minnir, allavega á tímum mikillar
óðaverðbólgu. Ekki nóg með það heldur
drógust framkvæmdir á langinn þannig
að þetta hnýtti aftan á mig löngum
skuldahala sem ég dró lengi á
eftir mér. Það er ekki laust
við að það setji ennþá að
manni hroll þegar talað er
um húsnæðismál.“
NEYTANDINN: GUÐJÓN ARNGRÍMSSON UPPLÝSINGAFULLTRÚI
Ódýri Hagkaupsfrakkinn komst í tísku
Mikið af gömlum raftækjum, sem ekki eru endurunnin á
Vesturlöndum, enda á ruslahaugum í Afríku. Það kemur
fram í skýrslu Greenpeace, Toxic TecH: Not in our backy-
ard, sem sagt er frá á heimasíðu Neytendasamtakanna.
Í skýrslunni er sagt frá því að neytendur losa sig við 20
til 50 milljónir tonna af rafeindaúrgangi ár hvert, og Evr-
ópubúar einir losa sig við tæpar níu milljónir tonna. Stór
hluti tækjanna virkar ekki og fer því beint á ruslahauga.
Samkvæmt skýrslu Greenpeace er rafeindaúrgangur því
orðinn að alvarlegu umhverfisvandamáli í sumum Afríkuríkjum.
■ Raftæki
Gömul raftæki á ruslahaugum í Afríku
Ýmsar reglur gilda um réttindi flugfarþega,
til dæmis vegna seinkana á flugi og glataðs
farangurs. Oft eiga flugfarþegar til dæmis rétt
á bótum ef flugáætlanir raskast. Samkvæmt
alþjóðlegum reglum ber flugrekanda að bjóða farþegum máltíðir og hressingu,
samskiptaaðstöðu, flutning milli flugvalla og gistingu ef svo ber undir, sjái hann
fram á að flugi seinki um þrjár klukkustundir eða meira. Ef töfin verður fimm
klukkustundir eða lengri verður flugrekandinn að bjóðast til að endurgreiða
farmiða. Talsmaður neytenda fjallar nánar um réttindi flugfarþega á heimasíð-
unni talsmadur.is.
■ Þjónusta
Ýmis réttindi flugfarþega
„Það er gamalt og gott húsráð að
pakka silfrinu sínu inn áður en það
er lagt ofan í skúffu.
Best er að nota
plastfilmu (sellófan).
Það verður til þess að
lítið sem ekkert fellur
á silfrið og minna þarf
að pússa, með öllum
þeim leiðindum sem
því fylgja.“
Kristinn segist ekki eiga óhóflega
mikið af silfri, en sem þjóðfræðingur
hefur hann áhuga á gömlum munum.
„Annars bý ég ekki yfir fjölda góðra
húsráða. Ég er reyndar hetja hjá
krökkunum mínum þessa dagana
fyrir að fjarlægja geitunga af heimilinu
með glasi og blaði.“
GÓÐ HÚSRÁÐ
PAKKAR SILFRINU INN
■ Kristinn Schram, forstöðumaður
Þjóðfræðistofu, verndar silfrið sitt.
Útgjöldin
> Verð á Coca-Cola í 2 lítra flösku
Fréttablaðið kannaði verð-
ið á línuskautum í fjórum
verslunum í Reykjavík.
Mikill munur er á gæðum
og verði skautanna. Hægt
er að sækja línuskauta-
námskeið til að læra
grunnatriðin.
Línuskautavertíðin er hafin af
fullum krafti. Jón Theodór Jóns-
son, sölumaður hjá Intersport,
segir skautana hafa byrjað að
rjúka út fyrir viku. „Allt stefnir
í að við þurfum að panta meira
fljótlega. Mér sýnist allir krakk-
ar á aldrinum tólf ára og upp úr
vera vitlausir í þetta, en það er
líka nokkuð um að pör komi
saman og splæsi í skauta.“
Jón segir verð skautanna endur-
spegla hversu fullkomnir þeir eru.
Mestu muni um að dýrari skaut-
arnir eru með betri stuðning og
legu. Þeir eru einnig sléttari og
komast hraðar en þeir sem eru
ódýrari. Ódýrasta parið af línu-
skautum í fullorðinsstærð hjá Int-
ersport kostar 9.900 krónur, meðan
dýrasta parið kostar 19.900.
Guðný Hansen, verslunar-
stjóri hjá Íslensku ölpunum í
Skeifunni, segir marga nýgræð-
inga í línuskautafræðum hafa
keypt sér skauta upp á síðkastið.
„Við höfum verið dugleg að aug-
lýsa tilboðin okkar og það hefur
skilað sér. Við héldum að það
yrði meira sala í barnaskautum,
en mesta salan hefur verið til
fullorðins fólks af öllum þjóð-
ernum sem hefur aldrei áður
stigið á línuskauta.“ Ódýrustu
skautarnir á tilboði hjá Íslensku
ölpunum kosta nú 4.498 krónur
en voru á 8.998 krónur. Tilboðs-
verð á dýrasta parinu er 9.200
krónur en var 12.995 krónur.
Samkvæmt Guðnýju gildir til-
boðið út júnímánuð.
Fréttablaðið kannaði einnig
verð á línuskautum hjá Hag-
kaupum í Skeifunni og Útilífi í
Glæsibæ. Hagkaup hafa til sölu
tvær tegundir af skautum og
kosta þær báðar 3.990 krónur.
Ódýrustu skautarnir hjá Útilífi í
Glæsibæ eru á 6.900 krónur, en
þeir dýrustu á 22.990. Verðmun-
ur á skautum er mikill eftir
búðum. Því er vissast að kanna
til hlítar hvaða gæði skautarnir
hafa upp á að bjóða, til að ganga
úr skugga um að fullnægjandi
gæði fáist fyrir peninginn.
Línuskautar.is hefur síðustu
sex ár haldið úti línuskautanám-
skeiðum á sumrin. Helgi Páll
Þórisson línuskautaleiðbeinandi
segir fullorðið fólk duglegast að
sækja námskeiðin. „Fólk kemur
oft til okkar til að læra grunna-
triðin, en það er ekki algilt.
Sumir hafa jafnvel skautað í tut-
tugu ár, en koma svo á námskeið
gagngert til að læra að stoppa.“
Helgi segir vænlegast að tíu til
tuttugu manns hópi sig saman og
panti sér námskeið. Hver tími er
ein og hálf til tvær klukkustund-
ir og kostar 1.500 til 2.000 krón-
ur á mann, allt eftir fjölda þátt-
takenda.
kjartan@frettabladid.is
Mikill gæða- og verð-
munur á línuskautum
HOLL HREYFING Línuskautaiðkun er ein hollasta og skemmtilegasta hreyfing sem völ er á.
Hringdu í síma
ef blaðið berst ekki