Fréttablaðið - 29.05.2008, Blaðsíða 11

FIMMTUDAGUR 29. maí 2008 11
STJÓRNMÁL Fimm daga heimsókn
hr. Herrys Mané, ráðherra við-
skipta, ferðamála og handverks í
Afríkuríkinu Gíneu-Bissá, til
Íslands hófst í gær.
Meðal þess sem ráðherrann
mun kynna sér á Íslandi eru ferða-
þjónusta, verslunarrekstur, orku-
framleiðsla, landbúnaður og fjar-
skiptarekstur. Í gær skoðaði hann
Búrfellsvirkjun en í dag mun hann
meðal annars heimsækja Alþingi
þar sem hann á fund með Ingi-
björgu Sólrúnu Gísladóttur utan-
ríkisráðherra. Auk þess á hann
fundi með stjórnendum Háskól-
ans í Reykjavík og Útflutnings-
ráði.
Ráðherrann á svo fundi með
Björgvini G. Sigurðssyni við-
skiptaráðherra og Össuri Skarp-
héðinssyni, ráðherra iðnaðar- og
ferðamála, og ræðir við þá aukin
samskipti ríkjanna.
Þá mun hann sækja tónleika
hljómsveitarinnar SuperMama
Djombo frá Gíneu-Bissá en hljóm-
sveitin heldur tvenna tónleika hér
á landi og eru þeir þáttur af Lista-
hátíð í Reykjavík.
Heimsókn Manés lýkur laugar-
daginn 31. maí næstkomandi en
með henni er hann að endurgjalda
heimsókn Björgvins G. Sigurðs-
sonar viðskiptaráðherra til Gíneu-
Bissá. - ovd
Ráðherra viðskipta, ferðamála og handverks í Gíneu-Bissá heimsækir Ísland:
Kynnir sér orkuframleiðslu og ferðaþjónustu
RÁÐHERRAR VIÐSKIPTAMÁLA Herry Mané og Björgvin G. Sigurðsson í heimsókn
þess síðarnefnda til Gíneu-Bissá í mars á þessu ári.
FÉLAGSMÁL Álfasala SÁÁ hófst í
gær þegar Jóhanna Sigurðardótt-
ir, félags- og tryggingamálaráð-
herra, keypti fyrsta álfinn og
sýndi þannig velvilja sinn
gagnvart því forvarnarstarfi sem
unnið er á unglingadeild SÁÁ.
Er þetta í nítjánda sinn sem hin
árlega álfasala fer fram en allur
ágóði af sölunni er til styrktar
unglingadeildinni að Vogi þangað
sem milli tvö og þrjú hundruð
ungmenni undir 20 ára aldri koma
árlega. Var deildin tekin í notkun
í byrjun árs 2000 en með tilkomu
hennar var þjónusta við vímu-
efnaneytendur á aldrinum 14 til
19 ára stóraukin og bætt. - ovd
Sala á álfum SÁÁ hófst í gær:
Jóhanna keypti
fyrsta álfinn
FYRSTI ÁLFURINN FÓR Á ÖXLINA
Jóhanna Sigurðardóttir, félags- og trygg-
ingamálaráðherra, keypti fyrsta álf SÁÁ.
FRÉTTABLAÐIÐ/ANTON
HEILBRIGÐISMÁL „Tóbakslaus
framtíð“ er þema alþjóðlega
tóbakslausa dagsins í ár en
dagurinn er haldinn 31. maí ár
hvert.
Að þessu sinni verður sérstök
áhersla lögð á ungt fólk og mun
Lýðheilsustöð standa fyrir
málþingi á Grand hóteli föstudag-
inn 30. maí. Á þinginu mun
heilbrigðisráðherra afhenda þeim
viðurkenningu sem þykir hafa
skarað framúr í tóbaksvörnum og
tóbaksmeðferð á Íslandi. - ovd
Tóbakslausi dagurinn:
Tóbakslaus
framtíð
ÚTGÁFUMÁL Símaskráin 2008 er
komin út og að þessu sinni er hún
myndskreytt af Hugleiki Dags-
syni.
Meðal breytinga frá fyrri
skrám er að í sjö landsbyggðar-
hlutum skrárinnar er nöfnum
raðað í stafrófsröð í stað þess að
hvert bæjarfélag sé tekið fyrir í
einu. Þá hafa gulu síðurnar verið
færðar fremst í skrána og er
efnisyfirlit þeirra nú einnig á
ensku og pólsku, auk íslensku.
Enn fremur hafa bæst við
upplýsingar um sundlaugar,
golfvelli og viðburði um land allt.
Símaskráin er prentuð í 200
þúsund eintökum og fæst
hefðbundið eintak endurgjalds-
laust en harðspjaldaútgáfan
kostar 700 krónur. Hana má
nálgast á afgreiðslustöðvum
Póstsins. - ovd
Símaskráin 2008 komin út:
Ný skrá með
myndasögu
ALÞINGI Á tíu árum hefur land
sem lagt er undir kornrækt á
Íslandi þrefaldast. Árið 1998
voru 1.200 hektarar lagðir undir
kornrækt en 3.600 hektarar á
síðasta ári. Útlit er fyrir að sáð
verði í um 4.500 hektara á þessu
ári.
Á sama tíma hefur uppskeran
vaxið úr 4.680 tonnum árið 1998 í
rúm 11.500 tonn á síðasta ári.
Þessar upplýsingar koma fram
í svari Einars K. Guðfinnssonar,
sjávarútvegs- og landbúnaðar-
ráðherra, við fyrirspurn Birkis
Jóns Jónssonar, þingmanns
Framsóknarflokksins.
- bþs
Þróun kornræktar á áratug:
Talsverð aukn-
ing í kornrækt