Fréttablaðið - 29.05.2008, Blaðsíða 80
Laugardalsvöllur, áhorf.: 5322
Ísland Wales
TÖLFRÆÐIN
Skot (á mark) 14–5 (4–1)
Varin skot Kjartan 0 – Hennessey 4
Horn 6–2
Aukaspyrnur fengnar 8–22
Rangstöður 1–4
0-1 Ched Evans (45.)
0-1
Adrian McCourt (x)
52 29. maí 2008 FIMMTUDAGUR
sport@frettabladid.is
BYRJUNARLIÐIÐ:
Kjartan Sturluson 5
Reyndi nákvæmlega ekkert á hann þær mínútur
sem hann spilaði og gat lítið gert við markinu.
Birkir Már Sævarsson 6
Ágætur leikur hjá Birki. Varðist vel og lengi, var
duglegur að sækja fram og átti nokkrar þokka-
legar rispur.
Kristján Örn Sigurðsson 6
Varðist vel en virkaði á stundum tæpur en slapp
fyrir horn. Oft verið betri.
Atli Sveinn Þórarinsson 6
Skilaði sínu þokkalega, gerði engin stór mistök
en hafa verður í huga að lítið reyndi á vörn
Íslands í leiknum.
Indriði Sigurðsson 6
Ágæt endurkoma hjá honum. Varðist vel og var
duglegur að sækja. Átti nokkrar ágætar sendingar.
Eggert Gunnþór Jónsson 6
Hélt sinni stöðu, gerði hlutina einfalt og vann vel
með Aroni.
Aron Einar Gunnarsson 7
Besti maður íslenska liðsins. Sívinnandi, stýrði
og dreifði spilinu vel og lengi vel sá eini með
lífsmarki í síðari hálfleik.
Gunnar Heiðar Þorvaldsson 4
Fann sig engan veginn. Duglegur í fyrri hálfleik
en kom lítið út úr því sem hann var að gera. Ekki
með í síðari hálfleik.
Emil Hallfreðsson 6
Átti sinn skásta leik í langan tíma. Líflegur framan
af, tók menn á en gekk ekkert sérstaklega að
finna samherja sína. Fjaraði undan honum líkt
og flestum.
Stefán Þór Þórðarson 6
Byrjaði leikinn frábærlega, mikið líf í Stefáni
sem hélt bolta vel og bjó til fyrir félaga sína. Um
miðjan fyrri hálfleik var svo allur vindur úr Stefáni
sem sást ekki meir.
VARAMENN:
46., Fjalar Þorgeirsson fyrir Kjartan 5
Reyndi aðeins meira á hann en Kjartan en samt
nánast sama og ekkert. Gerði engin mistök.
60., Hannes Sigurðsson fyrir Stefán 4
Bætti engu við og var lítt sjáanlegur.
60., Helgi Valur fyrir Eggert Gunnþór 5
Kom ákveðinn inn, átti tvö skot að marki en gerði
þess utan lítið.
70., Theodór Elmar fyrir Emil 5
Náði ekki að kveikja líf í íslenska liðinu frekar
en aðrir.
77., Jónas Guðni fyrir Aron Einar -
82., Arnór Smára fyrir Gunnar Heiðar -
LIÐ ÍSLANDS
Þjálfararáðstefna KÞÍ
um barna- og unglingaþjálfun
Verður haldin laugardaginn 31 Maí í fræðslusetri KSÍ á Laugardalsvelli.
Dagskrá:
10:00 - 12:10 Þjálfun barna og unglinga
- Kasper Hjulmand þjálfari hjá Lyngby í Danmörku.
12:40 - 14:00 KnattspyrnuÞjálfarinn sem stjórnandi og leiðtogi
- Vilmar Pétursson stjórnendaþjálfari hjá Capacent.
Aðgangur er ókeypis fyrir félagsmenn í KÞÍ en
kr.1000.- fyrir ófélagsbundna.
Skráning á kthi@isl.is
> Sverre líklega ekki með í Póllandi
Enn er óvíst með þátttöku varnartröllsins
Sverre Andreasar Jakobssonar í leikjum
Íslands í forkeppni Ólympíuleikanna sem hefst
í Póllandi á morgun en hann er staddur í Þýska-
landi ásamt unnustu sinni þar sem þau eiga
von á barni. Guðmundur Þórður Guðmundsson,
landsliðsþjálfari Íslands, á síður von á því að
Sverre verði með í verkefninu. „Það verður að
teljast ólíklegt eins og staðan er núna og ég
reikna síður með því að hann spili eitthvað
í Póllandi,“ sagði Guðmundur sem kvað
ástandið gott á öðrum leikmönnum
liðsins sem hafa verið að æfa í Þýska-
landi undanfarna daga. Landsliðið keyrir til
Póllands í dag og mætir svo Argentínu á
morgun.
FÓTBOLTI John Terry steig fyrsta
skrefið í átt að því að komast yfir
vítaspyrnuklúðrið sitt í úrslita-
leik Meistaradeildarinnar, þegar
hann skoraði fyrra mark Eng-
lands í 2-0 sigri á Bandaríkjunum
á Wembley í gær.
Markið skoraði Terry með
skalla eftir fyrirgjöf frá David
Beckham. Terry fékk auk þess að
bera fyrirliðabandið í leiknum og
það var því nokkur annar bragur
á þessu miðvikudagskvöldi í sam-
anburði við martröð hans í
Moskvu fyrir viku.
Seinna mark Englendinga skor-
aði Liverpool-maðurinn Steven
Gerrard eftir flottan undirbún-
ing frá Gareth Barry en miklar
líkur eru taldar á því að þeir spili
hlið við hlið á miðju Liverpool
næsta vetur. Barry var nýkominn
inn á sem varamaður fyrir Frank
Lampard þegar hann lagði upp
markið en enn á ný náðu þeir
Lampard og Gerrard engan veg-
inn saman á miðjunni.
Þetta var þriðji leikur Eng-
lands undir stjórn Fabio Capello
og hann á enn mikið verk fyrir
höndum að rífa upp enska lands-
liðið og það var frekar slakur
mótherji en góður leikur sem
tryggði þennan sigur í gær. - óój
England vann 2-0 sigur á Bandaríkjamönnum í vináttulandsleik á Wembley:
Smá sárabót fyrir John Terry
FÖGNUÐUR John Terry var sáttur
með það að skora í gær.
NORDICPHOTOS/GETTY
FÓTBOLTI Fótbolti er einföld íþrótt.
Hún snýst um að skora mörk. Það
gerði Wales úr eina færi sínu í gær
og það dugði afspyrnuslöku velsku
liði til sigurs í Dalnum í gær. Þrátt
fyrir að vera talsvert sterkari aðil-
inn mátti íslenska liðið sætta sig
við tap.
Það var aðeins eitt lið á vellinum
í fyrri hálfleik í gær og það lið var
í bláum búningum. Það verður að
segjast eins og er að Walesverjar
voru engan veginn að nenna því að
spila leikinn. Það tók íslenska liðið
nokkrar mínútur að átta sig á
þeirri staðreynd en um leið og
strákarnir gerðu það tóku þeir öll
völd á vellinum.
Það var verulega gaman að
fylgjast með íslenska liðinu í fyrri
hálfleik. Það hélt boltanum vel
innan liðsins, leikmenn höfðu
sjálfstraust til þess að halda bolt-
anum sem þeir spiluðu stutt með
jörðinni og alltaf komu menn
hlaupandi í eyðurnar. Það var leik-
gleði í íslenska liðinu og ólíkt gest-
unum höfðu þeir áhuga og ánægju
af því sem þeir voru að gera.
Besta færi fyrri hálfleiks fékk
Pálmi Rafn á 12. mínútu er hann
stóð einn gegn markverði Wales
eftir frábæran undirbúning Stef-
áns Þórs. Hennessey gerði vel í að
loka markinu og varði í horn. Þetta
reyndist vera besta mark Íslands í
leiknum.
Leikmenn Wales voru
afspyrnuslakir, alltaf skrefi á eftir
og það segir sína sögu um baráttu-
leysið í þeirra herbúðum að þeir
brutu ekki einu sinni á íslenska lið-
inu í fyrri hálfleik. Þeir virtust
ekki einu sinni nenna því. Ísland
fékk eina aukaspyrnu í fyrri hálf-
leik en þá hafði boltinn farið í
hendi varnarmanns Wales.
Þrátt fyrir gríðarlega yfirburði
úti á vellinum gekk íslensku strák-
unum afar illa að skapa sér góð
færi fyrir utan færi Pálma Rafns.
Það vantaði drápseðlið í teignum
og að reka endahnútinn á sóknirn-
ar.
Það var svo algerlega gegn gangi
leiksins þegar varamaðurinn Ched
Evans kom Walesverjum yfir á
lokamínútu fyrri hálfleiks með
frábærri hælspyrnu. Gestirnir því
yfir í hálfleik þrátt fyrir að hafa
ekki getað neitt allan hálfleikinn.
Síðari hálfleik verður aðeins lýst
með einu orði – dauði! Það gerðist
ekkert í síðari hálfleik og þá meina
ég nákvæmlega ekki neitt. Velska
liðið hélt áfram áhugaleysi sínu, lá
til baka og hafði lítið fyrir því að
verjast máttlausum sóknum
íslenska liðsins.
Það var gjörsamlega allur vind-
ur úr íslenska liðinu og spila-
mennskan í síðari hálfleik var ekki
til útflutnings. Greddan alveg úr
leikmönnum sem voru staðir og
unnu ekki af sama krafti og í fyrri
hálfleik.
Jákvæðasta við leikinn var að
miðjuparið unga náði ágætlega
saman, ánægjulegt var að sjá liðið
halda bolta innan liðsins og spila
honum í fyrri hálfleik. Leikskipu-
lagið gekk nokkurn veginn upp
fyrir utan að liðið skoraði ekki.
Það er ekki ásættanlegt að liðið
skapi sér ekki fleiri og betri færi
gegn eins slöku liði og Wales var í
gær. Ólafur getur þó tekið margt
jákvætt úr þessum leik og kannski
er það jákvæðasta að hópurinn er
að stækka og fleiri menn virðast
vera tilbúnir í baráttuna.
henry@frettabladid.is
Óþarfa tap gegn slöku Walesliði
Slakt lið Wales lagði Ísland, 1-0, í vináttulandsleik í Laugardal í gær. Ísland var talsvert sterkari aðilinn en
skapaði sér nánast engin færi. Wales skoraði úr sínu eina færi.
Á ÖÐRUM FÆTI Ólafur Jóhannesson landsliðsþjálfari og aðstoðarmaður hans, Pétur
Pétursson, fylgjast hér með leiknum við Wales í gær. FRÉTTABLAÐIÐ/VILHELM
BESTUR Aron Einar Gunnarsson átti góðan leik á miðju íslenska liðsins gegn Wales í gær. FRÉTTABLAÐIÐ/VILHELM
Pétur Pétursson, aðstoðarþjálfari Íslands, var nokkuð sáttur
með spilamennsku íslenska liðsins þrátt fyrir o-1 tap gegn
Wales. „Mér fannst við ekki gefa mörg færi á okkur og
fengum í það minnsta þrjú ágæt marktækifæri þannig að
mér finnst í raun ekki sanngjarnt að við höfum tapað
leiknum,” sagði Pétur sem kvað íslensku leikmennina
vera að gera vel þá hluti sem upp var lagt fyrir þá.
„Við erum að reyna að leggja það upp með að
menn haldi boltanum innan liðsins og þori og
vilji fá boltann og mér fannst við vera að gera
það. Miðjumennirnir Aron Einar og Eggert
Gunnþór leystu til að mynda sín hlutverk mjög
vel í leiknum. Eins fannst mér Arnór Smárason
koma vel inn í leikinn og hann er annar af þess-
um ungu leikmönnum sem eru að taka miklum
framförum,” sagði Pétur að lokum.
Aron Einar Gunnarsson, maður leiksins, var
þokkalega sáttur í leikslok. „Ég er ánægður með
hversu vel stemmdir til leiks við mættum. Við
unnum mjög vel og við vorum þéttir varnarlega. Svo fáum við
á okkur algjörlega óþarft mark sem á ekkert að gerast. Það var
skandall. En við lærum bara af þessu, þetta er jú bara æfinga-
leikur. Það þýðir ekki að vera værukærir undir lokin og fá á sig
mark, við getum lært það af þessum leik,” sagði Aron sem var
sáttur með sinn leik.
„Þetta var allt í lagi, ég var að stjórna miðjunni vel. Ég
klikkaði samt á nokkrum sendingum sem ég á ekki að
klikka á. En ég reyndi mitt besta en ég er aðeins meiddur
í hnénu, það háði mér aðeins.”
Fyrirliði Íslands, Kristján Örn Sigurðsson, benti rétti-
lega á að Ísland hefði skapað sér fleiri færi. „Við gerðum
margt mjög vel í þessum leik. Það jákvæðasta var
líklega að við reyndum að setja á þá allan tímann, við
vorum duglegir að halda boltanum og gerðum hvað við
gátum og hættum ekkert þrátt fyrir að lenda undir. Það
vantaði herslumuninn að við fengjum einhver dauðafæri
en okkur gekk þó betur en þeim,” sagði Kristján.
PÉTUR PÉTURSSON AÐSTOÐARLANDSLIÐSÞJÁLFARI: VIÐBRÖGÐ EFTIR LEIKINN VIÐ WALES Í GÆR
Ekki sanngjart að við töpuðum leiknum